Mattiu 8:34 - Tedim Bible Revision 2017

³⁴ Tua ciangin khua sung mi khempeuh, Jesu kiangah hong pai-in amah a muh uh ciangin, amau gam panin a paikhiat nadingin a thum uh hi.

Tedim Bible

³⁴ Tua ciangin, khuazangin Zeisu dawn dingin a kuankhia uh a, Zeisu a muh uh ciangin, “Ko gam pan taikhia in,” ci-in a thuum uh hi.

Mattiu 8:34 Iomraidhean Croise

1 KUMPI MASATE 17:18

Tua ciangin amah in Elijah kiangah, “Pasianʼ mipa aw, keiʼ lang khat ah bang thu nei na hi hiam? Ka khialhna a pholak ding ka tapaʼ sihna a piangsak dingin kei kiangah nong pai hi,” a ci hi.

1 KUMPI MASATE 18:17

Ahab in Elijah a muh ciangin, “Israel mite a lungkhamsak pa, nang na hi hiam?” a ci hi.

JOB (Job) 21:14

“Migilote in Pasian nawlkhiin uh a, Pasian in amauʼ nuntak ding a deihsakte thei nuam lo uh hi.

JOB (Job) 22:17

Hih mite pen Pasian a nial, Pasian in bangmah a cih thei lo dingin a ki-um mite ahi uh hi.

Amos 7:12

Tua ciangin Amaziah in Amos kiangah, “Kamsang kineih pa aw, na Judah gamah ciah inla, tua lai ah na nuntakna ding na semin, thu va gen in.

Mattiu 8:29

Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Luka 5:8

Simon Peter in hih thu a muh ciangin Jesuʼ mai ah khukdin a, “Topa aw, mawhnei mi ka hih manin ka kiang panin paikhia in,” a ci hi.

Luka 8:28

Jesu a muh ciangin nakpi takin awngin a mai ah khukdin a, “A Lian Pasianʼ Tapa Jesu aw, kei bang hong nuammawh na hi hiam? Kei, gim nong piak loh nadingin kong thum hi,” ci-in nakpi takin a kiko hi.

Sawltak 16:39

amau mahmah va pai-in a va thum khit uh ciangin thong sung panin khah khia uh a, tua khua panin a paikhiat nadingun a thum uh hi.

Thu-hilhkikna 5:25

Tua ahih ciangin bang hangin tu-in eite si ding ihi hiam? Hih mei lianpi in eite hong kaang tum ding hi. Topa i Pasianʼ awging za lai lehang eite i si ding hi.

1 SAMUEL MASA 16:4

Topaʼ thupiak bangin Samuel gamta-in Bethlehem ah a pai hi. Tua khuapi upate a liing sa-in amah a dawn dingin hong pai uh a, “Thuhoih a hong pai na hi hiam?” a ci uh hi.