Mattiu 7:6 - Tedim Bible Revision 2017

⁶ “Uite tungah a siangtho nate pia kei un. Pia le-uhcin hong pet zawsop ding hi. Vokte mai ah na suang manphate uh lot kei un. Lot le-uhcin sikcip lel ding uh hi.

Tedim Bible

⁶ “Na a siangthote uite na pia kei un. Vok mai-ah suangmanphate na paai kei un. Tuate in a khe uh tawh a sikgawp khit uh ciangin, kihei-in hong pet kha ding uh hi.”

Mattiu 7:6 Iomraidhean Croise

Paunak 11:22

Thu a ngaihsun thei lo numei melhoih pen vokpi muk a om kham nakbah tawh kibang lel hi.

Paunak 23:9

Mihaite pil hopih kei un; amaute in a manphatna phawk thei lo uh hi.

Paunak 26:11

Ui in a luak a zuatkik bangin mihaite zong a hai tat ngei bangin takik zel hi.

Paunak 26:4

Mihaiteʼ thudotna dawngdawng lecin nang zong amau mah bangin a hai na hi hi.

Mattiu 15:26

Jesu in, “Tateʼ annek ding laksakin ui khawite piak ding kilawm lo hi,” ci-in a dawng hi.

Mattiu 24:10

Tua hun ciangin mi tampi in a upna uh khahsuah dinga, khatlekhat kimudahin khatlekhat kilehhek ding uh hi.

Mattiu 7:5

No a kineihkhem mite aw, noteʼ mit sunga singluang tang la khia masa le-uhcin, na lawmte uh mit sunga ninthem tang na lakkhiat theih nadingun hoihtakin khua na mu thei pan ding uh hi.

2 KORIN NIHNA 11:26

Khual ka zinzinna lamin tuikhang lauhuaina, misuamte lauhuaina, ka mipihteʼ suk ding lauhuaina, Gentail miteʼ suk ding lauhuaina, khuapi sung le gamlak ah lauhuaina, tuipi tungah lauhuaina, lawm man loteʼ hih ding lauhuaina a tuamtuamte ka phu kha hi.

Filippi 3:2

Ui bangin a mi ginalo, a gitloh gamtat, vun at ding a ci teiteite kiang panin na kidawm un.

Hebru 10:29

Tua bang ahihleh Pasianʼ Tapa a simmawh, mawhna a hong maisak Pasianʼ thuciamna sisan a thudon lo, Pasianʼ hehpihna a hong puak Kha Siangtho a hehsakteʼ thuak ding bangzah takin lian zaw kan ding ahi hiam?

Hebru 6:6

amaute a tawpkik leh, amau utthu tawh singlamteh tungah Pasianʼ Tapa thatkikin a zumhuai dingin a pholak kikkik suak uh ahih manin a kisik theih nading uh lampi om nawn lo hi.

2 PETER NIHNA 2:22

Paunak ah, “Ui in a luak nekik hi,” a cihna le, “Vok a kisilsiang khit ciangin buannawng lak mahah bualkik veve hi,” a kicihna thu, amaute tungah a piang ahi hi.

Mangmuhna 22:15

Ahi zongin a lampial mite, aisan mite, a paktat mite, mi thatte, milim biate le zuaugen nuamsa-in zuau a gengen mite, khuapi pua lamah a om uh hi.