Mattiu 9:26 - Tedim Bible Revision 2017

²⁶ Hih thupiang tua gam khempeuh ah a kizel hi.

Tedim Bible

²⁶ Tua thu in gam sung khempeuh zelin a thang hi.

Mattiu 9:26 Iomraidhean Croise

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Mattiu 9:31

Ahi zongin amaute paikhia uh a, tua gam sung khempeuh ah hih thu a zasak uh hi.

Marka 1:28

Tua ahih ciangin hih Jesuʼ thu in Galilee gam sung khempeuh thakhatin a zel pak hi.

Marka 1:45

Ahih hangin a mipa pai khia-in a paina khempeuh ah hih thupiang khempeuh gen belin a nei hi. Hih thu nakgen lua-in kitheithang gawp ahih manin, tua hun a kipanin miteʼ theihin khua sungah Jesu lut thei nawn lo hi. Tua ahih manin gamdaihna munah amah om a, mun khempeuh panin ama kiangah mite a hong pai uh hi.

Marka 6:14

Kumpi Herod in Jesu thu a kigengenna thu a za hi. Mi pawl khat in, “Tuiphumpa Johan, sihna panin hingkik hi. Tua ahih manin hih vangliatnate nei hi,” a ci uh hi.

Luka 4:14

Tua ciangin Kha Siangtho vangliatna tawh a kidimin Galilee gamah Jesu a ciahkik hi. Tua kiim a om gam khempeuh ah ama thu kizakim hi.

Luka 4:37

Hih Jesuʼ thu tua gam mun khempeuh ah a kiza hi.

Luka 5:15

Ahi zongin Jesuʼ thu kitheithang semsem a, ama thu a ngai ding le a natna uh panin damna a ngah dingin mihonpite hong pai uh hi.

Luka 7:17

Hih Jesu thu pen Judea gam sung le a kiim gam khempeuh ah kizel hi.

Sawltak 26:26

“Kumpi Agrippa aw, hih thu khempeuh na theih sa ahih manin nangma mai ah hang takin thu ka gen ngam hi. Hih thu pen kuama theih lohna mun simtham a thupiang hi lo ahih manin, a vekpi-in thei khin dingin ka hong um hi.