Mattiu 7:17 - Tedim Bible Revision 2017

¹⁷ Tua ahih manin singkung cidamte in gah limci gah a, singkung gina lote in gah gina lo gah uh hi.

Tedim Bible

¹⁷ A kung hoih khempeuh in gah hoih a gah thei uh hi. Kung hoih lo in gah hoih lo a gah thei hi.

Mattiu 7:17 Iomraidhean Croise

Late 1:3

Amah pen luitui luang gei-a a kisuan, ama gah hunin gah a, a teh a vul ngei lo, singkung tawh kibang hi. Ama hihna khempeuh ah a maa pai mahmah hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Jeremiah 11:19

A kigo dingin a kipaipih mawhna a nei lo tuuno bang ka hi hi. Amaute in, “Singkung a gah phat hun laitakin phuk tan ni. Ama min a kiphawk nawn loh nadingin amah that lum ni,” ci-in a gen uh a, kei hong sawmna uh ahih lam ka thei kei kha hi.

Jeremiah 17:8

Amah, gun gei-a a kisuan singkung bang hi a, lui gei ah a zung a kha hi. A tehte hing den ahih manin nisa kihta lo hi. Tatsat loin gah den ahih manin guah zuk loh kum ciangin zong lungkham tuan lo hi.

Mattiu 7:18

Singkung cidamte in gah gina lo gah ngei lo a, singkung gina lote in gah limci gah ngei lo hi.

Efesa 5:9

Bang hang hiam cih leh khuavak sunga omna in a hoih, a man, a thutakte hong piangsak hi.

Filippi 1:11

Jesu Khris in note mihoih a hong suahsak theihna le mite in Pasian pahtawi-in a phat theihna thu, noteʼ gamtat hoih in midangte tungah kilangsak ding hi.

Kolose 1:10

Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

Juda 1:12

Noteʼ annek khopna ah zumna mel nei loin hong om gawp uh ahih manin hong siat suah uh a, amauʼ pumpi bek ngaihsun uh hi. Amaute pen cikmahin guah a zusak ngei lo, huih in a letkhiat mang meiipi, tuk hun laitak nangawnin a gah a gah lo, kizunglotin a keutum singkungte,