Mattiu 4:24 - Tedim Bible Revision 2017

²⁴ Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Tedim Bible

²⁴ A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Mattiu 4:24 Iomraidhean Croise

2 SAMUEL NIHNA 8:6

Tua ciangin David in Damaskas gam Aram ah khuacingte a koih hi. Syria mite Davidʼ nasem suak uh a, siah a puak uh hi. Topa in David a paina peuhpeuh ah gualzawhna a pia hi.

1 KUMPI MASATE 10:1

Tu-in Sheba kumpinu in Topaʼ min tawh kisai-in Solomonʼ minthanna a zak ciangin thudotna haksate tawh amah a ze-et dingin hong pai hi.

1 KUMPI MASATE 4:31

Bang hang hiam cih leh midang khempeuh sangin amah pil zaw a, Ezrah mi Ethan le Maholʼ tapa Heman, Kalkol le Darda sangin pil zaw lai a, a kiim a minam khempeuh lakah ama minthanna kizel hi.

1 KHANG TANGTHU MASATE 14:17

Tua ciangin Davidʼ minthanna in gam khempeuh zel a, Topa in minam dang khempeuh tungah amah kihtakna a tungsak hi.

1 KHANG TANGTHU MASATE 29:2

Tua ahih ciangin ka Pasianʼ biakinn dingin ka hih theih zah ciang, phuh dingin onik suang, suangpak, mel tuamtuam a nei suang, suangkang le suangmanpha nam khempeuh tampi takte banah kham zat nading nate ah kham, ngun zat nading nate ah ngun, sumngo zat nading nate ah sumngo, sik zat nading nate ah sik le sing zat nading nate ah sing ka koih khinzo hi.

Paikhiatna 15:26

“Note in Topa na Pasian uh thu limtakin na ngaih uh a, ama mai ah a man nate hihin, ama thupiakte don a, ama ngeina kipte khempeuh na zuih uh leh, Egypt miteʼ tungah ka tunsak natnate khat beek noteʼ tungah kong tungsak kei ding hi. Bang hang hiam cih leh kei pen Topa, note hong damsak pa ka hi hi,” a ci hi.

Mattiu 12:22

Tua ciangin mi pawl khat in Jesu kiangah mit tawt le pau theih loh a thuah dawivei mi khat hong paipih uh hi. Jesu in amah damsak ahih manin amah hong pau thei-in khua zong hong mu thei hi.

Mattiu 14:1

Tua hun laitakin Galilee gam sungteng a uk sawn kumpi Herod in Jesuʼ thu a za hi.

Mattiu 15:22

Tua gamah a teeng Kanaan nupi khat hong pai-in hong kiko a, “Davidʼ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

Mattiu 17:15

“Topa aw, nong hehpihna-in ka tapa hong damsak in. Amah in sihbup natna nei-in gim mahmah hi. Meikhuk sungah ahi a, tui sungah ahi zongin a puk zel hi.

Mattiu 17:18

Jesu in tua naupangʼ sung panin dawi a paikhiat nadingin thu pia a, a naupang thakhatin a dam pah hi.

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Mattiu 8:28

Tuili gal khat, Gadara gam a tun ciangin han panin dawivei mi nih hong pai khia-in Jesu a na dawn uh hi. Tua mi nihte kihtakhuai mahmah ahih manin amaute omna lam tawnin kuamah pai ngam lo uh hi.

Mattiu 8:33

Tua vokcingte zong tai-in khua sung tuh uh a, tua dawivei miteʼ thu le a thupiang khempeuh a gen uh hi.

Mattiu 8:6

“Topa aw, ka nasem pa cina-in inn ah lupna ngakin om a, gim mahmah in taang zo het lo ahih manin hong damsak in,” ci-in a thum hi.

Mattiu 9:26

Hih thupiang tua gam khempeuh ah a kizel hi.

Mattiu 9:35

Tua bangin khuapite le khuaneute ah Jesu pai kawikawi a, a kikhopna uh innte ah thu hilhin, Pasianʼ ukna hangin a lungdamhuai thute gen a, natna nam khempeuh a damsak hi.

Marka 1:28

Tua ahih ciangin hih Jesuʼ thu in Galilee gam sung khempeuh thakhatin a zel pak hi.

Marka 1:32

Tua nitak lam, ni a tum khit ciangin mite in Jesu kiangah cina khempeuh le dawivei khempeuh a hong paipih uh hi.

Marka 2:3

mihing li in Jesu kiangah khutlekhe zaw mi khat a paipih dingin hong pua uh hi.

Marka 2:4

Ahi zongin mihonpi kineh lua ahih manin Jesu kiangah paipih thei lo uh hi. Tua ahih manin Jesuʼ omna san inn tungkhum hong letin, a lupna pheek tawh a mipa a khai suk uh hi.

Marka 2:9

Hih khutlekhe zaw mipa kiangah, ‘Na mawhna hong kimaisak khin hi,’ cih ding le, ‘Tho-in na lupna pheek la inla pai dih in,’ cih ding koi baih zaw ahi hiam?

Luka 2:2

Kuirinias in Syria gam a uk sawn hun laitakin hih bangin mi phazah kisimna thu hong piang hi.

Luka 4:14

Tua ciangin Kha Siangtho vangliatna tawh a kidimin Galilee gamah Jesu a ciahkik hi. Tua kiim a om gam khempeuh ah ama thu kizakim hi.

Luka 4:38

Kikhopna inn panin Jesu pai khia-in Simonʼ inn ah a lut hi. Simonʼ sungnu nattunin na gim mahmah a, hih ama natna thu Jesu kiangah a gensak uh hi.

Luka 5:15

Ahi zongin Jesuʼ thu kitheithang semsem a, ama thu a ngai ding le a natna uh panin damna a ngah dingin mihonpite hong pai uh hi.

Luka 5:24

Mihing Tapa in leitungah mawhna maisak theih nading vangliatna nei hi, ci-in na theih nadingun kong lak ding hi,” a ci hi. Tua ahih ciangin khutlekhe zaw mipa kiangah, “Tho inla, na lupna pheek pua-in na inn ah ciah in,” a ci hi.

Luka 7:17

Hih Jesu thu pen Judea gam sung le a kiim gam khempeuh ah kizel hi.

Johan 10:21

pawl khat in, “Dawiveite in hih bangin thu gen thei lo hi. Dawi in mittawte khua musak thei ding ahi hiam?” a ci uh hi.

Sawltak 10:38

Nazareth khuami Jesu tungah Pasian in Kha Siangtho le vangliatna pia a, Pasian in a ompihna hangin tua Jesu in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 15:23

a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam le Silisia gam a om thu upna sungah sanggam ahi Gentail mite tungah hopihna kam kong khak uh hi.

Sawltak 15:41

Syria gam le Silisia gam nawkin pai-in pawlpite hanthawnin a thahatsak hi.

Sawltak 28:9

Hih bangin a damsak khit ciangin tua tuikulh tunga om cina dang khempeuh zong hong paipih uh a, Paul in amaute a damsak hi.

Sawltak 8:7

Mi tampite sung panin dawite nakpi takin kiko-in paikhia uh a, khut zaw khe zaw mite zong kidamsak hi.

Joshua 6:27

Tua bangin Topa in Joshua ompih a, gam khempeuh ah ama min a thang hi.