Mattiu 7:1 - Tedim Bible Revision 2017

¹ “Pasian in note hong mawhsak loh nadingin midangte va mawh saksak nawn kei un.

Tedim Bible

¹ “Thukhenna tawh na kipelh theih nadingun midangte’ thu na khen kei un.

Mattiu 7:1 Iomraidhean Croise

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

Mattiu 7:2

Bang hang hiam cih leh midangteʼ thu na khen zia uh tawh kizui-in note tungah hong khen dinga, midangte tungah na zat uh ngeina mah note tungah hong zang ding hi.

Mattiu 7:5

No a kineihkhem mite aw, noteʼ mit sunga singluang tang la khia masa le-uhcin, na lawmte uh mit sunga ninthem tang na lakkhiat theih nadingun hoihtakin khua na mu thei pan ding uh hi.

Luka 6:37

“Midangteʼ thu khen kei un. Tua hileh no tungah zong Pasian in thu hong khen lo ding hi. Midangte mawhsak kei un. Tua hileh Pasian in note zong hong mawhsak lo ding hi. Midangteʼ mawhna maisak un. Tua hileh Pasian in noteʼ mawhna zong hong maisak ding hi.

Luka 6:41

“Bang hangin na mit sungah singluang a tang phawk kha loin na lawmteʼ mit sunga ninthem tang etsak na hi hiam?

Johan 8:7

Amaute in Jesu kiangah dong teitei uh ahih manin amah zong dingin amaute kiangah, “Note lakah mawhna a nei het lopa in deng masa un,” a cih khit ciangin,

Jeim 3:1

Sanggamte aw, mite tungah thu a hilh eite pen midangte sangin a khauh zaw-in thu hong kikhen ding ahih manin note tampi sia na suak nuam se kei un.