Mattiu 8:27 - Tedim Bible Revision 2017

²⁷ A nungzuite in lamdang sa mahmah uh a, “Huihpi le tuihualte nangawn in ama thu mang ahih manin hih mipa a bangci mi hi ding ahi hiam?” a ci uh hi.

Tedim Bible

²⁷ Tua mite in, “Hih pa in bangci mi ahi hiam? Huih leh tuipi nangawn in a thu a ngai tazen uh hi!” ci-in lamdang a sa uh hi.

Mattiu 8:27 Iomraidhean Croise

Mattiu 14:33

Tua ciangin gunkuang sungah a om nungzuite in Jesu bia uh a, “Pasianʼ Tapa taktak na hi hi,” ci-in a gen uh hi.

Mattiu 15:31

A pau thei lote pau thei-in, khezawte damin, khebaite hoihtakin lam pai thei-in, mittawte in khua a muh theihkikna thu mihonpite in a muh uh ciangin lamdang sa mahmah uh a, Israel miteʼ Pasian a phat uh hi.

Mattiu 8:10

Jesu in hih bupa thugen a zak ciangin lamdang sa a, amah a zui mihonte kiangah, “A mantak a kong genin ah Israel mite lak nangawn ah hih bang upna a nei ka mu nai kei hi.

Mattiu 8:26

Jesu in, “Bang hangin tua ci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.

Mattiu 8:28

Tuili gal khat, Gadara gam a tun ciangin han panin dawivei mi nih hong pai khia-in Jesu a na dawn uh hi. Tua mi nihte kihtakhuai mahmah ahih manin amaute omna lam tawnin kuamah pai ngam lo uh hi.

Marka 1:27

Mi khempeuh in lamdang sa uh a, khatlekhat in, “A bangci thu ahi hiam? Bang thu thak hilh tuan ahi hiam? Hih mipa in dawi gilote thupiak nading aana nei a, dawi gilote in ama thu a mang uh hi,” ci-in a kikum uh hi.

Marka 6:51

Tua ciangin amaute omna gunkuang tungah Jesu kah to a, huihpi zong a dai pah hi. Nungzuite in lamdang a sa mahmah uh hi.

Marka 7:37

Amaute in gen zawh loh dongin lamdang sa mahmah uh a, “Hih mipa in sep theih loh bangmah nei lo hi. Bilngongte nangawn khua zasak thei a, a pau thei lote nangawn pau theisak hi,” a ci uh hi.