Mattiu 6:16 - Tedim Bible Revision 2017

¹⁶ “An na tan uh ciangin a kineihkhem mite bangin mai khingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan thaman uh a ngah khinta ahih lamtak limtakin thei un.

Tedim Bible

¹⁶ “Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Mattiu 6:16 Iomraidhean Croise

2 SAMUEL NIHNA 12:16

Tua ahih ciangin David in naungek adingin Pasianʼ tungah thum hi. David in an tangin zan tawntung leilak ah a lum hi.

2 SAMUEL NIHNA 12:21

Tua ciangin a nasemte in ama kiangah, “Hih banga na gamtatna a bangci hiam? Naungek a hin lai-in an tangin na kap hi; ahih hangin naungek a sih ciangin tho-in an na ne zawsop hi,” a ci uh hi.

1 KUMPI MASATE 21:27

Ahab in hih thute a zak ciangin a puante bal kek a, a pum tungah puanhampi silhin, an tangin puanhampi tungah lum a, mai khingin a vak kawikawi hi.

Nehemiah 1:4

Hih thu ka zak ciangin tu sukin ka kap niloh a, ni tampi sung an tangin, vantung Pasian kiangah thu ka ngen hi.

Esther 4:16

“Pai-in Susa khua sunga om Jew mi khempeuh khawm inla, keimah ngaihsutna-in an na tang un. A sun a zan ci loin ni thum sung an ne lo, tui dawn loin na om un. Na tan uh mah bangin kei le ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai dinga, ka sih leh zong a si ka hi ding hi,” a ci hi.

Late 109:24

An ngolhna hangin ka khukte zaw a, ka pumpi si le sa zong kiam gawp khinta hi.

Late 35:13

Ahih hangin kei ka hih leh, amaute a cinat uh ciangin, puanhampi silhin an tangin kei ka kigimtawmsak hi.

Late 69:10

An ngolhna tawh ka lungsim ka kiniamkhiat a, tua pen keimah hong kikona leh suak zawsop hi.

Daniel 9:3

An ngawlin, puanhampi silhin, vut lakah tu-in, Topaʼ kiangah deih takin thu ka ngen hi.

Malakhi 3:14

Note in, ‘Pasianʼ na i sep a mawkna hi. Ama hong sawl bangin i sep hangin bang a kimanna om a, i gamtatna sate hangin i dahna lim, Vanglian Topaʼ mai ah i lah hangin bang phattuamna om ahi hiam?

Mattiu 6:1

“Biakna tawh kizomin na hoih khat peuhpeuh na sep uh ciangin miteʼ phat ding deihna tawh a kilang theithei dingin na sep khak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Mattiu 6:2

“Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna inn sung le kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khinta ahihna thu limtakin na phawk un.

Mattiu 6:5

“Note in thu na nget uh ciangin miteʼ muh theih dingin a kineihkhem mite in kikhopna inn sung le kongzing lamka lai ah a nget nop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Marka 2:18

Tua hun laitakin Tuiphumpa Johanʼ nungzuite le Farisi mite in an a tang uh hi. Jesu kiangah mi pawl khat hong pai-in, “Bang hangin Tuiphumpa Johanʼ nungzuite le Farisi miteʼ nungzuite in an tang uh a, nangma nungzuite in tang lo se ahi uh hiam?” ci-in a dong uh hi.

Luka 18:12

Nipikal khatin ni nih sung an ka tang a, ka ngah khempeuh sung panin sawm-ah-khat nang tungah kong pia hi,’ a ci hi.

Luka 2:37

kum sawm giat le kum li sung meigongin a om ahi hi. Amah pen biakna a nusia ngei lo mi khat hi a, a sun a zanin Pasian bia-in an tangin thu a ngenngen mi khat ahi hi.

Sawltak 10:30

Kornelias in, “Tu ni tawh sim tu ma ni li lai-in tu bang hun nitak nai thum laitakin ka inn ah thungenin ka om hi. Tua bangin thungenin ka om laitakin puan pak mahmah a silh mi khat ka mai ah hong ding vat a,

Sawltak 14:23

Khua pawlpi simah pawlpi upa ding sehsak uh a, an tangin thungetna tawh amauteʼ muan ahi Topaʼ khut sungah tua mite a ap uh hi.

1 KORIN MASA 7:5

Thungetna-in hun na zat theih nadingun tawl khat sung tuam om ding thukim khawm masa lopi-in lup khop ding kinial kha kei un. Tua bangin tawl khat sung na tuam om khit uh ciangin noteʼ pumpiʼ deihna hangin Satanʼ ze-etna sungah na puk khak loh nadingun a ngeina bangin lup khop ding kipankik un.

2 KORIN NIHNA 11:27

Nasem silbawlin ki-om tawntung a, ihmu man lo liangin zong ka om zel hi. Gilkial dangtakin ka om zel a, annek ding nei lo, giah nading om lo, puansilh ding nei loin ka om hun tampi a om hi.

2 KORIN NIHNA 6:5

Kote hong kisatin, thong ah hong kikhia-in, mihonpi in hong hih gawp uh hi; nakpi takin na semin, an ne lo, ihmu lo liangin ka om uh hi.