Mattiu 5:26 - Tedim Bible Revision 2017

²⁶ A mantakin kong genin ah: Na liau sum na piak khit dong matengin thong sung panin na suakta ngei kei ding hi.

Tedim Bible

²⁶ Aman takpi kong cih inah, na liau ding dangkasan a khitna na piak khit matengin thong sung pan na paikhia thei kei ding hi.”

Mattiu 5:26 Iomraidhean Croise

Mattiu 10:29

Gitta nih ciangin mat khatin kizuak lel hi lo ahi hiam? Tua hi napi-in na Pa uhʼ thukim lohin tua gittate khat nangawn lei ah mawk kiat lo hi.

Mattiu 18:34

Kumpipa zong a heh suak ahih manin a leiba khempeuh a loh khit matengin thong sungah a kikhum nadingin thu a pia hi.

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite adingin a kibawl meikuang tawntung sungah pai un.

Mattiu 25:46

Tua ahih ciangin tawntung gim thuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Marka 12:42

A zawng meigong numei khat zong hong pai a, sumnen tang nih hong khia hi.

Luka 12:58

Mi khatpeuh in na tungah thu hong bawlin zum ah hong paipih leh, zum a, thukhente mai ah hong kai gawpin, thukhente in palikte kiangah hong apin, palikte in thong sungah a hong koih loh nadingin, na lang pa uh tawh na thu uh a sian theih nadingin na siam tawpun lamkal ah hanciam un.

Luka 12:59

Keʼn kong cih in ah, tua bangin gamta kei le-uhcin, na liau sum uh na piak khit matengun thong panin na suakta kei ding uh hi,” a ci hi.

Luka 16:26

Tua tham loin, i kikalah kuam thukpi khat om a, hih lai panin nang kiangah hong pai nuamte kuamah pai zo lo a, nangma omna panin hih lai ah zong kuamah hong pai zo lo hi,’ ci-in a dawng hi.

2 THESALONIKA NIHNA 1:9

Ama mite khempeuh le thu um mite khempeuh hangin minthanna le pahtawina a ngah dingin Topa hong pai Ni ciangin a noptuak mahmah Topaʼ minthanna huam sung panin amaute kihawl khia dinga, tawntung suksiatna dan a thuak ding uh hi. Ahi zongin note in kong gen uh thute um na hih manun tua nopna sungah na om ding uh hi.

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo dinga, hehpihna lungsim a neite tungah Pasian in thu a khen ciangin a hehpihna in zo zaw ding hi.