Mattiu 5:14 - Tedim Bible Revision 2017

¹⁴ “Note pen leitung mite adingin khuavak tawh na kibang uh hi. Mual dawnah a om khua kiseelcip thei lo hi.

Tedim Bible

¹⁴ Note in leitung khuavak na hi uh hi. Mual dawnah a om khua kiliah zo lo hi.

Mattiu 5:14 Iomraidhean Croise

Paunak 4:18

Ahi zongin thuman miteʼ zuih lampi ahihleh sun dong a taang pha semsem zingsang khuavak tung tawh kibang hi.

Ezekiel 5:5

Tua ciangin Topa Pasian in, “Hih Jerusalem khuapi lim en in. Leitung laizang ah ka koih a, a kimkot ah gamdang khempeuh ka omsak hi.

Johan 12:36

Khuavak mite na suah theih nadingun khuavak na neih hun sungun tua khuavak um un,” a ci hi. Jesu in hih thu teng a gen khit ciangin pai khia-in amaute kiang panin a bu hi.

Johan 5:35

Johan pen meivak bangin kuangin a taang hi a, ama khuavak sungah tawl khat nuamsa-in om ding na ut uh hi.

Johan 8:12

Tua khit ciangin Jesu in mihonte kiangah a thugenna khat ah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Johan 9:5

Leitungah ka om lai teng kei pen leitung mite adingin khuavak ka hi hi,” ci-in a dawng hi.

2 KORIN NIHNA 6:14

Thu um lo mite tawh na nasem khawm kei un. Midik le mimawh bangci-in kipawl thei dinga, khuavak le khuamial bangci-in om khawm thei ding ahi hiam?

Filippi 2:15

Tua hileh a lungsim kawi, a hoih lo leitung mite lakah paubaanna a nei lo a siangtho, Pasianʼ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.

1 THESALONIKA MASA 5:5

Bang hang hiam cih leh note khempeuh, khuavak gamtatna a nei, sun khuavak mite na hi uh a, eite pen khuamial gamtatna a nei, zan khuamial mite ihi kei hi.

Mangmuhna 1:20

Tu-in ka taklam khut sungah na muh aksi sagihte le kham kibawl meivakna sagihte a khiatna in: Aksi sagihte pen pawlpi sagihteʼ vantung mite a cihna hi a, meivakna sagihte pen pawlpi sagihte a cihna ahi hi.

Mangmuhna 2:5

Tua ahih manin na lampialna uh phawkin, na mawhna uh panin kihei unla, na gamtat ngeisa bangun gamtakik un. Na mawhna panun kihei-in na kisikkik kei uh leh note kiangah hong pai-in na meivakna uh ka hong lakkhiatsak ding hi.