Mattiu 8:16 - Tedim Bible Revision 2017

¹⁶ A nitak ciangin mite in Jesu kiangah dawivei mi tampi tak hong paipih uh hi. Jesu in kam khat pauna bek tawh dawite hawl khia-in cina khempeuh a damsak hi.

Tedim Bible

¹⁶ Nitak ciangin a sungah dawi lut tampi Zeisu kiangah hong paipih uh a, thu khat bek tawh dawi a hawlkhia a, cinate khempeuh a damsak hi.

Mattiu 8:16 Iomraidhean Croise

Paikhiatna 15:26

“Note in Topa na Pasian uh thu limtakin na ngaih uh a, ama mai ah a man nate hihin, ama thupiakte don a, ama ngeina kipte khempeuh na zuih uh leh, Egypt miteʼ tungah ka tunsak natnate khat beek noteʼ tungah kong tungsak kei ding hi. Bang hang hiam cih leh kei pen Topa, note hong damsak pa ka hi hi,” a ci hi.

Mattiu 12:22

Tua ciangin mi pawl khat in Jesu kiangah mit tawt le pau theih loh a thuah dawivei mi khat hong paipih uh hi. Jesu in amah damsak ahih manin amah hong pau thei-in khua zong hong mu thei hi.

Mattiu 14:14

Tui gei ah Jesu a tun ciangin mihon tampi a na om a mu hi. Amaute hehpihhuai sa a, a cinate a damsak hi.

Mattiu 8:15

Jesu in ama khut va lawnsak hi. A natna dam pah a, amah zong tho-in a zinte a do zo pah hi.

Mattiu 8:33

Tua vokcingte zong tai-in khua sung tuh uh a, tua dawivei miteʼ thu le a thupiang khempeuh a gen uh hi.

Mattiu 9:2

Mi pawl khat in khutlekhe zaw mi khat, a lupna pheek tawh hong pua-in Jesu kiang a hong tunpih uh hi. Jesu in amauteʼ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Marka 2:3

mihing li in Jesu kiangah khutlekhe zaw mi khat a paipih dingin hong pua uh hi.

Marka 5:8

(Hih bangin a cihna pen, Jesu in, “Dawi aw, hih mipa sung panin paikhia in,” a cihna hang ahi hi.)

Marka 9:25

Mihonte amau kiangah a hong kikhawm dingin a hong taina uh Jesu in a muh ciangin, “A pau thei lo, a bilngong dawi aw, hih naupang sung pan paikhia inla, tumkik ngei nawn kei in,” ci-in a taii hi.

Luka 13:12

Jesu in tua numei a muh ciangin a kiangah sam a, “Lawm aw, na natna panin na dam ta hi,” a ci hi.

Luka 4:40

Ni a tum khit ciangin natna tuamtuam a nei mi khempeuh Jesu kiangah hong paipih uh a, Jesu in amaute khempeuh tungah a khut nga-in a damsak hi.

Luka 4:41

Mi tampi sung panin dawite zong tai khia uh a, “Nang pen Pasianʼ Tapa na hi hi,” ci-in a kiko uh hi. Amah pen Khris ahih lam thei uh ahih manin amaute taii-in pausak lo hi.

Sawltak 5:15

Hih bangin sawltakteʼ nasepna hangin kongzing ah cinate hong kipua a, Peter hong pai ciangin a liim in cinate a liah khak theih nading deihin a lupna le a lupna pheekte uh tawh lam gei ah a koih uh hi.