Mattiu 8:26 - Tedim Bible Revision 2017

²⁶ Jesu in, “Bang hangin tua ci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.

Tedim Bible

²⁶ Zeisu in, “Upna neute aw, bang dinga lau na hi uh hiam?” a cih khit ciangin, tho a, huih leh tuihual a taai khit ciangin a dai ta hi.

Mattiu 8:26 Iomraidhean Croise

Late 65:7

tuipi gingte, tuihualte, mi gamlumte a daisak pa aw,

Late 89:9

Nang in tuipi khang na uk a, a tuihualte a san ciangin na daisak hi.

Isaiah 63:12

Moses tungtawnin a vangliatna zangin na lian pipi a sem pa, ama miteʼ mai ah tuite khenkhamin, a minthan tawntung nadingin hih bang nate a sem pa, tu-in koi ah om ta ahi hiam, ci uh hi.

Nahum 1:4

Amah in tuipi a tai ciangin tuipi kangcip pah a, gunpite zong kangcipsak hi. Bashan gam keu gawpin Karmel Mual kausan a, Lebanon Mual a om pakpalhte a vul hi.

Habakkuk 3:8

Topa aw, na sakolte tungah nang hong tuangin, na gualzawhna leengte tawh nong pai nadingin, gunpite tungah na heh suak a, tuipi tungah thangpai na hi hiam?

Mattiu 16:8

Jesu in hih amauteʼ kihona thu thei ahih manin, “Upna neu mite aw, anlum na puak loh manun bang hangin kikum na hi uh hiam?

Mattiu 17:20

Jesu in, “Na upna uh a cingtaak lohna hang ahi hi. Ahi taktakin note kiangah kong genin ah: Ankam tang cia bang upna na neih nak uh leh, hih mual kiangah, ‘Hih lai panin hua lai ah kin in,’ ci le-uhcin kin khia ding hi. Na hih theih loh uh khat zong om lo ding hi.

Mattiu 6:30

Tua ahih ciangin tu ni-in hingin, a zing ciang mahin meikhuk ah a kikhultum lel hih gamlak lopate Pasian in puansilh guan ahihleh note hong lim guat zaw ding ahih manin na upna uh a neu mahmah ahi hi.

Mattiu 8:27

A nungzuite in lamdang sa mahmah uh a, “Huihpi le tuihualte nangawn in ama thu mang ahih manin hih mipa a bangci mi hi ding ahi hiam?” a ci uh hi.

Luka 4:35

Jesu in tua dawi taii a, “Pau kei inla, ama sung panin paikhia in,” ci-in thu a pia hi. Dawi in a mipa mihon lakah a puksak khit ciangin ama sung panin paikhia a, ahi zongin liamsak lo hi.

ROM (Romans) 4:20

Amah in Pasianʼ thuciamna muanlah dingin ngaihsun lo a, a upna khahsuah het lo hi. A upna hangin thakhauh semsemin Pasian a phat hi.

Mangmuhna 10:2

A khut sungah laizial neu khat phel sa-in a tawi hi. A taklam khe in tuipi sung sikin, a veilam khe in leitung sik a,