Mattiu 5:4 - Tedim Bible Revision 2017

⁴ Dahin a thum a tau mite Pasian in amaute hehnem ding ahih manin thupha ngah mi ahi uh hi.

Tedim Bible

⁴ “A dahte in thupha a ngah ding uh hi. Bang hang hiam na cih uh leh, amau in lungdamna a ngah ding uh hi.”

Mattiu 5:4 Iomraidhean Croise

Isaiah 12:1

Ni khat ni ciangin mite in, “Topa aw, kei tungah na heh hangin na hehna dam ta a, kei hong hehnem na hih manin nang tungah lungdamna kong ko ding hi.

Isaiah 25:8

Amah in sihna beisak mang dinga, maitang khempeuh panin khitui nul ding hi. Leitung khempeuh panin ama mite a kizahkona la khia ding hi. Bang hang hiam cih leh Topa in hih thu gen khinzo hi.

Isaiah 30:19

Jerusalem khua sunga a teeng, Zion sunga om mite aw, note na kap nawn kei ding uh hi. Noteʼ kahna aw hangin Topa in hong hehpih taktak dinga, amah in a zak ciangin note hong dawng ding hi.

Isaiah 35:10

Topa’ hotkhiat sa mite hong ciahkikin, lungdam tawntungna mai pua-in la sa kawmin Jerusalem ah hong tung ding uh hi. Amaute in lungdamna le kipakna ngah ding uh a, dahna le khuisatna om nawn lo ding hi.

Isaiah 57:18

“Amauʼ mawh gamtatnate a vekin ka mu khin a, ahih hangin amaute ka damsak ding hi. Amaute makaihin ka hehnem dinga, a dah a kapte hehnemin ka lungdamsak ding hi.

Isaiah 66:10

Naungek in a nuʼ nawi teepin nuam a sak mah bangin, Jerusalem in nuam a sakna ah nuam na sak khawm theih nadingun amah a it khempeuhte aw, Jerusalem tawh lungdam unla, ama hangin kipak un. Ama hangin kapin a thum khempeuhte aw, ama lungdamna ah amah tawh lungdam khawm un, a ci hi.

Isaiah 66:2

Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

Ezekiel 7:16

Vakhu lau bangin mi pawl khatte in mual tung tuh ding uh a, ahi zongin amauʼ mawhna hangin si veve ding uh hi.

Ezekiel 9:4

“Jerusalem khua sung khempeuh ah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhteʼ taltang ah ciaptehna va bawl in,” ci-in a sawl hi.

Zekhariah 12:10

“Davidʼ suanlekhakte le Jerusalem khua miteʼ tungah hehpihna lungsim le thungetna lungsim ka guan ding hi. Amaute in a sut lup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpi takin kapin thum ding uh hi.

Luka 16:25

Ahi zongin Abraham in, ‘Ka ta aw, leitungah na nuntak laitakun nang nopsakna namkim na ngah laitakin Lazaras in haksatna namkim a thuak hi. Ahi zongin tu-in amah in hih lai ah nopsakna a ngah laitakin nangmah in haksatna a thuak na hi hi.

Luka 6:21

Tuhunin a gilkial note nidang ciangin na gil uh a vah ding hi. Tuhunin a dah note nidang ciangin na nuam ding uh hi.

Luka 6:25

Tuhunin a gilvah note in gilkial gimna na thuak ding uh hi. Tuhunin a lungdam note dahin na kap ding uh hi.

Luka 7:38

Jesuʼ nungah tu-in kap a, a khitui tawh Jesuʼ khete kawtsakin a sam tawh nulsak a, a khete namin a sathau puak a nuh hi.

Luka 7:50

Tua ciangin Jesu in numei kiangah, “Na upna in nang hong damsak khinta hi; lungnuam takin va ciah in,” a ci hi.

Jeim 1:12

A hoih takpi mah hiam, ci-in sinna a thuak ciangin a nang zote a hampha mahmah ahi hi. Tua bangin a nang zote in, amah a itte tungah Pasian in a piak dingin a ciam nuntakna lukhu a ngah ding uh hi.

Mangmuhna 21:4

Amauteʼ mit panin khitui khempeuh nulsak ding hi. Thu lui sate maimang khinta ahih manin sihna, dahna le na sa a kahna cihte om nawn lo ding hi,” a ci hi.