Mattiu 9:30 - Tedim Bible Revision 2017

³⁰ Tua ciangin amaute in khua mukik uh a, Jesu in amau tegel kiangah, “Hih thupiang kuamah theisak kei un,” ci-in khauh takin a gen hi.

Tedim Bible

³⁰ Zeisu in, “Hih thu kuama theih loh nadingin kikeem un,” ci-in nakpi-in a kham hi.

Mattiu 9:30 Iomraidhean Croise

Late 146:8

Topa in mittawte khua a musak hi. Topa in niamsakna a thuak mite sangtosak a, Topa in thuman mite a it hi.

Isaiah 35:5

Tua ciangin mittawteʼ mit kihong dinga, bilngongteʼ bil kihong ding hi.

Isaiah 52:13

Topa in, “En un; ka nasem pa a dau pai-in, amah a lianin kikoihin kilaam to dinga, sang mahmah ding hi.

Mattiu 12:16

Pasian in kamsang Isaiah tungtawnin a gen thu a tun theih nadingin, kuama kiangah ama thu a gen loh nadingun thu a pia hi. Tua a genna ah,

Mattiu 17:9

Mual tung panin amaute a ciah suk laitakun Jesu in nungzuite kiangah, “Sihna panin Mihing Tapa a kithawhkiksak matengin hih na muhte uh kuama kiangah gen kei un,” ci-in thu a pia hi.

Mattiu 8:4

Tua ciangin Jesu in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na dam khitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Marka 1:43

Tua ciangin Jesu in khauh takin ama tungah thu genin pai khiasak pah a,

Marka 3:12

Dawite in amah kua mi ahi cihna thu a genkhiat loh nadingun Jesu in nakpi takin dawite a kham hi.

Marka 5:43

Hih thu, kuama kiangah a gen loh nadingun Jesu in nakpi takin amaute kham a, tua ciangin, “Numeino an pia un,” ci-in a sawl hi.

Luka 5:14

Tua ciangin Jesu in ama kiangah, “Hih thu kuamah dang kiangah gen kei in. Siampipa kiangah paisuak pah inla, kivelsak in. Tua ciangin na damna thu a kilat nadingin Moses thupiak mah bangin biakna pia in,” ci-in thu a pia hi.

Luka 8:56

Numeinoʼ nu le pa in lamdang sa mahmah uh a, ahi zongin hih thupiangte kuama kiangah a gen loh nadingun Jesu in a kham hi.