Mattiu 6:9 - Tedim Bible Revision 2017

⁹ Tua ahih manin thu na nget uh ciangin hih bangin na ngen un: ‘Vantung a om koteʼ Pa aw, na min siangtho kizahtak hen.

Tedim Bible

⁹ Tua ahih ciangin, thu na nget uh ciangin hih bangin na ngen un: ‘Vantunga a om kote Pa aw, nangma min siangtho ta hen.

Mattiu 6:9 Iomraidhean Croise

2 SAMUEL NIHNA 7:26

Tua hileh, ‘Vanglian Topa pen Israel-te tungah Pasian hi,’ ci-in nangma min kiliansak tawntung dinga, nangma mai ah na nasem pa Davidʼ suanlekhakte kumpi-in kikipsak ding hi.

1 KUMPI MASATE 8:43

na teenna vantung panin za inla, tua gamdang mipa in nang tungah hong ngetna khempeuh tawh kizui-in hih in. Nangma mi Israel-te mah bangin leitung mi khempeuh in na min thei-in nang hong zahtak nading le hih ka lam sa biakinn pen nangma min tawh a kilo ahihna a theih nading uh ahi hi.

1 KHANG TANGTHU MASATE 17:24

Tua ciangin, ‘Israel Pasian, Vanglian Topa pen Israel-teʼ Pasian hi,’ ci-in nangma min a tawntungin kipin kiliansak dinga, na nasem pa Davidʼ ukna nangma mai ah kip tawntung ding hi.

2 KHANG TANGTHU NIHNATE 20:6

“Topa, ka pu ka pate uh Pasian aw, nang, vantungah Pasian hi lo na hi hiam? Minamteʼ kumpi gam khempeuh tungah nang a uk hi lo na hi hiam? Na khut sungah vangliatna le thahatna om a, kuamah in nang hong nang zo lo hi.

Nehemiah 9:5

Tua ciangin Levi mi Jeshua, Kadmiel, Bani, Hashabneiah, Sherebiah, Hodiah, Shebaniah le Pethahiah-te in, “Ding un, Topa na Pasian uh phat unla, ‘A tawntung pan a tawntung dongin a minthang na min in thupha ngah a, thupha khempeuh le phatna dang khempeuh sangin a sang zaw hi.

Late 111:9

Amah in ama mite hon khia a, a tawntung a kimang dingin thupiakna a bawl khin hi. Ama min siangtho-in vanglian mahmah hi.

Late 115:3

Vantungah eiteʼ Pasian om a, ama ut peuhpeuh a hih hi.

Late 72:18

Na lamdangte a bawl amah bek ahi Israel Pasian, Topa in thupha ngah tahen.

Isaiah 37:20

Tua ahih ciangin Topa koteʼ Pasian aw, nang bek Topa na hihna thu leitung kumpi gam khempeuh in a theih nadingin, tu-in ama khut sung panin kote hong hon khia in,” a ci hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.

Isaiah 6:3

Amaute khatlekhat kisamin: “Vanglian Topa, siangtho, siangtho, siangtho; leitung khempeuh ama minthanna tawh kidim,” ci-in awng uh hi.

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin nang pen koteʼ Pa na hi hi. Topa aw, nang pen koteʼ Pa na hi a, nangmah in tanglai pek pan kote a hong hon khia pa na hi hi.

Isaiah 64:8

Ahi zongin Topa aw, nang pen koteʼ Pa na hi hi. Kote pen tungman bang hi-in, nang pen beelseek pa bang na hi a, kote khempeuh nangma bawl mite ka hi uh hi.

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei adingin koi lai ah inn lam dinga, keima tawlngak nading mun koi lai ahi hiam?

Ezekiel 36:23

Note in minam dangteʼ lakah na daisak sa uh a lian ka min siangtho pen tu-in minam dangteʼ lakah a sianthona ka langsak ding hi. Keimah in minam dangteʼ lakah ka sianthona ka lah nadingin note kong zang ding hi. Tua ciangin Topa ka hihna thu amaute in hong thei ding uh hi. Topa Pasian ahi keimah in hih thu ka gen khin hi.

Ezekiel 38:23

Hih bangin hihna tawh a lian a siangtho ka hihna thu, keimah in minam khempeuh tungah ka langsak dinga, tua ciangin Topa ka hihna thu amaute in hong thei ding uh hi,” hong ci hi.

Siampi Laibu 10:3

Tua ciangin Moses in Aaronʼ kiangah, “Topa in, ‘Ka kiang nai-a a omte kiangah keimah a siangtho-in ka kilak dinga, mi khempeuhʼ mai ah keimah hong kiminthangsak ding hi,’ ci hi,” ci-in a gen hi. Aaron pau loin a om hi.

Habakkuk 2:14

Tuipi, tui tawh a kidim mah bangin Topa’ minthanna theihna tawh leitung kidim ding hi.

Zekhariah 14:9

Tua ciangin Topa pen leitung khempeuhʼ kumpi suak dinga, mi khempeuh in amah bek thei-in bia ding uh hi.

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Mattiu 10:29

Gitta nih ciangin mat khatin kizuak lel hi lo ahi hiam? Tua hi napi-in na Pa uhʼ thukim lohin tua gittate khat nangawn lei ah mawk kiat lo hi.

Mattiu 23:9

Vantungah Pa khat bek nei na hih manun leitungah kuamah dang, ‘Paʼ na ci kei un.

Mattiu 26:29

Note kiangah kong genin ah: Ka Paʼ Ukna sungah note tawh leenggahzu thak ka dawnkik ni matengin leenggahzu ka dawnkik nawn kei ding hi,” a ci hi.

Mattiu 26:42

Tua ciangin a nih veina va paikikin thu ngen a, “Pa aw, keima thuak lohin ahi thei lo ding ahihleh nangma deihna bang hi tahen,” a ci hi.

Mattiu 5:16

Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai ah na gamtat hoihna uh khuavak bangin na kilangsak un.

Mattiu 5:48

Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

Mattiu 6:14

Note in midangteʼ hong mawhna na maisak uh leh vantungah a om na Pa un zong noteʼ mawhna hong maisak ding hi.

Mattiu 6:6

Ahi zongin thu na nget uh ciangin na inn sung uh ah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un noteʼ tungah thaman hong pia ding hi.

Mattiu 7:11

Note mihoih lo hi napi-in na tate uh tungah na hoih piak ding ngaihsun thei na hih uh leh vantungah a om na Pa un a ngen mite tungah na hoihte hong pia zaw mahmah ding hi lo ahi hiam?

Luka 15:18

Kei kithawi-in ka pa kiangah ka ciah dinga, “Pa aw, Pasian tung le nangma tungah ka khial khin hi.

Luka 15:21

A tapa in, ‘Pa aw, Pasian tung le nangma tungah ka khial khin hi. Na tapa cih dingin zong ka kilawm nawn kei hi,’ a ci hi.

Luka 2:14

“Van a sang belna ah a om Pasianʼ min thang henla, ama pahtak leitung mite tungah nopna om tahen,” a ci uh hi.

Johan 20:17

Tua ciangin Jesu in, “Kei hong lenlen nawn kei in. Ka Pa kiangah a pai to nai lo ka hi hi. Ka sanggamte kiangah va pai inla, ‘Keima Pa le noteʼ Pa, keima Pasian le noteʼ Pasianʼ kiangah ka pai ding hi,’ ci hi, ci-in va gensak zaw in,” a ci hi.

ROM (Romans) 1:7

Tua ahih manin Pasian in hong it a, ama mi dingin a hong sap, no Rom khua-a a om Khristiante khempeuh tungah lai ka hong khak hi. I Pa Pasian le Topa Jesu Khris in note tungah dikna le nopsakna thupha hong tungsak tahen.

ROM (Romans) 8:15

Note tungah Pasian in a hong piak a Kha Siangtho in note na lau nadingun sila-in a hong bawl hi lo a, Kha Siangtho in Pasianʼ tate a hong suaksak ahi zaw hi. Tua Kha Siangtho mah in Pasian pen, “Pa aw, Pa aw,” hong ci theisak hi.

Galati 1:1

Mihingteʼ hong sehna le hong sawlna tawh sawltak na a sem hi loin, Jesu Khris le sihna panin tua Jesu a thosakkik Pasianʼ hong sawlna tawh sawltak na a sem keimah Paul in Galati gam a om pawlpi tuamtuamte tungah lai ka hong khak hi.

Galati 4:6

Note pen ama tate na hihna uh a hong lah nadingin Pasian in ama Tapaʼ Kha Siangtho, eite sungah hong tumsak a, tua Kha Siangtho in Pasian pen, “Pa aw, pa aw,” hong cisak hi.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi henla, vanglian tawntung tahen. Amen.

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om lai teng uh amah zahtakin om un.

Mangmuhna 4:11

“Koteʼ Topa Pasian aw, nangmah in na khempeuh piangsakin, nangma deihna bangin na khempeuh omin, na khempeuh kipiangsak ahih manin, minthanna, pahtawina, le vangliatna na ngah tawntung dingin a kilawm hi,” a ci uh hi.

Mangmuhna 5:12

Amaute in nakpi takin la sa uh a, “A kigo Tuuno in vangliatna le hauhna, pilna le thahatna, pahtawina, minthanna le phatna, a ngah dingin kilawm hi,” a ci uh hi.