Mattiu 5:11 - Tedim Bible Revision 2017

¹¹ “Midangte in keima hangin a man lopi-in hong simmawhin hong bawlsia a, a nam tuamtuamin hong gensiat uh ciangin thupha ngah mi na hi uh hi.

Tedim Bible

¹¹ Kei hanga note in gensiatna, bawlsiatna, ahi lo kimawhsakna na thuak uh leh, thupha na ngah ding uh hi.

Mattiu 5:11 Iomraidhean Croise

Late 35:11

Mi a el tecite hong kipan uh a, ka theih loh thute kei hong dong uh hi.

Late 44:22

Nangma hangin sun thapai-in kote hong kithat a, gan goteʼ tuu gawh ding bangin kote hong kikoih hi.

Isaiah 25:8

Amah in sihna beisak mang dinga, maitang khempeuh panin khitui nul ding hi. Leitung khempeuh panin ama mite a kizahkona la khia ding hi. Bang hang hiam cih leh Topa in hih thu gen khinzo hi.

Isaiah 51:7

“Thuman a thei, na lungsim sung uh ah keima thu a vom mite aw, ka thu ngai un. Mihingteʼ kosiatna kihta kei unla, amauteʼ hong simmawhna hangin lungkia kei un.

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

Jeremiah 37:14

Tua ciangin kei zong, “Hi lo hiʼng; Babylon miteʼ lamah ka taisim kei ding hi,” ka ci hi. Ahih hangin Irijah in ka thugen hong ngai loin kei hong man a, kumpi uliante kiangah hong paipih hi.

Mattiu 10:18

Keima hangin gam ukte le kumpite mai ah thu hong kisit ding hi. Hih bang na tuah uh ciangin thu hong sit mite le Gentail mite tungah Lungdamna Thu gen theih nading hunhoih a nei na hi uh hi.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuak zo mite in hotkhiatna a ngah ding uh hi.

Mattiu 10:25

Tua ahih manin sang naupangte pen a siapa uh tawh a kibat uh leh a lungkim ding uh hi a, silate pen a tote uh tawh a kibat uh leh a lungkim ding uh ahi hi. Innteek lutang pa pen Beelzebul hong ci uh ahihleh a innkuan pih mite tua sangin minsia zaw tawh hong ko zaw lai ding uh hi lo ahi hiam?

Mattiu 10:39

Hih leitung nuntakna a hon nuamte in a nuntakna taktak taanlawh dinga, keima hangin a nuntakna a taanlawhte in a nuntakna taktak a ngah ding uh hi.

Mattiu 19:29

Keima hangin a inn, a sanggam numei, a sanggam pasal, a nu, a pa, a tate, a leitang, khat peuhpeuh a nusiate in a zah za khat ngahkikin, nuntak tawntungna zong a ngah ding uh hi.

Mattiu 24:9

“Tua ciangin note hong kibawlsia in hong kithat dinga, keima hangin Gentail mi khempeuh in note hong mudah ding uh hi.

Mattiu 27:39

Tua ciangin amah a va mu kha mi peuhmah in a lu uh peisanin,

Marka 13:13

Keima hangin Gentail mi khempeuh in note hong mudah ding uh a, ahi zongin a sih dongun a thuak zote in hotkhiatna a ngah ding uh hi.

Marka 13:9

“Limtakin kidawm un. Note hong kimanin thukhen zumah hong kipaipih dinga, kikhopna inn sungah zong hong kisat ding hi. Ukpite le kumpite mai ah keima thu gen nading hun na ngah ding uh hi.

Marka 4:17

Ahi zongin amaute sungah thuktum lo ahih manin sau veipi kip lo hi. Tua thu hangin lungkhamna ahi a, bawlsiatna ahi zongin a tun ciangin a puk pah uh hi.

Marka 8:35

Hih a leitung nuntakna a hu nuamte in a nuntakna bulpi nangawn tawh suplawh dinga, keima hang le lungdamna thu hangin a nuntakna a suplawhte in a nuntakna bulpi hu zo ding hi.

Luka 21:12

Ahi zongin hihte khempeuh hong pian ma-in keima hangin note hong kimanin hong kibawlsia ding hi. Kikhopna innte ah thusitna thuakin thong ah khiat dingin hong ki-ap dinga, ukpite le kumpite mai ah hong kipaipih ding hi.

Luka 21:17

Mi khempeuh in keima hangin note hong mudah ding uh hi.

Luka 6:22

“Mihing Tapaʼ hangin mite in hong mudahin hong tuam koih a, hong simmawhin migiloin hong seh ciangin thupha ngah na hi uh hi.

Luka 9:24

Hih leitung nuntakna a hu nuamte in a nuntakna bulpi nangawn tawh suplawh dinga, keiʼ hangin a nuntakna a suplawhte in a nuntakna bulpi hu zo ding hi.

Johan 15:21

Ahi zongin amaute in kei hong sawl pa thei lo uh ahih manin keima mi na hihna uh hangin amaute in hih bangin hong bawl ding uh ahi hi.

Johan 9:28

Tua ciangin amaute in mittaw ngei pa kobawlin, “Nang pen ama nungzui na hi a, kote ka hih uh leh Mosesʼ nungzui ka hi uh hi.

Sawltak 9:16

Keima hangin a thuak ding thu khempeuh zong, kei mahmah in ama tungah ka gen ding hi,” a ci hi.

ROM (Romans) 8:36

Lai Siangtho sungah zong, “Note hangin sun thapai-in siat nading lauhuaina ka thuak uh a, gawh ding tuu bangin a hong kibawl hi,” ci-in a kigelh hi.

1 KORIN MASA 4:10

Khris hangin mite mai ah kote mihai ka suak uh a, ahi zongin note pen Khris sungah mipil na kisa uh hi. Kote ka thaneem uh a, ahi zongin note a hat na kisa uh hi. Kote hong kisimmawh bawl a, ahi zongin note hong kizahtak bawl na kisa uh hi.

2 KORIN NIHNA 4:11

Tua ahih manin koteʼ leitung pumpi ah Jesu Khris nuntakna a kilat nadingin Jesu hangin ka leitung nuntak sungun sih nading lauhuaina ka phu kha tawntung uh hi.

Filippi 1:29

Bang hang hiam cih leh Khrisʼ na sep nading hunpha zong note tungah a hong kipia hi a, Khris upna tawh ama na a sem hi bek loin, thuakna tawh zong a sem ding na hi uh hi.

1 PETER MASA 2:23

Amah a kizahko ciangin na ko thuk lo hi. Gimna a thuak ciangin na tawng gawp lo a, a manin thu a khen Pasian muanin a na nei hi.

1 PETER MASA 4:14

Khris nungzui hihna hangin miteʼ kosiatna na thuak uh leh note sungah a minthang Kha Siangtho ahi Pasianʼ Kha Siangtho hong om ahihna lim ahih manin a hampha mahmah na hi uh hi.

Mangmuhna 2:3

Note in lungduai takin thuakin, keima min hangin thuak zo-in, lungkia het loin na omna uh ka thei hi.