Mattiu 3:3 - Tedim Bible Revision 2017

³ Kamsang Isaiah in, “Gam sungah mi khat kiko a, ‘Topaʼ pai nading lampi bawl unla, a tot ding lampi tangsak un,’ ci hi,” ci-in a gen ciangin hih Johanʼ thu a gen ahi hi.

Tedim Bible

³ Pasian in kamsangpa Isaiah tungah a hilh ngei bangin: “Gampa lakah a kikopa’ aw in, ‘Topa paina lam na sial un, Ama lampi na tangsak un,’ a ci hi,” a cihna in tua mipa a cihnopna hi.

Mattiu 3:3 Iomraidhean Croise

Isaiah 40:3

Awging khat in, “Gamlak ah Topa’ lampi sial unla, sehnel gam sungah i Pasian ading lam lianpi khat a tangin bawl un.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Marka 1:3

Gam sungah mi khat kiko a, ‘Topaʼ pai nading lampi bawl unla, a tot ding lampi tangsak un,’ ci hi,” ci-in a kigelhna tawh hong kipan khia hi.

Luka 1:17

Amah pen kamsang Elijah mah bangin thahatna le vangliatna tawh Pasian mai ah hong mapai ding hi. Pate le tate kilemsakkikin, mihoihteʼ lungsim bang a neih nadingun thumang lo miteʼ lungsim heisak dinga, Topa adingin a kilawm dingin mite a bawl khol ding hi,” a ci hi.

Luka 1:76

“Nang, ka tapa na hi a, Lianpen Pasianʼ kamsang pa hong kici ding hi. Ama pai nading lampi a bawl khol dingin Topaʼ mai ah na mapai ding hi.

Johan 1:23

Johan in, “Kamsang Isaiah in a na gen mah bangin, ‘Topaʼ tot ding lampi na tangsak un,’ ci-in gam sungah a kiko pa ka hi hi,” ci-in a dawng hi.