Mattiu 9:16 - Tedim Bible Revision 2017

¹⁶ Kuamah in a ton nai lo puan bek thak tawh puan lui a phop kei hi. Tua bangin phop leh puan bek thak a ton ciangin a lui kaigawmin a vang a gol semsem ding hi.

Tedim Bible

¹⁶ Kuamah in puanlui pen puan thak tawh a thuap kei uh hi. Tua bangin a thuap leh, a thuapna puan in a luisa kai keek semsemin a vang gol ding hi.

Mattiu 9:16 Iomraidhean Croise

Piancilna 33:14

Na nasem paʼ mai ah ka topa na pai inla, Seir ah ka topaʼ kiang kong tun matengin ka mai-a om ganhingteʼ thahatna le naupangteʼ hatna tawh kituakin damdamin kong makaih ding hi,” a ci hi.

Late 125:3

Thuman mite a khialh khak loh nadingun amau a kipia leitang tungah migilote in amaute uk paisuak lo ding hi.

Isaiah 40:11

Amah in tuucingpa bangin ama tuuhonte an vak dinga, ama tuuhonte kaikhawmin a ang sungah pua dinga, no ngek lai a neite dam takin a paipih ding hi.

Mattiu 9:15

Jesu in amaute kiangah, “Mopina pawi khat ah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung dinga, tua hun ciangin amaute in an a tang ding uh hi.

Mattiu 9:17

Kuamah in savun um lui sungah leenggahzu thak thun lo hi. Kithun leh a savun um phukham dinga, a leenggahzu bua-in a savun um zong a sia a suak ding hi. Leenggahzu thak pen savun um thak sungah kithun bek hi. Tua ahih manin a nihin a sia om lo hi,” ci-in a dawng hi.

Marka 2:21

“Kuamah in puan tungsilh lui phop nadingin a ton nai lo puan bek a thak zang ngei lo hi. Zang zenzen leh a puan bek thak in a puan lui bal kek dinga, a vang gol zawsop ding hi.

Luka 5:36

Tua ciangin Jesu in thu gentehna dang khat zong gen a, “Mi khat in puan thak khat eu khia-in puan lui thuapna-in nei lo hi. Tua bangin hih leh a puan thak pen a keeksak suak dinga, a puan thak eukhiat zong a puan lui tawh etlawm lo ding hi.

Johan 16:12

“Ka hong gen ding tampi tak om lai hi; ahi zongin hong gen lai leng note adingin tam lua ding hi.

1 KORIN MASA 13:13

Tu laitakin a om lai thu thumte pen upna, lametna le itna hi a, tua thumte sung panin itna mah a thu lian pen ahi hi.

2 KORIN NIHNA 9:12

Bang hang hiam cih leh noteʼ huhna sumte in Pasianʼ mi a cimawhteʼ dong a hu bek hi loin, Pasianʼ tungah lungdamkoh nading zong a piangsak ahi hi.