Mattiu 5:16 - Tedim Bible Revision 2017

¹⁶ Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai ah na gamtat hoihna uh khuavak bangin na kilangsak un.

Tedim Bible

¹⁶ Tua mah bangin, midangte in na gamtatna phate a muh uh ciangin, vantungah a om na Pa uh Pasian’ min a phat nadingun, na khuavak uh mite mai-ah na tangsak un.”

Mattiu 5:16 Iomraidhean Croise

Paikhiatna 34:35

Israel mite in Mosesʼ maitang vun a taang mu uh hi. Amah tawh a kiho dingin a pai matengin Moses in kiliahna puan tawh a maitang a khuhkik hi.

Paunak 4:18

Ahi zongin thuman miteʼ zuih lampi ahihleh sun dong a taang pha semsem zingsang khuavak tung tawh kibang hi.

Isaiah 58:8

Tua ciangin ka maipha pen phalvak tung hong bang dinga, noteʼ tungah hong taang khia ding hi. Manlang takin na liammate uh hong dam ding hi. Note hong ompih tawntungin note kong hon dinga, na nung na mai uh ah ka hong dal ding hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Mattiu 23:5

Amaute in a sepna khempeuh uh miteʼ muh theih dingin a hih se uh hi. Amaute in a talsuan le a banbulhte uh a gol pipi-in bawlin, a puan mongteep uh a sau theithei-in a bawl uh hi.

Mattiu 23:9

Vantungah Pa khat bek nei na hih manun leitungah kuamah dang, ‘Paʼ na ci kei un.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

Mattiu 6:16

“An na tan uh ciangin a kineihkhem mite bangin mai khingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan thaman uh a ngah khinta ahih lamtak limtakin thei un.

Mattiu 6:9

Tua ahih manin thu na nget uh ciangin hih bangin na ngen un: ‘Vantung a om koteʼ Pa aw, na min siangtho kizahtak hen.

Mattiu 9:8

Mihonte in hih thu a theih uh ciangin lau mahmah uh a, Pasian in mihingte tungah hih bang vangliatna a piakna hangin ama min a phat uh hi.

Luka 11:2

Jesu in amaute kiangah, “Hih bangin na ngen ding uh hi: ‘Pa aw, na min siangtho kizahtak henla, na Ukna hun hong tung tahen.

Johan 15:8

Gah tampi gah le-uhcin ka Paʼ minthanna a kilangsak na hi ding uh a, keima nungzui na hihna uh kilang ding hi.

Sawltak 9:36

Joppa khua ah Pasianʼ thu a um, Tabitha min nei numei khat a om hi. (Tua nuʼ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

1 KORIN MASA 14:25

A lungsim sung uh ah a ipcipte uh kipholak dinga, khukdinin Pasian bia-in, “Hih mite lakah Pasian om taktak hi,” ci ding uh hi.

2 KORIN NIHNA 9:13

Note in na up uh Jesu hangin lungdamna thu ah na cihtakna uh le amaute le midang khempeuh tungah na cit piakna hangun mi tampite in Pasianʼ min phat ding uh hi.

Galati 1:24

Tua hi a, keima tunga thupiang hangin amaute in Pasianʼ min a phat uh hi.

Efesa 2:10

Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

Efesa 5:8

Note pen khuamial sungah a omngei hi napi-in, Topaʼ mi na suah khit uh ciangin khuavak sungah a om hi ta na hih uh manin khuavak sungah a om mite bangin na gamta un.

1 THESALONIKA MASA 2:12

Note hong hehnemin ka hong hanthawn uh a, amah tawh ukna le minthanna a ngahkhawm dingin a hong sam Pasianʼ lungkimna bangin na gamtat theih nadingun ka hong gengen uh hi.

1 TIMOTI MASA 2:10

biakna lungsim neite adingin a kilawm ahih mah bangin gamtat hoih a neih ding uh ka deih hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuah sate, a inn ah zin le leengla do a siam mite, kiniamkhiatin Pasianʼ miteʼ khe a silsakte, a lungkham mite a huhte le thu khempeuh ah a hoih gamtat mite hi lai ding uh hi.

1 TIMOTI MASA 5:25

Tua mah bangin gamtat hoihnate zong kilangin, kimu-in, a kithei pah kei zongin ki-imcip suak thei lo hi.

1 TIMOTI MASA 6:18

A hoih nate semin, gamtat pha-in, citna lungsim nei-in midangte a hopnop nadingun na hilh in.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Titu 2:7

Nangma pumpi mahmah gamtat hoihna a kipan thu khempeuh ah etteh hoih dingin na om in. Lungsim takpi tawh miteʼ zahtak theih dingin thu na hilh inla,

Titu 3:14

I mite om mawk loin, thu kisam a phamawhte huh thei-in, na hoih na phate a sep theih nadingun na hilh in.

Titu 3:4

Ahi zongin eite hong Honpa ahi Pasianʼ itna le a migitna thu hong kilat ciangin,

Hebru 10:24

Khatlekhat ki-itin a hoih nate i sep nadingin kihanthawn ciat ni.

1 PETER MASA 2:12

Gentail mite in note mihoih lo hi, ci-in hong gensia nuamin mawhna hong zon ciangin, noteʼ hoihna bekbek mu-in, Pasian a hong pai Ni ciangin a phat theih nadingun amaute lakah na gamtatna uh hoihsak tawntung un.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

1 PETER MASA 3:1

Tua mah bangin zite aw, na pasalte uh Pasian thu um lo ahih khak leh na gamtatna hangun Pasian thu a up theih nadingun na pasalte uh thu na mang un. Kampau kul sese loin,

1 PETER MASA 3:16

Khris nungzui na hihna hangun na gamtat hoihna uh hong gensia-in hong simmawh bawl a om ciangin a maizum theih nadingun na lungsim uh ah kisuanna a om het lo dingin na siangtho om un.

1 PETER MASA 4:11

Minthanna le vangliatna a nei tawntung Pasian in Jesu Khris hangin thu khempeuh ah phatna a ngah theih nadingin thuhilhte in Pasianʼ thu na hilh unla, na a semte in Pasianʼ piak thahatna tawh na sem un. Amen.

1 PETER MASA 4:14

Khris nungzui hihna hangin miteʼ kosiatna na thuak uh leh note sungah a minthang Kha Siangtho ahi Pasianʼ Kha Siangtho hong om ahihna lim ahih manin a hampha mahmah na hi uh hi.