Mattiu 4:22 - Tedim Bible Revision 2017

²² Amau tegel in zong gunkuang le a pa uh nusia-in Jesu a zui pah uh hi.

Tedim Bible

²² Amau in thakhatin a pa leh a gunkuang uh nusia-in Zeisu nung a zui pah uh hi.

Mattiu 4:22 Iomraidhean Croise

Mattiu 10:37

“Kei sangin a nu a pa a it zawte kei tawh kilawm lo a, kei sangin a tapa a tanu a it zawte kei tawh kilawm lo hi.

Mattiu 4:21

Tua lai panin a paikhiat khit uh ciangin Zebedi tapa James le Johan-te unau, a pa uh tawh gunkuang sungah ngen puah in a om mu leuleu a, amau tegel zong a sam hi.

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Marka 1:20

Jesu in amaute a muh phetin sam pah a, amau tegel in zong a pa uh Zebedi le a thacialte uh nusia-in Jesuʼ nung a zui uh hi.

Luka 14:26

“Kei kiangah a hong pai mite peuhmah in a nu le a pa, a zi le a ta, a sanggam numeite le a sanggam pasalte le ama pumpi mahmah a nial ngam kei leh keima nungzui suak thei lo ding hi.

Luka 14:33

Tua mah bangin mi khat in a neih khempeuh a piakkhiat ngam kei leh keima nungzui suak thei lo ding hi.

Luka 5:11

Tui gei ah a gunkuangte uh a tunpih khit uh ciangin a na khempeuh uh nusia-in Jesu a zui uh hi.

2 KORIN NIHNA 5:16

Tua ahih manin kote in mihingteʼ ngeina zia tawh kuamah ka en nawn kei uh hi. Khris mahmah zong mihing lungsim ngaihsutna zia tawh ka et ngei uh hangin tu-in tua bangin ka ngaihsun nawn kei uh hi.