Mattiu 5:5 - Tedim Bible Revision 2017

⁵ A lungnem mite in Pasianʼ ciam sa leitang ngah ding uh ahih manin thupha ngah mi ahi uh hi.

Tedim Bible

⁵ “Lungnemte in thupha a ngah ding uh hi. Bang hang hiam na cih uh leh, amau in leitung a luah ding uh hi.”

Mattiu 5:5 Iomraidhean Croise

Late 147:6

Topa in a kisikcip mite laam to-in, migilote leilak a denna hi.

Late 149:4

Bang hang hiam cih leh ama mite tungah Topa lungdam a, miniamte gualzo sakin a pahtawi hi.

Late 22:26

Gimna a thuakte in kham takin ne ding uh a, amah a zongte in Topa phat ding uh hi. A lungsim uh nuam tawntung tahen!

Late 25:13

Amah nuamsa tawntung dinga, a tate in leitang nei ding uh hi.

Late 25:9

Amah in lungsim kiniamkhiatte a man ah paipihin a zia a tong a hilh hi.

Late 37:11

Ahih hangin lungnemte in leitung luahin, gen zawh lohin amaute nuamsa ding uh hi.

Late 37:22

Bang hang hiam cih leh Topaʼ thupha piakte in leitung luah ding uh a, ahih hangin a samsiatte kipuaseh ding hi.

Late 37:29

Thuman mi in leitung luah dinga, tua leitang tungah teeng paisuak ding hi.

Late 37:34

Topa ngak inla, ama lampi zui in. Leitang a luah dingin nang hong liansak dinga, migiloteʼ siatna nangmah in na en ding hi.

Late 37:9

Bang hang hiam cih leh migilote kipuaseh dinga, ahih hangin Topa a ngakte in leitung luah ding uh hi.

Late 69:32

Netniamna a thuakte in hih thu mu-in lungdam uh hen. Pasian a zong note aw, na lungsim uh nosuaksakkik un.

Isaiah 11:4

Thumanna tawh mizawngteʼ thu khenin, lungsim nem miteʼ thu ahi bangin khensak ding hi. Ama kam panin a thupiakna tawh leitung mite gim kipia dinga, a muk panin a thugenna tawh migilote si ding uh hi.

Isaiah 29:19

Miʼ nopnehte in Topa’ sungah lungdamna thak ngah ding uh a, Israel-teʼ Siangtho Paʼ sungah mizawngte lungdam ding uh hi.

Isaiah 60:21

Na mihingte khempeuh thuman ding uh hi. Keima min a than nadingin keima suan sa kung, ka khut tawh ka sep sa gam pen amaute in nei paisuak ding uh hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite adingin thong kong a hong ding,

Zefaniah 2:3

Kiniamkhiatin, Topaʼ thupiakna a mang Judah gam mi khempeuh aw, Topaʼ kiang zuan un. A manin gamta unla, kiniamkhiat un. Tua hileh Topaʼ hehna hong kilat ciangin, tua hehna hangin gimna panin na peng kha thei ding uh hi.

Gamlak-vakna 12:3

Moses a lungnem mahmah hi a, leitung a om mi khempeuh sangin a lungnem zaw ahi hi.

Mattiu 11:29

Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

Mattiu 21:5

Tua a genna ah, “En un, na kumpipa uh hong pai hi. Kiniamkhiatna tawh lapi tung le la no tungah tuangin hong pai hi, ci-in Zion khua mite kiangah gen un,” a ci hi.

ROM (Romans) 4:13

Abraham le a suan a khakte in leitung luah ding hi, ci-in Pasian in thu a ciamna pen Abraham in Thukham a zuihna hang hi loin, a upna hangin Pasian in mihoihin a sanna hang ahi hi.

Galati 5:23

dikna le pumpi ki-uk zawhna hi a, hih bangin a gamta mite, Thukham in bangmah cih thei lo hi.

Efesa 4:2

Kiniamkhiatin, thunemin, lungduai-in om tawntung un. Khatlekhat kihuhna tawh na ki-itna uh kilangsak un.

Kolose 3:12

Pasian in note hong itin, hong teelin, ama mi siangthote hi khin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

1 TIMOTI MASA 6:11

Ahi zongin Pasianʼ mi ahi nangmah in tua thute khempeuh pelh inla, thuman thutak, Pasianʼ deih bangin nuntakna, upna, itna, kipna le lungnemna na neih zawh nadingin hanciam in.

2 TIMOTI NIHNA 2:25

thunem tawh a langteʼ hoih lohna a puah theite hi ding hi. Tua bang hileh Pasian in amaute kisiksak thei dinga, thuman thutak hong thei-in,

Titu 3:2

kuamah gensia loin, mite tawh kilemin kikhawl thei-in, lungsim nemin, mi khempeuh tungah a dik nading uh na gen in.

Jeim 1:21

Tua ahih manin ngeina hoih lote le gamtat siate khempeuh nusia unla, Pasianʼ thu mangin noteʼ lungsim sungah a hong koih thu zui un. Tua thu in note hong hon khia thei hi.

Jeim 3:13

Note lakah pilin thu thei a kisa a om leh kiniamkhiatin pilin, nuntak hoih le gamtat hoih tawh a lahkhiat ding ahi hi.

1 PETER MASA 3:15

Na lungsim sung uh ah Khris zahtak bawl unla, amah Topa-in nei un. Noteʼ lametna thu a hong dong a om khak leh hoihtakin a gen thei dingin kiging tawntung unla, ahi zongin lungnemna le zahtakna lim tawh gen un.

1 PETER MASA 3:4

Pasianʼ muhna ah a manpha mahmah ahi lungsim puak zia, a tul thei lo sung lam hoihna na bulphuh zaw un.