Mattiu 6:10 - Tedim Bible Revision 2017

¹⁰ Na ukna hun hong tung henla, vantung bangin leitungah zong na deih bangin kigamta hen.

Tedim Bible

¹⁰ Na Gam hong piang ta hen. Vantungah na deihna a kicin’mah bangin, leitungah kicing ta hen.

Mattiu 6:10 Iomraidhean Croise

Nehemiah 9:6

Nang bek Topa na hi hi. Nangmah in a sang pen vantung le van a om khempeuh, leitung le a tunga om khempeuh le tuipi le a sunga om khempeuh na bawl hi. Nangmah in tuate khempeuh na omsak a, vantung mihonpi in nang hong bia uh hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

Late 40:8

Nangma deih bang hihna ah nuam ka sa hi, ka Pasian aw. Nangma thukham ka lung sungah om hi,” ka ci hi.

Isaiah 2:2

Nidang ciangin Topa’ inn a omna mual pen mual liante lakah a sang penin kikipsak dinga, mual neute tungah kisangsak ding hi. Tua lai ah minam khempeuh pai muamua ding uh a,

Jeremiah 23:5

“En un, Topa in kong cih in ah, keimah in Davidʼ suan lak panin kumpi dingin a dik tat mi khat ka khan khiatsak ni hong tung ding hi. Amah gam uk siam mahmah dinga, gam sungah thuman thutang tawh thu hong khen ding hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Daniel 7:27

“Hih leitung kumpi gam, vangliatna le liatna khempeuh a Lianpen Pasianʼ mite tungah a kipia ding hi. Amauʼ kumpi za cikmah hunin bei ngei lo dinga, leitung ukna za a nei khempeuhte in a thu uh mangin amauteʼ na a sem ding uh hi,” hong ci hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Mattiu 12:50

Vantungah a om ka Paʼ deihna bangin a gamta mi peuhmah ka sanggam pasal, ka sanggam numei, ka nu ahi uh hi,” ci-in a dawng hi.

Mattiu 16:28

Hih lai-a a om mi pawl khatte a sih ma-in Mihing Tapa, Kumpi-in hong pai ding ahih lamtak phawk khial kei un,” a ci hi.

Mattiu 26:42

Tua ciangin a nih veina va paikikin thu ngen a, “Pa aw, keima thuak lohin ahi thei lo ding ahihleh nangma deihna bang hi tahen,” a ci hi.

Mattiu 3:2

“Vantung ki-ukna hun hong nai ta ahih manin na mawhnate uh kisikkik un,” a ci hi.

Mattiu 4:17

Tua hun a kipan Jesu in thuhilh ding kipan a, “Vantung ki-ukna hong nai ta ahih manin kisikin na om zia uh kheel un,” ci-in thu a hilh hi.

Mattiu 7:21

“Kei kiangah, ‘Topa, Topa aw,’ hong ci mi khempeuh, vantung ki-ukna sungah lut thei kim lo ding uh a, vantungah a om ka Paʼ deihna bangin a gamta teng bek lut thei ding uh hi.

Marka 11:10

A hong tung ding i pu Davidʼ ukna, Pasian in thupha pia tahen! Pasian phat un!” ci-in a awng uh hi.

Marka 3:35

Pasianʼ deihna bangin a gamta mi khempeuh ka nu le ka sanggamte ahi uh hi,” a ci hi.

Luka 19:11

Jesu pen Jerusalem khua a tung dektak hi a, Pasianʼ Ukna hun hong tung kuan ta ding hi, ci-in mite in zong ngaihsun uh ahih manin, mite in ama thugen a na ngaih laitakun Jesu in amaute kiangah thu gentehna khat gen thuah lai a,

Luka 19:38

“Pasian in Topaʼ tangin a hong pai kumpipa, thupha pia tahen. Vantungah nopna om henla, Pasianʼ min thang tahen,” ci-in a awng uh hi.

Luka 22:42

“Pa aw, nangma ngaihsutna bang ahih khak leh hih ka thuak ding gimna tawh hong kipelhsak in. Ahi zongin kei deihna bang hi loin nangma deihna bang hi tahen,” a ci hi.

Johan 4:34

Tua ciangin Jesu in, “Keimah hong sawl paʼ deihna bangin na semin, sep dingin hong piak nasep zawhna pen ka nuntakna an ahi hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Johan 7:17

Pasianʼ deihna bangin a gamta nuam mi peuhmah in, ka thugente pen Pasianʼ kiang panin a hong pai thu a gen ka hihna leh keima thu bek tawh a gen ka hihna khen thei ding uh hi.

Sawltak 13:22

Pasian in kumpi dingin Saul a zat nawn loh ciangin amauteʼ kumpi dingin David a semsak hi. Pasian in Davidʼ thu genin, ‘Ka sawl khempeuh a sem ding, ka deih bang mi khat, Jessiʼ tapa David ka mu khin hi,’ a cih sa thu ahi hi.

Sawltak 21:14

Thu ka gen pihpih uh hangin hong mang zo lo ahih manin, ka cih nading uh thei nawn loin, “Topaʼ deihna bangbang hi tahen,” ci-in ka om ta uh hi.

Sawltak 22:14

Tua ciangin amah in, ‘I pu i pateʼ Pasian in ama deihna a thei ding, a thuman a Nasem pa a mu ding le ama kam mahmah tawh a thugen a za dingin nang hong teel khinzo hi.

ROM (Romans) 12:2

Leitung mihingteʼ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasianʼ deihna na phawk thei ding uh hi.

Efesa 6:6

A hong pahtak ding uh deihna tawh amauteʼ muh sung bekin tua ci gamtat kei unla, Khrisʼ sila na hihna hangun Pasianʼ hong deih bangin lungsim takpi tawh na sem un.

Kolose 1:13

Amah in khuamial vangliatna panin eite hong hon khia-in, a lungmuanhuaina mun, a it a Tapaʼ ukna sungah hong koih a,

Kolose 1:9

Tua bangin noteʼ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasianʼ deihna na theihtheih nadingun ka hong ngetsak uh hi.

1 THESALONIKA MASA 4:3

Note a siangtho-in nungta-in numei tunga mawhna tawh na kipelh siangtho nading uh Pasian in hong deih hi.

1 THESALONIKA MASA 5:18

bangbang hong piang taleh na lungdamna uh Pasian tungah ko tawntung un. Khris Jesu tawh kipawlin na nuntakna sung uh ah hih bangzia-in na om ding uh Pasian in a hong deih ahi hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Hebru 10:36

Pasianʼ deihna bangin gamta-in, ama thuciam na ngah theih nadingun lungduai-in thuak zawhna na kisam uh hi.

Hebru 10:7

Tua ahih manin, ‘Thukham laibu sungah keima thu a kigelh bang teekteek mahin keima hih ding nong deih bang teekteek mah ahih dingin ka hong pai hi, Pasian aw,’ ka ci hi,” a ci hi.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

1 PETER MASA 2:15

Bang hang hiam cih leh thu thei loin a mot paupau mihaite, na gamtat hoihna un a daihsak ding, Pasianʼ deihna ahi hi.

1 PETER MASA 4:2

Tua ahih manin tu a kipanin na leitung nuntak sung uh mihingteʼ deihna bangin gamta loin Pasianʼ deihna bangin na gamtat ding uh ahi hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Mangmuhna 12:10

Tua ciangin vantungah nakpi takin awging khat ka za a, “Tu-in Pasian in hong hon khia khinta a, kumpi vangliatna a neihna hong lak khia khinta a, ama Khris in aana a neihna thu lak khia khinta hi. Bang hang hiam cih leh a sun a zanin eiteʼ Pasianʼ mai ah dingin i sanggamte mawhsakna a gen tawntung pa, tu-in vantung panin kilawn khia khinta hi.

Mangmuhna 19:6

Tua ciangin tuizeu ging le vanging tawh a kibang mihonpi kikona awging bang khat ka za a, “A Vanglian eiteʼ Topa Pasian kumpi suak khin ahih manin Pasian phat un.

Mangmuhna 20:4

Tua ciangin tokhom tungah a tu mi pawl khat ka mu a, tua mite tungah thukhen nading aana a kipia ahi hi. Jesu thu a genna le Pasian thu hangin a kithat miteʼ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uh ah ahi a, a khut tung uh ah ahi zongin ganhing ciaptehna nei lo uh hi. Amaute hong hingkik uh a, Khris tawh kum tul khat sung ukna aana a neikhawm uh hi.