Mattiu 5:18 - Tedim Bible Revision 2017

¹⁸ Hoihtakin na phawk ding uh thu panin: Vanlelei a bei mateng, hih thukhamte a neu pen khat nangawnʼ deihna tangtung lopi-in mawk mai lo ding hi.

Tedim Bible

¹⁸ Aman takpi kong cih-inah, van leh lei a mangthang zongin thu khempeuh a kicin’ matengin Pasian’ Thukham a neupen nangawn kisia ngei lo ding hi.

Mattiu 5:18 Iomraidhean Croise

Late 102:26

Amaute sia ding uh a, ahih hangin nang na kip ding hi. Puan bangin amaute paat khia ding uh hi. Nangmah in amaute puan bangin na khek a, amaute a maimang uh hi.

Late 111:8

A tawntungin tuate kip ngitnget a, thuman le thutang tawh zuih ding ahi hi.

Late 119:152

Tuate a tawntungin a kip dingin na bawl ahihna thu, nangma thuhilhnate panin sawtpi-in ka thei hi.

Isaiah 40:8

Lopa vul a, pak a pulh hi. Ahih hangin Pasianʼ thu kho tawntung ding hi,” hong ci hi.

Isaiah 44:26

a nasem paʼ thu kipsakin, a kamtaiteʼ thugente a sem pa, ‘Jerusalem khua ah mi teengin, Judah khuapite kilamkik dinga, a kisia khuate ka lamkik ding hi,’ a ci pa;

Isaiah 51:6

Dak to-in vantungte en unla, leitung zong en suk un. Bang hang hiam cih leh meikhu bangin vantungte mangthang hi. Puan bangin leitung paat khia dinga, ama tunga teengte pen thokang bangin si ding uh hi. Ahih hangin keima hotkhiatna kip tawntung dinga, keima khah khiatna bei ngei lo ding hi.

Mattiu 10:15

Thukhen ni ciangin tua khua miteʼ thuakna sangin Sodom khua le Gomorrah khua miteʼ thuakna ol zaw lai ding ahihna thu hoihtakin phawk un.

Mattiu 10:23

Khua khat ah note hong kibawlsiat leh khua dang khat ah tai un. Note kiangah kong genin ah: Israel khua khempeuh na khit ma-un Mihing Tapa hong pai ding hi.

Mattiu 10:42

Keima nungzui mi a neu pen khat nangawn, keima nungzui ahihna hangin tuivot hai khat bek a suahte nangawn in pel loin thaman a ngah ding lamtak phawk un,” ci-in a vaikhak hi.

Mattiu 11:11

Leitung mi khempeuh sung pan Tuiphumpa Johan a lian pen ahi hi. Ahi zongin vantung ki-ukna sungah a neu pen i cihte nangawn Johan sangin lian zaw lai hi.

Mattiu 13:17

Ahi taktakin note kiangah kong genin ah: Kamsangte le Pasianʼ mi tampite in noteʼ muhte mu nuam mahmah napi-in mu lo uh a, noteʼ zakte za nuam mahmah napi-in za lo uh hi.

Mattiu 16:28

Hih lai-a a om mi pawl khatte a sih ma-in Mihing Tapa, Kumpi-in hong pai ding ahih lamtak phawk khial kei un,” a ci hi.

Mattiu 17:20

Jesu in, “Na upna uh a cingtaak lohna hang ahi hi. Ahi taktakin note kiangah kong genin ah: Ankam tang cia bang upna na neih nak uh leh, hih mual kiangah, ‘Hih lai panin hua lai ah kin in,’ ci le-uhcin kin khia ding hi. Na hih theih loh uh khat zong om lo ding hi.

Mattiu 18:18

“Note kiangah a taktakin kong genin ah: Leitungah na kham peuhmah uh vantungah zong kikham dinga, leitungah na phal peuhmah uh vantungah zong kiphal ding hi.

Mattiu 18:3

“A man mahmah in note kiangah kong genin ah: Note kikheelin naupang na bat kei uh leh vantung ki-ukna sungah na lut ngei kei ding uh hi.

Mattiu 19:23

Tua ciangin Jesu in a nungzuite kiangah, “A mantak a kong genin ah: Mihau khat pen vantung ki-ukna sungah a lut ding haksa mahmah ding hi.

Mattiu 19:28

Jesu in amaute kiangah, “Keʼn limtak a kong genin ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mattiu 21:21

Jesu in, “Note kiangah a mantak a kong genin ah: Note in uplahna nei het loin, upna taktak na neih nak uh leh hih theikung tungah a piang bang na hih theih uh banah, hih mual kiang nangawn ah, ‘Na omna pan pai khia-in tuipi sung kidenna in,’ ci le-uhcin na cih bangun piang ding hi.

Mattiu 21:31

Hih tapa nihte sung panin a koi bel pen a paʼ deih bangin gamta ahi hiam?” a ci hi. Amaute in, “A ta u zaw a ta hi,” a ci uh hi. Tua ciangin Jesu in amaute kiangah, “Note kiangah a mantak a kong genin ah: Pasianʼ ukna sungah note sangin siahdongte le numei paktatte lut masa zaw ding hi.

Mattiu 23:36

Note kiangah kong genin ah: Tu hun a mite tungah hih gimna hong tung takpi ding hi.

Mattiu 24:2

Ahi zongin Jesu in amaute kiangah, “Hihte khempeuh na mu khinta uh hi. Keʼn a mantak a kong genin ah: Hih inn lamna-a a kiciang suangte a kithuapin a om nangawn a om nawn lo zah dongin kilawn keek mang ding hi,” ci-in a dawng hi.

Mattiu 24:47

Keʼn kong genin ah, ama neihsa khempeuh a uk dingin a topa in tua nasem pa a koih ding hi.

Mattiu 25:12

amah in, ‘Note ka hong thei het kei hi,’ na cih san hi.”

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Mattiu 25:45

Tua ciangin amah in, ‘Note kiangah kong genin ah: Hih mite a neu pen khat nangawn na huh loh uh ciangin kei a hong huh lo na hi uh hi,’ ci-in a dawng ding hi.

Mattiu 5:26

A mantakin kong genin ah: Na liau sum na piak khit dong matengin thong sung panin na suakta ngei kei ding hi.

Mattiu 6:16

“An na tan uh ciangin a kineihkhem mite bangin mai khingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan thaman uh a ngah khinta ahih lamtak limtakin thei un.

Mattiu 6:2

“Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna inn sung le kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khinta ahihna thu limtakin na phawk un.

Mattiu 8:10

Jesu in hih bupa thugen a zak ciangin lamdang sa a, amah a zui mihonte kiangah, “A mantak a kong genin ah Israel mite lak nangawn ah hih bang upna a nei ka mu nai kei hi.

Marka 10:15

Hih naupang no khatʼ man bangin Pasianʼ Ukna a mang lo mi peuhmah Pasianʼ Ukna sungah om lo ding ahihna thei un,” a ci hi.

Marka 10:29

Jesu in amaute kiangah, “Hi mah hi; keʼn kong cih in ah, keima hang le lungdamna thu hangin a inn, a sanggam pasalte, a sanggam numeite, a nu, a pa, a tate le a leitang, khat peuhmah a nusiate in

Marka 11:23

Upna na neih nak uh leh hih mual kiangah, ‘Na omna panin pai khia-in tuipi sung kidenna in,’ ci le-uhcin, na lungsim sung uh ah uplahna om loin na gen bangun piang taktak ding hi, ci-in na up nak uh leh, na cih bangun hong piang ding hi.

Marka 12:43

Tua ciangin a nungzuite sam a, “A dangte khempeuh sangin hih mizawng meigongnu in tam khia zaw hi.

Marka 13:30

Hih thu limtakin phawk un. Tu laitakin a nungta mi khempeuh a sih khit ma-in hih thute hong tung ding hi.

Marka 14:18

An a nek laitakun Jesu in, “Tu laitakin kei tawh an a nekhawm mi khat in kei hong lehhek ding hi,” a ci hi.

Marka 14:25

Pasianʼ Ukna sungah leenggahzu thak ka dawnkik ni matengin leenggahzu a dawn nawn lo ding ka hihna thu limtakin thei un,” a ci hi.

Marka 14:30

Jesu in, “Tu zan mahmah in ak nih vei a khuan ma-in thum vei tak kei na hong nial ding lamtak phawk in,” a ci hi.

Marka 14:9

Hih thu limtakin phawk un! Lungdamna thu a kihilhna leitung mun khempeuh ah hih nuʼ thu kiphawkin kei tungah hong sepnate kigengen ding hi,” a ci hi.

Marka 3:28

“Tua ahih ciangin hih thu phawk un! Mihingteʼ mawhna le a kampau siatnate uh kimaisak thei ding hi.

Marka 6:11

Na paina uh khua khatpeuh in note hong sang loin, na thuhilhna uh hong ngaih nop kei uh leh, tua khua nusia-in, na khe uh a leivui baangte sinsan un. Tua pen amaute adingin hilhkholhna ahi hi,” ci-in a vaikhak hi.

Marka 8:12

Tua ciangin Jesu nakpi takin a sung tawng ah khuisa-in, “Bang hangin hih mite in lim hong ngen ahi uh hiam? Hih mite tungah lim kilak peuhmah lo ding hi,” a ci hi.

Marka 9:1

Tua ciangin Jesu in a thugen zom lai a, “Hih lai-a a om mi pawl khatte a sih ma-in vanglian pi tawh Pasianʼ Ukna hong tung taktak ding ahihna thu phawk un,” a ci hi.

Marka 9:41

Khris pawl na hihna hangun tui hai khat hong suah mi peuhmah in thaman ngah hamtang ding ahihna phawk un,” ci-in Jesu in a gen hi.

Luka 11:51

Abel a kithah a kipan biakna tau le siangtho mun kikalah a kithat Zekhariah a sihna ciang dong, tua mi thahna hangin gimna a thuak ding uh hi. Keʼn kong cih in ah, hih thute khempeuh hangin tu hun a mite gim hong kipia taktak ding hi.

Luka 12:37

A topa hong ciah ciangin a kiging sa-in amah ngakin a om uh a muh nasemte pen mi hampha mahmah ahi uh hi. Note kiangah kong genin ah, a topa zong hong kithawi-in a nasemte an vak dingin tusak dinga, a mahmah in a nasemte an thukin na a sem ding hi.

Luka 13:35

Tu-in na innte kinusiacip ding hi. ‘Topa min tawh a hong pai mipa, Pasian in thupha pia tahen,’ na cih hun hong tun matengin kei nong mu nawn kei ding hi,” a ci hi.

Luka 16:17

Ahi zongin Thukham a neu pen themno khat nangawn a maiman ding sangin vanlelei a manthan ding ol zaw lai hi.

Luka 18:17

Keʼn kong cih in ah, naupang bangin Pasianʼ Ukna a mang lo peuhmah Pasianʼ Ukna sungah om thei lo ding hi,” a ci hi.

Luka 18:29

Jesu in amaute kiangah, “A mantakin kong genin ah, Pasianʼ Uk ding a deihna hangin a inn a lo, a zi a ta, a nu a pa, ahih kei leh a sanggamte a nusiate in,

Luka 23:43

Jesu in ama kiangah, “A mantakin keʼn kong cih in ah: Tu ni-in Paradais ah kei tawh na om khawm ding hi,” a ci hi.

Luka 4:24

Tua ciangin Jesu in a thugen zom lai a, “Keʼn kong cih in ah, kamsang a kuamah peuh ama khua ah kipakta ngei lo hi.

Johan 1:51

4 Tua ciangin Jesu in, “Keʼn a mantak kong genin ah, vantung a kihong na mu ding uh a, Mihing Tapa le vantung kikalah Pasianʼ vantung mite a kum suk a kah to na mu ding uh hi,” a ci hi.

Johan 10:1

Tua ciangin Jesu in, “A mantakin ci lehang, tuukulh kongah lut loin a mun dang panin kahin a lut mite pen a guta a buluh ahi hi.

Johan 10:7

Tua ahih manin Jesu in amaute kiangah thu genkik leuleu a, “A mantakin ci lehang, kei pen tuuteʼ paina kongpi ka hi hi.

Johan 12:24

A mantakin ci lehang, mangbuh hum tang khat leilak ah kituhin si masa kei leh tang khat bek mah hi ngitnget hi; ahi zongin si masa leh tang tampi tak hong nei thei hi.

Johan 13:16

A mantakin ci lehang, sila pen a topa sangin lian zaw ngei lo a, a kisawl pa zong a sawl pa sangin lian zaw ngei lo hi.

Johan 13:38

Jesu in, “Kei hong sihpih ngam ding na hi hiam? A mantakin kong genin ah, kei thum veina hong nial khit matengin ak khuang lo ding hi,” ci-in a dawng hi.

Johan 14:12

A mantakin ka hong genin ah, kei hong umte in keima sep nate mah sem ding hi. Pa kiangah kei ciah ding ka hih manin keima sep sangin zong a lian zaw sem lai ding uh hi.

Johan 16:20

A taktakin ka hong genin ah, note dahin na kap ding uh a, ahi zongin leitung mite lungdam ding uh hi. Note na dah ding uh a, ahi zongin na dahna uh lungdamna hong suak ding hi.

Johan 16:23

“Tua hun ciangin kei kiangah bangmah nong ngen nawn kei ding uh hi. A mantakin kong genin ah, keima min suangin na nget peuhpeuh uh Pa in hong pia ding hi.

Johan 21:18

A mantakin ci lehang, na khangno lai-in na kawnggak gakin na utna peuh ah na pai zialzial thei hi. Ahi zongin na khangham ciangin na khutte na zan dinga, midangte in na khutte hong henin na ut lohna pi ah hong paipih ding uh hi,” a ci hi.

Johan 3:11

A mantakin kong genin ah, kote in ka theih sa uh thu bek genin, ka muh sa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

Johan 3:3

Jesu in, “A mantakin kong genin ah, mi khatpeuh a suahkik kei leh Pasianʼ Ukna sungah lut thei lo ding hi,” a ci hi.

Johan 3:5

Jesu in, “A mantakin kong genin ah, mi khatpeuh tui le Kha Siangtho tawh a suahkik kei leh Pasianʼ Ukna sungah lut thei lo ding hi.

Johan 5:19

Tua ahih manin Jesu in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muh teng bek a sem ahi hi. Tua hi a, a Pa in a sep teng mah a Tapa in zong a sem ahi hi.

Johan 6:26

Jesu in, “A mantakin ci lehang: Ka nalamdang bawlte na muh uh ciangin kei hong umin a hong zong na hi kei uh a, an na kham takun na nek uh manin a hong zong na hi bek uh hi.

Johan 6:32

Jesu in, “A mantakin ci lehang: Moses in a piak an pen vantung an hi lo hi. Vantung an taktak pen ka Pa in hong pia hi.

Johan 6:47

A mantakin kong genin ah, kei hong umte bek in nuntak tawntungna ngah hi.

Johan 6:53

Tua ahih manin Jesu in amaute kiangah, “A mantakin kong genin ah, Mihing Tapaʼ sa na nek kei uh a, a sisan na dawn kei uh leh note sungah nuntakna om lo ding hi.

Johan 8:34

Tua ciangin Jesu in, “A mantakin ci lehang mawhna a bawl mi peuhmah mawhnaʼ sila ahi uh hi.

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Johan 8:58

Jesu in, “A taktakin ci lehang, Abraham a pian ma-in kei ka om khin hi,” ci-in a dawng hi.

1 PETER MASA 1:25

ahi zongin Topaʼ thu kip tawntung hi,” ci-in na kigelh hi. Note kiangah a hong kihilh Lungdamna Thu pen tua Topaʼ thu ahi hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van leng khia mang a, a tunna mel uh kithei lo hi.