Mattiu 3:6 - Tedim Bible Revision 2017

⁶ Amaute in a mawhnate uh hong pulak uh a, Johan in Jordan Gun sungah amaute a tuiphum hi.

Tedim Bible

⁶ amau mawhna khialhna pulakin Jordan gun sungah ama khut tungah kibaptaiz uh hi.

Mattiu 3:6 Iomraidhean Croise

Ezra 10:1

Ezra in tu-a bangin thu ngenin mawhna pulakin khitui naptui tawh Pasianʼ biakinn mai ah kunin a om laitakin Israel mi numei, pasal, naupang, mi tampi tak ama kiimah hong kikhawmin amaute khempeuh zong nakpi takin a kap uh hi.

Late 32:5

Keima khialhnate nangma tungah kong pulak a, ka mawhna ka im kei hi. “Ka khialhnate khempeuh Topaʼ tungah ka pulak ding hi,” ka ci hi. Tua ciangin ka mawhna nin nong maisak hi.

Paunak 28:13

A khialhna a im mite a daupai lo dinga, a mawhna pulakin a kikheel mite in hehpihna ngah ding uh hi.

Ezekiel 36:25

Note tungah tui siangtho kong theh dinga, na milim biakna uh le note hong ninsak na dang khempeuh panin kong siangsak ding hi.

Daniel 9:4

Topa ka Pasianʼ kiangah thu ngenin ka miteʼ mawhna ka pulak hi. Keimah in, “Topa Pasian aw, nang na lian a, ka hong zahtak uh hi. Nang na thuman a, na thuciamna le na thupiakna a mangte le a hong itte a tawntungin na it hi.

Siampi Laibu 16:21

Aaron in keel hing lu tungah a khut tegel nga-in, Israel miteʼ mawhna, amauʼ thupalsatna le amauʼ khialhnate khempeuh, keel tungah pulak ding hi. Amah in keel lu tungah tuate suanin, a paikhiatpih dingin a kithawi sa mipa tawh sehnel gamah sawl khia ding hi.

Siampi Laibu 26:40

“Ahih hangin kei tungah khemna tawh hong gamtatna sa uh le kei hong demna uh hangin amaute gawt bawlin, amauʼ galteʼ leitang ah amaute ka paipihna hangin, amauʼ mawhna le a pu a pate uh mawhna pulakin a lungsim uh niamkhiatin, amaute in a mawhna a kipuahphat uh leh,

Gamlak-vakna 5:7

a gamtatna sa a khialhna pulak ding hi. Amah in a tatkhialhna ah a kicingin dinkik dinga, tua tungah nga ah khat behlapin, a khialhna mi tungah pia ding hi.

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Marka 1:5

Johanʼ thuhilhna a ngai dingin Jerusalem khua a kipan Judea gam sunga om mi khempeuhte a hong pai uh hi. Amaute in a mawhnate uh va pulak uh a, Jordan Gun sungah Johan in amaute a tuiphum hi.

Luka 1:16

Amah in Israel mi tampi tak, amauʼ Topa Pasianʼ kiangah tunpihkik ding hi.

Luka 3:16

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpi takin a lian zaw khat hong pai lai ding hi. Ama khedap khau a sutsak ding nangawnin kei ka kilawm zo nai kei hi. Amah in Kha Siangtho le mei sungah note hong phum ding hi.

Sawltak 1:5

Johan in tui sungah mite phum a, ahi zongin a sawt loin Pasian in Kha Siangtho tawh note hong kidimsak ding hi,” ci-in thu a pia hi.

Sawltak 11:16

Tua ciangin Topa in, ‘Johan in tui sungah hong phum a, ahi zongin Pasian in Kha Siangtho tawh note hong kidimsak ding hi,’ a cih sa thu ka phawkkik hi.

Sawltak 19:18

Thu a um midang tampi tak zong hong pai uh a, mipiʼ zakin a gamtatna sate khempeuh uh hong pulak uh hi.

Sawltak 22:16

Tu-in bang ngak lai ding na hi hiam? Tho inla, Pasian kiangah thu ngenin kituiphum inla, na mawhnate silsiangsak in,’ hong ci hi.

1 KORIN MASA 10:2

Meiipi sung le tuipi sungah ama nungzui a suak dingin Moses sungah amaute na kiphum uh hi.

Kolose 2:12

Note tui na kiphum uh ciangin Jesu tawh kiphum khawmin, misiteʼ lak panin Khris a thosak Pasianʼ vangliatna na up manun Khris mah tawh tuiphumna panin a thokhawm leuleu na hi uh hi.

Hebru 6:2

tuiphumna le khut ngakna thu, misite thawhkikna le tawntung gim thuakna, cih thute genpha sansan nawn kei ni.

Hebru 9:10

Zu le an le pumpi siansuahna ngeina tuamtuamte hi bek a, Pasian in na khempeuh a puahphat hun ma kikal sungteng zat ding ngeina ahi hi.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihteʼ thungetna in vang nei a, na lianpi sem zo hi.

Joshua 7:19

Tua ciangin Joshua in Akhan kiangah, “Ka tapa aw, Israel Topa Pasian min thangsak inla, amah phat in. Tu-in na gamtatna sate kei tungah hong gen inla, bangmah hong im kei in,” a ci hi.

1 PETER MASA 3:21

Tui pen note a hong hon khia tuiphumna lim hi a, pumpi panin nin sawp khiatna lim hi loin, Jesu Khris thawhkikna hangin lungsim siantho nadingin Pasianʼ tungah kamciamna lim ahi hi. Tua Jesu thawhkikna in note hong hon khia ahi hi.

1 JOHAN MASA 1:9

Ahi zongin Pasian kiangah i mawhnate va pulak lehang, amah citakin thuman ahih manin, i mawhnate hong maisakin i hoih lohnate khempeuh hong siangsak ding hi.