Mattiu 8:31 - Tedim Bible Revision 2017

³¹ Tua ciangin dawite in Jesu kiangah, “Kote hong hawl khia ding na hih leh hua vokte sungah hong lutsak in,” ci-in a thum uh ciangin

Tedim Bible

³¹ Dawite in, “Topa aw, kote nong hawlkhiat leh, vok hon sungah hong lutsak in,” ci-in a ngen uh hi.

Mattiu 8:31 Iomraidhean Croise

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Mattiu 7:6

“Uite tungah a siangtho nate pia kei un. Pia le-uhcin hong pet zawsop ding hi. Vokte mai ah na suang manphate uh lot kei un. Lot le-uhcin sikcip lel ding uh hi.

Mattiu 8:30

Tua laitakin tua san panin a gamla lo mun khat ah vok honpi gamta-in a om hi.

Mattiu 8:32

Jesu in, “Pai un,” ci ahih manin amaute zong pai khia-in vokte sungah a lut uh hi. Tua vok honte, keen luvum panin tuak suk gawpin tuili sung tu uh ahih manin a vekpi-in tui kia-in a si khin hi.

Marka 5:12

Dawite in, “Hua vokte kiang beek ah hong paisak inla, a sungah hong tumsak in,” ci-in a thum uh hi.

Marka 5:7

nakpi takin kiko-in, “A Lianpen Pasianʼ Tapa Jesu aw, kei bang hong nuammawh na hi hiam? Kei, gim hong pia kei in, ci-in Pasianʼ min tawh kong thum hi,” a ci hi.

Mangmuhna 12:12

Tua ahih manin vantungte le tuate sungah a teeng mi khempeuh aw, lungdam un! Ahi zongin vantung panin Dawimangpa hong kilawn khia suk a, hun tomno bek a nei lai ahih lam thei ahih manin leitung le tui tungah a omte adingin lauhuai mahmah ding hi,” hong ci hi.