Mattiu 5:28 - Tedim Bible Revision 2017

²⁸ Ahi zongin keʼn kong genin ah: Mawhpih nopna lungsim tawh numei khat a en mi peuhmah in a lungsimah tua numei tawh a mawh ahi hi.

Tedim Bible

²⁸ Ke’n kong cih-inah, numei khat peuhmah khialh nopna lungsim tawh a ente in, a lungsim sungah tua numei tawh a mawh zo hi.

Mattiu 5:28 Iomraidhean Croise

Piancilna 34:2

Hiv mi Hamorʼ tapa Shekhem, tua gam ulian pa in amah a muh ciangin, amah manin luppih a, amah siasak hi.

2 SAMUEL NIHNA 11:2

Khat vei nitak lamin a lupna panin David tho-in kumpi innkhum zang ah a pai leh inn khumzang panin amah in numei khat a kisil gal muh kha hi. A numei mel hoih mahmah hi.

JOB (Job) 31:1

“Lunggulhna tawh nungak khatpeuh ka et ngei loh nading, kiciamna ka bawl khin hi.

JOB (Job) 31:9

“Ka veengteʼ zi zawlmitin, a kong gei ah ngakin ka buk taak leh

Late 119:96

A kicing a a kingaihsun nate khempeuh in mong a neihna ka mu khin a, ahih hangin na thupiakna in mong nei loin zai mahmah hi.

Paikhiatna 20:17

“Na veengte uh inn na deihgawh kei ding uh hi. Na veengte uh zi hitaleh, ama nasem pa hitaleh, ama nasem nu hitaleh, ama bawngtal hitaleh, ama la hitaleh, na veengte aʼ ahi na khat peuhpeuh na deihgawh kei ding uh hi,” a ci hi.

Paunak 6:25

Amauʼ melhoihna iplah kha kei inla, amauʼ hong zawlmitna khenglah kha kei in.

Ezekiel 23:16

Amah in tua limte a muh phetin amaute lunggulh mahmah pah a, a sam dingin Babylon gamah kamtai a paisak pah hi.

Siampi Laibu 18:20

Na veengpaʼ zi tawh na lum khawm kei dinga, tua nu tawh na kininsak kei ding hi.

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktaakna, zuaugenna, mi gensiatna le ngaihsut hoih lo a tuamtuam hong piang khia hi.

Mattiu 5:22

Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.

Mattiu 5:39

Ahi zongin note kiangah keʼn kong genin ah: A gilote na thukkik kei un. Mi khatpeuh in na paang taklam hong bet leh a lang khat zong na dawh lai zaw in.

ROM (Romans) 7:14

Thukham pen i kha thu tawh kisai hi, ci-in i thei hi. Ahi zongin kei pen leitung pumpi tawh a nungta mi ka hi a, mawhna thu mangin a sal a suak ka hi hi.

Thu-hilhkikna 22:22

“Mi khat, midang khatʼ zi tawh a lum khawm a kimuh leh, numei tawh a lum pa le a numei, a nih tuakun kithat ding hi. Tua bangin Israel sung panin siatna na siangsak ding uh hi.

2 PETER NIHNA 2:14

Numei bekbek etnopin nei uh a, a mawhnopna lungsim uh kam thei lo hi. Upna cingtaak lo mite zol belin nei uh a, huaihamna lungsim bekbek a nei uh hi. Tua bang mite, Pasianʼ samsiat mite ahi uh hi.

1 JOHAN MASA 2:16

Bang hang hiam cih leh pumpi deihna, mit tawh mu-in i deihte le miteʼ kisaktheih pih nate ahi leitung nate khempeuh pen Pa Pasian tawh a kizom thu hi lo a, leitung tawh a kizom thu ahi hi.