Mattiu 7:13 - Tedim Bible Revision 2017

¹³ “Kong kawcik bek tawnin lut un. Hell khuk tun nading kongvang pen lianin a lampi baih a, mi tampi in a zui uh hi.

Tedim Bible

¹³ “Kong kawciik ah lut un. Bang hang hiam na cih uh leh, siatna mun tun’ nading kong leh lampi tanzau a, mi tampi a lut uh hi.

Mattiu 7:13 Iomraidhean Croise

Piancilna 6:12

Pasian in leitung en a, a kisiat gawp mu hi. Bang hang hiam cih leh leitungah mi khempeuh a sia-in a gamta lo kuamah om lo hi.

Piancilna 6:5

Leitungah mihing a gitlohna a liatna le mihing lungsim ngaihsutna peuhmah a sia ahih ngitngetna thu Topa in mu hi.

Paunak 16:25

Hoih hi, ci-in i ngaihsut thu khat pen sih theih nading thu na hi zawsop thei hi.

Paunak 7:27

Tua bang numei zuihna pen sihna gam zuatna hi a, sih baih nading lampi zuatna ahi hi.

Paunak 9:6

Thu thei lote taisanin khansau unla, pilna lampi zui un,” cisak hi.

Isaiah 1:9

Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

Isaiah 35:8

Tua lai ah lam lianpi khat om dinga, Lampi Siangtho kici ding hi. A siang lo mite in tua tung tawn ngei lo dinga, mihaite in tua lam a zui mite khialsak nawn lo ding hi.

Isaiah 55:7

Migilo in ama gitlohna nusia henla, thuman lo mi in ama ngaihsutna nusia hen. Amah in a hehpih theih nadingin Topa eiteʼ Pasianʼ kiangah amah paisak un. Bang hang hiam cih leh a mawhna maisiangsak ding hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite adingin a kibawl meikuang tawntung sungah pai un.

Mattiu 25:46

Tua ahih ciangin tawntung gim thuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Mattiu 3:2

“Vantung ki-ukna hun hong nai ta ahih manin na mawhnate uh kisikkik un,” a ci hi.

Mattiu 3:8

Na kisikkikna uh a kilangsak ding gamtatna gamta unla,

Mattiu 7:14

Ahi zongin nuntak tawntungna tun nading kong kawcikin a lampi haksa a, mi tawmno bek in a zui zo uh hi.

Luka 14:33

Tua mah bangin mi khat in a neih khempeuh a piakkhiat ngam kei leh keima nungzui suak thei lo ding hi.

Luka 9:33

A mite, Jesu kiang panin a paikhiat laitakin Peter in bang gen ka hi hiam, cih mel zong a thei lopi-in Jesu kiangah, “Topa aw, hih lai-a i om, nuam mahmah hi. Nang ading buk khat, Moses ading buk khat, Elijah ading buk khat, buk thum kong lamsak ding uh hi,” a ci hi.

Johan 10:9

Kei, kongpi ka hi hi. Keimah tawnin a pai tuu khempeuh in lauhuaina tuak kha loin, a ututun sung tumin pusuakin lo nona mun a mu ding uh hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Sawltak 3:19

Tua ahih ciangin na mawhnate uh hong sawp siangsak theih nading, Topa kiang panin a hong pai lungsim nopna hun na ngah theih nading uh le note adingin a seh sa Jesu Khris a hong sawl theih nadingin na mawhna uh kisik unla, Pasian kiang zuan un.

ROM (Romans) 9:22

Tua mah bangin Pasian in zong a beisa hunah siatna a thuak dingin a kilawm mite susia loin a ki-ipipna mite tungah a hehna le a vangliatna a lah theih nading thu a neih mah bangin,

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khris minthanna hangin amaute tungah a hong taang lungdamna thu khuavak mu thei lo uh hi.

2 KORIN NIHNA 6:17

Tua ahih manin Vanglian Topa keimah in kong genin ah: Amaute tawh kikhenin amaute kiang panin paikhia unla, a siang lo peuhmah su kha kei un. Tua hileh note ka hong ngai ding hi.

Galati 5:24

Tua hi a, Jesu Khris a zui mite in a leitung lungsim pianzia uh le a leitung lungsim deihna khempeuh uh a phiat khit sa ahi hi.

Filippi 3:19

Amaute in amau pumpi deihnate Pasian zahin ngaihsun uh a, a maizum nading uh thute ah kisial zawsopin, leitung nate bek ngaihsutin nei uh ahih manin Hell khuk sung a tung ding uh ahi hi.

1 JOHAN MASA 5:19

Leitung midang khempeuh Dawimangpaʼ khut sungah a om ahi zongin eite pen Pasianʼ mi ihihna thu i thei hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

Mangmuhna 13:8

Tua ahih manin a kigo Tuuno laibu sungah a nungta ding miteʼ min, leitung pianmapekin a kikhumna ah a kihel lo leitung mi khempeuh in tua ganhing bia ding uh hi.

Mangmuhna 20:15

A nungta mite a kigelhna laibu sungah a min a om lo peuhmah meiphual pi sungah kilawn hi.

Mangmuhna 20:3

Tua ciangin kuahawm thukpi sungah khia suk a, kum tul khat a cin mateng minam tuamtuamte a khem theih nawn loh nadingin a tawh kalhin a ciamteh hi. Kum tul khat a cin khit ciangin tawl khat sung a kikhah ding ahi hi.