Mattiu 7:12 - Tedim Bible Revision 2017

¹² Tua ahih manin note tungah hong kibawl ding na deih bangun midangte tungah na bawl un. Moses Thukhamte le kamsangteʼ thuhilhnate pen hih mah a deihna ahi hi.

Tedim Bible

¹² Tua ahih ciangin, nang tungah hong kibawl ding na deih bangin, midangte tungah na bawl in. Hih thu in Pasian’ Thukham leh Pasian’ kamsangte thu sung pan a bulpi ahi hi.”

Mattiu 7:12 Iomraidhean Croise

Ezekiel 18:21

“Migilo khat in a mawh bawlna khawlin ka thukham zui henla, a hoih a manin gamta leh, tua mipa si lo dinga, pel loin nungta ding hi.

Siampi Laibu 19:18

Note in nomauʼ mipihte tungah phu la loin, amau na lungsim neih kei ding uh a, nomau na ki-it uh bangin na veengte uh na it ding uh hi; kei pen Topa ka hi hi.

Micah 6:8

Mun khempeuh ah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem dinga, itna kip nei tawntungin, kiniamkhiatna tawh Pasianʼ thu man ding ahi hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Mattiu 5:17

“Moses Thukham le kamsangteʼ thuhilhnate a phiat dingin hong pai hi, ci-in hong ngaihsun kei un. Tuate a phiat dingin a hong pai hi loin, amauteʼ hilhna a kicingsak dingin a hong pai ka hizaw hi.

Luka 6:31

Note tungah a hong kibawl ding na deih uh bangin midangte tungah na bawl un.

1 TIMOTI MASA 1:5

Hih bangin thupiakna pen, upna taktak le kisuanna om het loin lungsim siangtho taktak tawh ngaihsutna panin a hong piang khia ki-itna a khan theih nading deihna ahi hi.

Jeim 2:8

Lai Siangtho sungah, “Nangmah na ki-it bangin na veengte na it in,” ci-in a genna Topaʼ Thukham zui le-uhcin a hoih hi pah hi.