Mattiu 9:8 - Tedim Bible Revision 2017

⁸ Mihonte in hih thu a theih uh ciangin lau mahmah uh a, Pasian in mihingte tungah hih bang vangliatna a piakna hangin ama min a phat uh hi.

Tedim Bible

⁸ Mihonte in a muh uh ciangin a lau uh a, hih bang bawl theih nading thu mi tungah a pia Pasian a phat uh hi.

Mattiu 9:8 Iomraidhean Croise

Mattiu 12:23

Tua ciangin mi khempeuh in lamdang sa mahmah uh a, “Hih pa, i lam etet Davidʼ suan hi lo ding ahi hiam?” a ci uh hi.

Mattiu 15:31

A pau thei lote pau thei-in, khezawte damin, khebaite hoihtakin lam pai thei-in, mittawte in khua a muh theihkikna thu mihonpite in a muh uh ciangin lamdang sa mahmah uh a, Israel miteʼ Pasian a phat uh hi.

Mattiu 28:18

Tua ciangin amaute mai ah Jesu hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Mattiu 5:16

Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai ah na gamtat hoihna uh khuavak bangin na kilangsak un.

Mattiu 9:7

Amah zong tho-in a inn ah a ciah pah hi.

Marka 2:12

Tua mipa zong amaute khempeuhʼ muhin tho a, a lupna pheek la-in a paikhia pah hi. Amaute khempeuh in lamdang sa mahmah uh a, Pasian phatin, “Hih bang mahmah i mu ngei nai het kei hi,” a ci uh hi.

Marka 7:37

Amaute in gen zawh loh dongin lamdang sa mahmah uh a, “Hih mipa in sep theih loh bangmah nei lo hi. Bilngongte nangawn khua zasak thei a, a pau thei lote nangawn pau theisak hi,” a ci uh hi.

Luka 13:13

Tua ciangin numei tungah a khut nga a, thakhat thu-in amah ding tang thei-in Pasian a phat pah hi.

Luka 17:15

Amaute sung panin a damlam a kitheih ciangin khat hong leh taikik a, nakpi takin Pasian a phat hi.

Luka 17:18

Bang hangin hih gamdang mipa bek Pasianʼ tungah lungdamna a ko dingin hong kileh ahi hiam?” a ci hi.

Luka 18:43

Amah in zong thakhatin khua mu thei pah a, Jesu zui-in Pasian tungah a lungdamna a ko hi. Mihonpite in zong a muh ciangin a vekpi-un Pasian a phat uh hi.

Luka 2:20

Tuucingte zong ciahkik uh a, amaute tungah a kigen sa bangin a zak sa le a muh sa uh thute hangin Pasianʼ min a phat uh hi.

Luka 23:47

Galkap mangpa in hih thupiang a muh ciangin Pasian phat a, “Hih pa, mihoih taktak khat ahi hi,” a ci hi.

Luka 7:16

Amaute khempeuh in lamdang sa mahmah uh a, Pasian min phatin, “Eite lakah kamsang lian khat hong om khinta a, a mite a hon khia dingin Pasian hong pai khinta hi,” a ci uh hi.

Johan 15:8

Gah tampi gah le-uhcin ka Paʼ minthanna a kilangsak na hi ding uh a, keima nungzui na hihna uh kilang ding hi.

Sawltak 11:18

Amaute in hih thu a zak uh ciangin mawhsakna thu gen nawn lo uh a, “Gentail mite zong kisikin a nuntak theih nadingun Pasian in hunhoih pia hi,” ci-in Pasian a phat uh hi.

Sawltak 21:20

Ama thugen teng a zak khit uh ciangin a vekpi-un Pasian a phat uh hi. Tua ciangin Paul kiangah, “Sanggam aw, hih lai ah na theih ding thu khat om hi. Hih lai ah thu um Jew mi tampi tak om a, amaute in thukham nak zuih mahmah uh hi.

Sawltak 4:21

Ahi zongin uliante in a khauh zaw-in thu a gen khit uh ciangin a khah uh hi. Hih thupiang hangin mi khempeuh in Pasian phat uh ahih manin hih mite gim a piak nading uh a thu mu thei lo uh hi.

2 KORIN NIHNA 9:13

Note in na up uh Jesu hangin lungdamna thu ah na cihtakna uh le amaute le midang khempeuh tungah na cit piakna hangun mi tampite in Pasianʼ min phat ding uh hi.

Galati 1:24

Tua hi a, keima tunga thupiang hangin amaute in Pasianʼ min a phat uh hi.

1 PETER MASA 2:12

Gentail mite in note mihoih lo hi, ci-in hong gensia nuamin mawhna hong zon ciangin, noteʼ hoihna bekbek mu-in, Pasian a hong pai Ni ciangin a phat theih nadingun amaute lakah na gamtatna uh hoihsak tawntung un.