Mattiu 9:31 - Tedim Bible Revision 2017

³¹ Ahi zongin amaute paikhia uh a, tua gam sung khempeuh ah hih thu a zasak uh hi.

Tedim Bible

³¹ Ahih hangin amau tegel paikhia uh a, tua thu gamsung khempeuh zelin a thangsak uh hi.

Mattiu 9:31 Iomraidhean Croise

Mattiu 14:1

Tua hun laitakin Galilee gam sungteng a uk sawn kumpi Herod in Jesuʼ thu a za hi.

Mattiu 28:15

Tua ahih manin galkapte in a sum sang uh a, a kisawl bangin a gamta uh hi. Tua ahih manin tu ni dongin Jew mite lakah tu-a bangin hih thu a kigengen lai ahi hi.

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Mattiu 9:26

Hih thupiang tua gam khempeuh ah a kizel hi.

Marka 1:28

Tua ahih ciangin hih Jesuʼ thu in Galilee gam sung khempeuh thakhatin a zel pak hi.

Marka 7:36

Kuama kiangah hih thute a gen loh nadingun Jesu in kham a, ahi zongin nak kham le nak gen semsem zawsop uh hi.

Luka 4:14

Tua ciangin Kha Siangtho vangliatna tawh a kidimin Galilee gamah Jesu a ciahkik hi. Tua kiim a om gam khempeuh ah ama thu kizakim hi.

Luka 4:37

Hih Jesuʼ thu tua gam mun khempeuh ah a kiza hi.

Luka 5:15

Ahi zongin Jesuʼ thu kitheithang semsem a, ama thu a ngai ding le a natna uh panin damna a ngah dingin mihonpite hong pai uh hi.

Luka 7:17

Hih Jesu thu pen Judea gam sung le a kiim gam khempeuh ah kizel hi.