Mattiu 5:15 - Tedim Bible Revision 2017

¹⁵ Mei a vak khit ciangin kuamah in lawh khuh lo hi. Meivakna mun sangah koih zaw a, inn sung khempeuh a taangsak hi.

Tedim Bible

¹⁵ Mite in meivak a vak khit uh ciangin seeng a khuh kei uh hi. Inn sungah mi khempeuh in meivak a muh nadingun, a kho sangah a vaak uh hi.

Mattiu 5:15 Iomraidhean Croise

Paikhiatna 25:37

Nangmah in ama adingin meivak sagihte na bawl dinga, ama omna mai teng khua a vaksak dingin meivakte kikoih ding hi.

Zekhariah 4:2

Amah in, “Bang na mu hiam?” ci-in hong dong hi. Kei zong, “Kham tawh a kibawl meivak khuam khat ka mu hi. Tua meivak khuam in meivak sagih nei a, meivak tui koih nading hai khat zong a khuam dawnah om hi. Tua meivak sagihte in meivak khau nei ciat uh hi.

Gamlak-vakna 8:2

“Aaron tungah hih bangin gen in. Meivakte na koih ciangin, meivak sagihte in meivak khuam mai teng a taan dingin koih in, ci-in gen in,” a ci hi.

Marka 4:21

Tua ciangin Jesu in, “Mi khatpeuh in mei a kivak hong la-in lawh peuh khuh a, ahih kei leh lupna nuai peuh ah koih ngei ahi hiam? A kimuh theih nading meivakna kho sang tungah koih hi lo ahi hiam?

Luka 11:33

Tua ciangin Jesu in, “Kuamah in meivak a vak khit ciangin a munbu ah koih lo a, lawh zong khuh lo hi. Inn sungah a lut mi khempeuh in khua a muh theih nadingin meivak koihna tungah a koih zaw hi.

Luka 11:36

Tua bang hi peuh leh, meivak a taan ciangin khua na muh uh mah bangin na pumpi uh adingin khua mialna mun om loin a vekpi-in a taangkim ding hi,” a ci hi.

Luka 8:16

Tua ciangin Jesu in, “Mei a vak khit ciangin lawh a khuh ahi a, lupna nuai ah a koih ahi zongin kuamah om lo hi. Inn sungah a lut uh ciangin mite in khua a muh theih nadingin meivak koihna kho sangah koih bek uh hi.

Filippi 2:15

Tua hileh a lungsim kawi, a hoih lo leitung mite lakah paubaanna a nei lo a siangtho, Pasianʼ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.

Hebru 9:2

Puanbuk khat kibawl a, a pua nung dei pen Siangtho Mun kici a, tua sungah meivak, sabuai le Ompihna Anlum kikoih hi.

Mangmuhna 2:5

Tua ahih manin na lampialna uh phawkin, na mawhna uh panin kihei unla, na gamtat ngeisa bangun gamtakik un. Na mawhna panun kihei-in na kisikkik kei uh leh note kiangah hong pai-in na meivakna uh ka hong lakkhiatsak ding hi.