Mattiu 9:33 - Tedim Bible Revision 2017

³³ Ama sung panin dawi a kihawlkhiat khit phetin tua mipa hong pau theikik pah hi. Mihonpite in lamdang sa mahmah uh a, “Israel gam sungah hih bang thu piang ngei nai lo hi,” a ci uh hi.

Tedim Bible

³³ Zeisu in dawi a hawlkhiat leh, pau theilopa in kam a gen thei pah hi. Mihonte in lamdang a sa uh a, “Israel pawlte sungah hih bang thu kimu ngei lo hi,” a ci uh hi.

Mattiu 9:33 Iomraidhean Croise

2 KUMPI NIHNATE 5:8

Ahih hangin Israel kumpipa in a puante a bal kekna thu Pasianʼ mipa Elisha in a zak ciangin amah in kumpipa kiangah mi sawlin, “Bang hangin na puante bal kek na hi hiam? Israel sungah kamsang khat a omna thu amah in a theih nadingin tu-in kei kiangah amah hong paisak in,” cisak hi.

Late 76:1

Judah gam sungah Pasian kithei a, Israel gam sungah ama min lian hi.

Isaiah 35:6

Tua ciangin khebai mipa diangin lam dinga, a pau thei lo mipa in lungdamin la sa ding hi. Bang hang hiam cih leh gamlak ah tui hong phul khia dinga, sehnel gam sungah luitui hong luang ding hi.

Jeremiah 32:20

Egypt gamah lim le nalamdangte na lak a, tu-in zong Israel gam le minam dangte khempeuh tungah lakin, tu-in mun khempeuh ah na min thang mahmah hi.

Mattiu 8:10

Jesu in hih bupa thugen a zak ciangin lamdang sa a, amah a zui mihonte kiangah, “A mantak a kong genin ah Israel mite lak nangawn ah hih bang upna a nei ka mu nai kei hi.

Mattiu 9:32

Tua mi nihte a paikhiat laitakun mi pawl khat in dawi a veina hangin a pau thei lo mi khat, Jesu kiangah a hong paipih uh hi.

Marka 2:12

Tua mipa zong amaute khempeuhʼ muhin tho a, a lupna pheek la-in a paikhia pah hi. Amaute khempeuh in lamdang sa mahmah uh a, Pasian phatin, “Hih bang mahmah i mu ngei nai het kei hi,” a ci uh hi.

Luka 11:14

Jesu in a pau thei lo mi khat sung panin dawi hawl khia a, dawi a paikhiat khit ciangin a mipa pau thei a, mite in lamdang a sa mahmah uh hi.

Luka 7:9

Jesu in hih thu a zak ciangin lamdang sa mahmah a, amah a zui mihonte lamah kihei-in, “Israel mite lak nangawn ah hih bang upna ka mu nai kei hi,” a ci hi.