Mattiu 6:12 - Tedim Bible Revision 2017

¹² Kote tungah a hong mawhte mawhmaisakna ka neih bangun koʼ mawhna zong hong maisak in.

Tedim Bible

¹² Kote tungah hong mawhte ka maisak uh bangin, Kote mawhna zong hong maisak ta in.

Mattiu 6:12 Iomraidhean Croise

1 KUMPI MASATE 8:30

Amaute in hih mun lamah hong nget uh ciangin na mi Israel-teʼ hong thumna zong ngai in. Na teenna mun vantung panin hong za inla, ka mawhna uh hong maisak in.

1 KUMPI MASATE 8:34

vantung panin za-in na mi Israel-teʼ khialhna maisak inla, a pu a pate uh tungah na piak leitang ah amaute paipihkik in.

1 KUMPI MASATE 8:39

na teenna vantung panin za-in maisak in. Tua ciangin amauʼ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihing khempeuh lungsim na thei hi).

1 KUMPI MASATE 8:50

Nang tungah hong khial na mite le nang tunga hong gamtatna uh amauʼ thupalsatnate khempeuh maisakin, a galte un amaute tungah hehpihna a neih theih nadingun amaute manin a pua khia miteʼ muhna ah amaute hehpih in.

Late 130:4

Ahih hangin nangmah hong kizahtak theih nadingin nangmah in mawhna na maisak hi.

Late 32:1

Ama khialhna kimaisak a, ama mawhna a kiselcipsak mi, thupha ngah ahi hi.

Paikhiatna 34:7

mi tul tampite adingin itna kip a nei; mawhna, thupalsatna le khialhna maisakin; ahih hangin bangbang hitaleh mawhna a khah khong ngei lo; pateʼ mawhna tateʼ tung le tuteʼ tung, khang thum khang lina dongin a thuk pa,” ci-in a pulak hi.

Isaiah 1:18

Topa in hih bangin ci hi: “Tu-in hong pai unla, thu kikum khawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Daniel 9:19

Topa aw, kong thungetna uh hong za inla, ka mawhna uh hong maisak in. Topa aw, hong ngai inla hong sem in! Mi khempeuh in Pasian na hih lam a hong theih nadingun hong zekai kei in. Hih khuapi le hih mite na neihsa ahi hi,” ka ci hi.

Mattiu 26:28

Mi tampiteʼ mawhna a mai nadingin a luang khia, Pasianʼ thuciamna a kipsak, ka sisan ahi hi.

Mattiu 9:2

Mi pawl khat in khutlekhe zaw mi khat, a lupna pheek tawh hong pua-in Jesu kiang a hong tunpih uh hi. Jesu in amauteʼ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Marka 11:25

Thungen dingin na din uh ciangin midang tungah na hehna uh a om khat peuhpeuh maisak un; tua hileh vantungah a om na Pa un noteʼ mawhna hong maisak ding hi.

Luka 11:4

Kote tungah a hong mawhte mawhmaisakna ka neih bangun koʼ mawhna zong hong maisak in. Ze-etna lian hong thuaksak keʼn,’ ci-in na ngen ding uh hi,” a ci hi.

Luka 13:4

Tua ahih kei leh, Siloam Tuibeem gei-a tausang a puk lai-in a den lup mi sawm le giatte bangci ngaihsut na hi uh hiam? Hih bangin a sih manun Jerusalem khua sunga a teeng midangte sangin a mawhna uh lian zaw hi, ci-in ngaihsun na hi uh hiam?

Luka 6:37

“Midangteʼ thu khen kei un. Tua hileh no tungah zong Pasian in thu hong khen lo ding hi. Midangte mawhsak kei un. Tua hileh Pasian in note zong hong mawhsak lo ding hi. Midangteʼ mawhna maisak un. Tua hileh Pasian in noteʼ mawhna zong hong maisak ding hi.

Sawltak 13:38

Tua ahih ciangin sanggamte aw, hih Jesu hangin mawhmaisakna thu note tungah hong kihilh ahihna teltakin na theih ding uh ahi hi.

Efesa 1:7

Khris hong sihna hangin eite in suahtakna ngahin, i mawhnate hong kimaisak ahi hi. Tua zah dongin Pasianʼ hong hehpihna thu bangzah takin lian ahi hiam?

Efesa 4:32

khatlekhat kihehpihin, lungsim nem tawh na kiho zaw unla, Khrisʼ hangin Pasian in noteʼ mawhna hong maisak mah bangin khatlekhat na mawhna uh na kimaisak ta un.

Kolose 3:13

Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in noteʼ mawhna hong maisak bangin note zong khatlekhat na mawhna uh na kimaisak ding uh hi.