Mattiu 8:11 - Tedim Bible Revision 2017

¹¹ Nisuahna le nitumna panin mi tampi tak hong pai-in vantung ki-ukna sungah Abraham, Isaac le Jakob-te tawh an ne-in sabuai ah tukhawm ding uh hi.

Tedim Bible

¹¹ Ke’n kong cih-inah, mi tampi in nisuahna lam, nitumna lam panin hong pai-in, Abraham, Isaak leh Jakobte tawh Vantung Gam sungah a tukhawm ding uh hi.

Mattiu 8:11 Iomraidhean Croise

Piancilna 12:3

Nang thupha hong piate thupha ka pia dinga, nang hong samsiate ka samsia ding hi. Nangʼ thupha ngah bangin thupha a ngah nadingun leitung midang khempeuh in hong ngen ding uh hi,” a ci hi.

Piancilna 22:18

na suanlekhakte thupha ka piak bangin, leitung minam khempeuh in thupha a ngah nadingun hong ngen ding uh hi. Bang hang hiam cih leh nang in ka thu na mang hi,” a ci hi.

Piancilna 28:14

Na suanlekhakte leilak leivui zah pha dinga, nitumna lam le nisuahna lam, leilu lam le leitaw lamah na kizelthang ding uh hi. Nang le na suanlekhakte thupha kong piak bangin leitung minam khempeuh in thupha a ngah nadingun hong ngen ding uh hi.

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Late 22:27

Leitung mi khempeuh in phawkin Topaʼ lamah kihei ding uh a, minam khempeuh in ama mai ah bia ding uh hi.

Late 98:3

Amah thutakin, it tawntungna nei ahih manin Israel-te tungah a thuciamna a tungsak hi. Leitung mi khempeuh in eiteʼ Pasianʼ gualzawhna mu khinta uh hi.

Isaiah 11:10

Tua ni ciangin Jessiʼ zung pen mihingteʼ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Isaiah 49:12

Ka mite a gamlapi panin hong pai ding uh a, leilu lam gam le nitumna lam gamte panin amaute hong pai-in, pawl khatte, leitaw lam Siene gam panin hong ciah ding uh hi,” a ci hi.

Isaiah 49:6

Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Isaiah 52:10

Topa in minam khempeuh mai ah a vangliatna siangtho zangin ama mite hon khia hi. Leitung mi khempeuh in i Pasianʼ hotkhiatna mu ding uh hi.

Isaiah 59:19

Tua ahih ciangin nisuahna le nitumna kikalah a om mi khempeuh in amah zahtakin, a vangliatna kihta ding uh hi. Bang hang hiam cih leh huihpi nung bang, tuipi khang bangin amah hong pai ding hi.

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuau thu le bangmahin a kimang lo milimte longal bangmah dang a luah kei ding uh hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Mattiu 21:41

Amaute in, “Tua migilote that gawp dinga, a hunhunin leenggah a pia ding lo khawhlawh dangte khosak ding hi,” a ci uh hi.

Mattiu 24:31

Nakpi takin peengkul hong ging dinga, leitung mun khempeuh ah a vantung mite hong paisakin, leimong khat pan mong khat dongin, a teel sa mite a kaikhawmsak ding hi.

Mattiu 3:2

“Vantung ki-ukna hun hong nai ta ahih manin na mawhnate uh kisikkik un,” a ci hi.

Mattiu 8:10

Jesu in hih bupa thugen a zak ciangin lamdang sa a, amah a zui mihonte kiangah, “A mantak a kong genin ah Israel mite lak nangawn ah hih bang upna a nei ka mu nai kei hi.

Luka 12:37

A topa hong ciah ciangin a kiging sa-in amah ngakin a om uh a muh nasemte pen mi hampha mahmah ahi uh hi. Note kiangah kong genin ah, a topa zong hong kithawi-in a nasemte an vak dingin tusak dinga, a mahmah in a nasemte an thukin na a sem ding hi.

Luka 16:22

Tua ciangin mizawng pa hong si a, vantung a Abraham kiangah a om dingin vantung mite in a paipih uh hi. Mihau pa zong hong si leuleu-in a kivui hi.

Sawltak 10:45

Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong pai khawm Jew mi thu umte in lamdang a sa mahmah uh hi.

Sawltak 11:18

Amaute in hih thu a zak uh ciangin mawhsakna thu gen nawn lo uh a, “Gentail mite zong kisikin a nuntak theih nadingun Pasian in hunhoih pia hi,” ci-in Pasian a phat uh hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uh ah Pasian in na a seppihna khempeuh le Gentail mite in zong thu a up theih nadingun Pasian in lam a honsaknate khempeuh a gen uh hi.

1 KORIN MASA 15:20

Ahi zongin a thuman taktak ci lehang, a si sa mite zong hingkik takpi ding hi cih a kitel theih nadingin sihna panin Khris kihingkiksak khinzo hi.

1 KORIN MASA 6:9

Migilote, Pasianʼ Ukna sungah a lut het loh nading thu na thei uh hi. Note kihai bawl kei un. Numei tawh a paktatte, milim biate, mi zi ahih kei leh mi pasal tawh a mawhte, pasal le pasal a khialte,

Efesa 3:6

Tua thusim pen: Lungdamna thu a kihilhna hangin Gentail mite in Jew mite tawh Pasianʼ thupha ngahkhawm thei a, amaute tawh pawl khat suakin, Pasian in piak dingin a ciam thute, Khris hangin a ngah khop theihna uh ahi hi.

Kolose 3:11

Tua ahih manin Gentail mi le Jew mi, vun at mi le vun at loh mi, khuapi mi le khua neu mi, sila le sila ahi lo, cih bangin a kilamdanna om lo a, Khris pen mi khempeuh ading hi thei a, thu khempeuh ading hi thei a, thu khempeuh ah amah bek ahi hi.

2 THESALONIKA NIHNA 1:5

Tu-a na thuaknate uh hangin Pasianʼ Ukna sungah a om dingin a kilawm mi suak na hih manun Pasianʼ thukhenna a man ahihna hong kilangsak hi.