Mattiu 6:5 - Tedim Bible Revision 2017

⁵ “Note in thu na nget uh ciangin miteʼ muh theih dingin a kineihkhem mite in kikhopna inn sung le kongzing lamka lai ah a nget nop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Tedim Bible

⁵ “Thu na nget uh ciangin mi simtatte bangin na hih kei un. Bang hang hiam na cih uh leh, mi muh nadingin a ut manun kikhopna inn sung leh lamka bomah dingin thu a ngen nuam uh hi. Aman takpi kong cih-inah, amau in a phattuamna uh a ngah zo uh hi.

Mattiu 6:5 Iomraidhean Croise

Late 5:2

Ka kumpi le ka Pasian aw, nangma tungah hong thum ka hih manin ka kikona aw hong ngai in.

Late 55:17

Nitak, zingsang le sunin ka gimna leh ka thumnate ama tungah ka gen a, amah in keima thumna aw, hong za ding hi.

Paunak 15:8

Topa in migiloteʼ biakpiakna kihhuai sa a, thuman miteʼ thungetna ah lungdam hi.

Paunak 16:5

Topa in a kihisak mite mudah a, amaute in gimna thuak hamtang uh hi.

Isaiah 1:15

“Thungenin na khutte uh nong zaak uh ciangin note kong en kei dinga, thu tampi na nget uh hangin keʼn ka ngai tuan kei ding hi. Bang hang hiam cih leh sisan tawh noteʼ khut kidim hi.

Jeremiah 29:12

Tua hun ciangin note in kei hong samin, hong pai-in thu nong ngen ding uh a, keʼn zong kong dawng ding hi.

Daniel 6:10

Tua bang thupiakna lai kihawm khia khinzo ta hi, ci-in Daniel in a theih ciangin a inn ah a ciah hi. A inn dawl tungnung ah Jerusalem lam a nga tawlet thum a om hi. Tua laitak ah tawlet hon sa-in a hih ngei bangin khukdinin ni khatin thum vei ta Pasian kiangah thu a ngen hi.

Mattiu 21:22

Upna na neih nak uh leh na nget peuhpeuh uh na ngah ding uh hi,” a ci hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Mattiu 23:5

Amaute in a sepna khempeuh uh miteʼ muh theih dingin a hih se uh hi. Amaute in a talsuan le a banbulhte uh a gol pipi-in bawlin, a puan mongteep uh a sau theithei-in a bawl uh hi.

Mattiu 23:6

Pawi sungah a om uh ciangin ulianteʼ tutna dinga a kibawl munah tu nuam se uh a, kikhopna inn sungah zong uliante tutna tutphah nuam pente tungah a tu nuam diak uh hi.

Mattiu 6:1

“Biakna tawh kizomin na hoih khat peuhpeuh na sep uh ciangin miteʼ phat ding deihna tawh a kilang theithei dingin na sep khak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Mattiu 6:16

“An na tan uh ciangin a kineihkhem mite bangin mai khingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan thaman uh a ngah khinta ahih lamtak limtakin thei un.

Mattiu 6:2

“Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna inn sung le kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khinta ahihna thu limtakin na phawk un.

Mattiu 9:38

Tua ahih manin ama an a la dingin an nei Topa in nasem tampi hong sawl nadingin thu ngen un,” a ci hi.

Marka 11:25

Thungen dingin na din uh ciangin midang tungah na hehna uh a om khat peuhpeuh maisak un; tua hileh vantungah a om na Pa un noteʼ mawhna hong maisak ding hi.

Marka 12:38

Jesu in a thuhilhna ah, “Thukham hilh sia pawl khatte na bat khak loh nadingun na kidawm un. Amaute in puan tualpi silh nuam uh a, mite lakah mite in a zahtak hopih ding a deih uh hi.

Luka 11:43

“No Farisi mite in gimna na thuak ding uh hi. Kikhopna inn sungah tutphah nuam pen ah na tu nuam uh a, mihon lakah hong kizahtak hopih ding na ut uh hi.

Luka 18:1

Tua ciangin amaute in thu ngen tawntungin a lungkiat ngei loh nading uh a hilh nopna-in Jesu in a nungzuite kiangah thu gentehna khat gen a,

Luka 18:13

Ahi zongin siahdongpa pen a gamla simah dinga, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

Luka 20:47

Meigong numeite tungah nuamtak sa-in, khemin a neihsa teng uh laksak uh a, mite in mihoih a sak nading uh a deihna-un thu sau pipi a ngen uh hi. Amauʼ kineihkhemna tawh kizui-in a gimthuak ding uh lian zaw ding hi,” a ci hi.

Luka 6:24

“Ahi zongin tuhunin a hau note in nopsakna ngah khin na hih manun gimna na thuak ding uh hi.

Johan 16:24

Tu ni ciang dong keima min suangin bangmah na ngen nai kei uh hi. Tua ahih manin ngen le-uhcin hong kipia ding ahih manin na lungdamna uh hong cingtaak ding hi.

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh adingin thu na ngetsak un.

1 THESALONIKA MASA 5:17

thu ngen niloh unla,

Jeim 4:6

Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasianʼ hong hehpihna lian zaw hi.