Mattiu 8:13 - Tedim Bible Revision 2017

¹³ Tua ciangin Jesu in galkap bupa kiangah, “Na inn ah ciah in. Na up bangin hong piang ding hi,” a ci hi. Tua hun laitak teek mahin a nasem pa a dam hi.

Tedim Bible

¹³ Zeisu in galkap mangpa kiangah, “Na ciah in. Na upna bangin nangma ading piang ta hen,” a ci hi. Tua a nasempa in tua hunin a dam pah hi.

Mattiu 8:13 Iomraidhean Croise

Thuhilh-sia 9:7

An ne-in lungdam inla, zu ne-in lungnuam in. Na gamtatna peuhpeuh Pasian in hoih a sa hi.

Mattiu 15:28

Tua ciangin Jesu in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dam pah hi.

Mattiu 17:20

Jesu in, “Na upna uh a cingtaak lohna hang ahi hi. Ahi taktakin note kiangah kong genin ah: Ankam tang cia bang upna na neih nak uh leh, hih mual kiangah, ‘Hih lai panin hua lai ah kin in,’ ci le-uhcin kin khia ding hi. Na hih theih loh uh khat zong om lo ding hi.

Mattiu 8:4

Tua ciangin Jesu in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na dam khitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Mattiu 9:22

Jesu zong hong kihei a, tua numei a muh ciangin, “Ka tanu aw, na lung kinuamsak in. Na upna in nang hong damsak khinta hi,” a cih khit phetin tua numei a dam pah hi.

Marka 7:29

Jesu in nupi kiangah, “Hih banga na kampauna hangin na inn ah ciah ta in; na tanu sung panin dawi a paikhia zo hi,” a ci hi.

Marka 9:23

Jesu in, “Bang hangin na hih theih leh, ci na hi hiam? A umte adingin na khempeuh hi thei hi lo ahi hiam?” a ci hi.

Johan 4:50

Tua ciangin Jesu in, “Va ciah in. Na tapa nungta ding hi,” a ci hi. Tua ulian pa in Jesuʼ thugen um ahih manin a ciah hi.