Mattiu 5:3 - Tedim Bible Revision 2017

³ “Kha thu lamah zawngkhal a kisate sungah vantung ki-ukna thu om ahih manin thupha ngah mi ahi uh hi.

Tedim Bible

³ “Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Mattiu 5:3 Iomraidhean Croise

2 KHANG TANGTHU NIHNATE 33:12

Amah a lungkham ciangin Topa a Pasian kunh-in a pu a pateʼ Pasianʼ mai ah nakpi takin a mahmah kiniamkhiat hi.

2 KHANG TANGTHU NIHNATE 33:19

Tua ciangin ama thungetna le ama kutna Pasian in a sanna le ama khialhna le a cihtak lohna khempeuh le amah a kiniamkhiat ma-in mual dawna biakpiaknate bawlin Asherah-te le milim dangte a koihna munte thu, Thumuteʼ Khang Tangthu sungah kigelh hi.

2 KHANG TANGTHU NIHNATE 33:23

A pa Manasseh a kiniamkhiat bangin Topaʼ mai ah amah kiniamkhiat lo a, hih Amon in mawhna tam piangsak semsem hi.

2 KHANG TANGTHU NIHNATE 34:27

hih mun le a tunga teengte langpanna ama kammal na zak ciangin na lungsim kisikin Pasianʼ mai ah na kiniamkhiat a, keima mai ah nang kiniamkhiatin na puante bal kekin ka mai ah kap na hih manin, kei zong nang kong za hi, Topa in ci hi.

2 KHANG TANGTHU NIHNATE 7:14

keima minin a kisam ka mite amau mahmah kiniamkhiatin, thu ngenin ka mai hong zong a, amauʼ gitlohnate panin a kihei uh leh, keimah in vantung panin ka za dinga, amauteʼ khialhna maisakin a leitang uh ka hoihsakkik ding hi.

JOB (Job) 42:6

Tua ahih ciangin tu-in ka pauna sate khempeuh hangin ka maizum mahmah a, tu-in vutlevai khu-in nakpi takin ka kisik hi,” a ci hi.

Late 1:1

Mi nuamsa i cihte pen migiloteʼ thu a zui lo mi, mimawhteʼ gamtat bangin a gamta lo mi, mi a thusim lote tawh a kipawl lo mi ahi hi.

Late 112:1

Topa phat un. Topa zahtakin a thupiaknate nuam a sa mahmah mi, thupha ngah mi ahi hi.

Late 128:1

Topa zahtakin ama thu a zui mi khempeuh thupha ngah mi ahi hi.

Late 146:5

Jakobʼ Pasian pen amah huhpa hi-in, ama Topa Pasian a muang mipa mi lungdam ahi hi.

Late 34:18

Lungsim kitamzante kiangah Topa hong om a, lungsim zan gawpte a hon hi.

Late 41:1

Mi genthei a khualte thupha ngah ahi hi. Topa in haksatna hunah amaute hon khia ding hi.

Late 51:17

Pasianʼ san theih biakna pen lungsim kitamzan ahi hi. Pasian aw, a kitamzan, a kisik lungsim na simmawh kei ding hi.

Late 84:12

Vanglian Topa aw, nangmah a hong muang mite, thupha ngah mi ahi uh hi.

Paunak 16:19

Mi kihisak tawh kipawlin vankisutte ngahna sangin mizawngte tawh kikhawlin mi neu a om hoih zaw hi.

Paunak 29:23

A kiphasakte in niamkhiatna thuak dinga, a kiniamkhiatte in pahtawina ngah ding hi.

Paunak 8:32

“Tate aw, tu-in ka thugen hong ngai unla, kong gente zui le-uhcin lungdamna na ngah ding uh hi.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite adingin thong kong a hong ding,

Isaiah 66:2

Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

Micah 6:8

Mun khempeuh ah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem dinga, itna kip nei tawntungin, kiniamkhiatna tawh Pasianʼ thu man ding ahi hi.

Mattiu 11:25

Tua ciangin Jesu in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Mattiu 11:6

Kei hong umte pen a lungdamhuai mahmah ahi hi,” ci-in a dawng hi.

Mattiu 13:16

Ahi zongin noteʼ mit in mu-in na bil un za ahih manin a hampha mahmah na hi uh hi.

Mattiu 19:14

Jesu in, “Vantung ki-ukna pen naupangte tawh a kibang mite ading ahih manin, tua naupangte ka kiangah hong paipihsak unla, khaktan kei un,” a ci hi.

Mattiu 24:46

A topa hong ciah ciangin ama sawl bangin na semin a om a muhpa pen mi hampha mahmah khat ahi hi.

Mattiu 25:34

Tua ciangin Kumpipa in a tak lamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note adingin a kibawl khol sa gam nuam hong luah un.

Mattiu 3:2

“Vantung ki-ukna hun hong nai ta ahih manin na mawhnate uh kisikkik un,” a ci hi.

Mattiu 8:11

Nisuahna le nitumna panin mi tampi tak hong pai-in vantung ki-ukna sungah Abraham, Isaac le Jakob-te tawh an ne-in sabuai ah tukhawm ding uh hi.

Marka 10:14

Jesu in tua thu a phawk ciangin a heh suak a, a nungzuite kiangah, “Naupangte kham kei unla, ka kiangah hong paisak un. Bang hang hiam cih leh Pasianʼ Ukna sungah hih bang mite a om ahi hi.

Luka 11:28

Ahi zongin Jesu in, “Pasianʼ thu za-in a zuite hampha zaw lai hi,” ci-in a dawng hi.

Luka 18:14

Keʼn kong cih in ah, hih mipa pen Pasian tawh a kilem sa-in a inn ah ciah a, a khat pa pen tua bangin ciah lo hi. Bang hang hiam cih leh a kiliansakte pen kiniamkhiat suk dinga, a kiniamkhiatte pen a lianin kibawl ding hi,” a ci hi.

Luka 22:29

Ka Pa in uk nading aana kei tungah hong piak mah bangin kei zong note tungah kong pia ding hi.

Luka 22:30

Keima Ukna sungah an ne tui dawnin sabuai kiimah na tu ding uh a, Israel minam sawm le nihte tungah thu a khen dingin thukhenna tokhom tungah na tu ding uh hi,” a ci hi.

Luka 4:18

“Gimna a thuak mite tungah Lungdamna Thu a hilh dingin Topa in kei hong seh khin ahih manin keima sungah Topaʼ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Johan 20:29

Jesu in, “Kei na hong muh khit ciang bekin hong um pan na hi hiam? Kei hong mu lo napi-in hong umte adingin lungdamhuai mahmah zaw ding hi,” a ci hi.

Thu-hilhkikna 8:2

A thupiakte na zui uh hiam, na zui kei uh hiam cih a theih nadingin note hong niamkhiatin, na lungsim uh ah bang om hiam cih a theih nadingin Topa na Pasian un sehnel gamah hih kum sawm li sung note hong paipihna lampi khempeuh na ciamteh ding uh hi.

Jeim 1:10

Mihaute zong a niam uh ciangin lungdam veve uh hen. Lopa pak bangin a mangthang veve ding ahi uh hi.

Jeim 1:12

A hoih takpi mah hiam, ci-in sinna a thuak ciangin a nang zote a hampha mahmah ahi hi. Tua bangin a nang zote in, amah a itte tungah Pasian in a piak dingin a ciam nuntakna lukhu a ngah ding uh hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu ah mihau a suak dingin Pasian in leitung mizawngte a teel hi napi-in,

Mangmuhna 19:9

Tua ciangin vantungmi in keima kiangah, “Hih thu gelh in: Tuunoʼ zi neihna pawi ah a kisam mite a hampha mahmah ahi hi,” hong cih khit ciangin, “Hihte pen Pasianʼ gen taktak kammal ahi hi,” hong ci thuah lai hi.

Mangmuhna 22:14

Khuapi kulh kongpi sungah a lut theih nading le nuntakna singgah a nek theih nadingun a puan uh a siangin a sawp mite, mi hampha ahi uh hi.

Mangmuhna 3:17

Note a zawng, a mittaw, puansilh ding a nei lo, a hehpihhuai, a lungkham huai na hih lamtak uh thei loin, kote hau-in ka cithei uh a, bangmah kisapna ka nei kei uh hi, na ci uh hi.