Mattiu 3:2 - Tedim Bible Revision 2017

² “Vantung ki-ukna hun hong nai ta ahih manin na mawhnate uh kisikkik un,” a ci hi.

Tedim Bible

² Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Mattiu 3:2 Iomraidhean Croise

1 KUMPI MASATE 8:47

ahi zongin amaute a kipuak khiatna leitang ah amaute in a lungsim uh ah thu ngaihsunin kisikkik a, ‘Kote khialin lam pialin ka gitloh tat uh hi,’ ci-in amaute a manteʼ leitang panin nang tungah hong thum uh a,

JOB (Job) 39:12

Lo a na an piangte hong kaihkhop sakin, na ancilna ah an hong khawm dingin um na hi hiam?

JOB (Job) 42:6

Tua ahih ciangin tu-in ka pauna sate khempeuh hangin ka maizum mahmah a, tu-in vutlevai khu-in nakpi takin ka kisik hi,” a ci hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

Mattiu 10:7

Na paina peuh uh ah, ‘Vantung ki-ukna hong nai ta hi,’ ci-in thu va hilh un.

Mattiu 11:20

Tua ciangin Jesu in nalamdang tampi a bawlna mun khuapi mite kisik nuam lo uh ahih manin taii bawl ding kipan a,

Mattiu 12:41

Jonah in amaute kiangah thu a hilh ciangin a mawhna panun kisikkik uh ahih manin thukhen ni ciangin Nineveh khua mite in note mawhsakna thu hong gen ding uh hi. Note kiangah kong genin ah: Tu mahmah in note kiangah Jonah sangin a lian zaw khat a om hi.

Mattiu 13:11

Jesu in, “Vantung ki-ukna tawh kisai thusim note tungah hong kihilh a, ahi zongin amaute tungah kihilh lo hi.

Mattiu 13:24

Tua ciangin Jesu in thu gentehna dang khat gen a, “Vantung ki-ukna pen bang tawh kibang hiam cih leh: A lo ah taang ci hoih a vawhpa tawh kibang hi.

Mattiu 13:31

Tua ciangin Jesu in thu gentehna dang khat gen leuleu a, “Vantung ki-ukna pen bang tawh kibang hiam cih leh, mi khat in a lo sungah a vawh ankam tang tawh kibang hi.

Mattiu 13:33

Tua ciangin thu gentehna khat mah gen leuleu a, “Vantung ki-ukna pen bang tawh kibang hiam cih leh, nupi khat in annel seu thum dim meek manin silngo sawh a, a vekpi-in silngo in zelin a pawmsak tawh kibang hi,” a ci hi.

Mattiu 13:47

“Vantung ki-ukna pen tui sungah kipaai-in ngasa namkim a awkna ngen tawh zong kibang hi.

Mattiu 13:52

Tua ciangin Jesu in amaute kiangah, “Vantung ki-ukna sungah a hong lut Thukham hilh siate khempeuh pen, a sumkholna panin a thak le a lui, a ututin a la khia thei ziauziau sum nei pa tawh kibang uh hi,” a ci hi.

Mattiu 18:23

Bang hang hiam cih leh vantung ki-ukna zia pen a nasemte in sum bangzah a ba hiam, ci-in a sazian a en kumpipaʼ hihna zia tawh kibang hi.

Mattiu 20:1

“Bang hang hiam cih leh vantung ki-ukna sung om zia pen a leenggah lo ah na a sem ding a cial dingin zing tungin a kuan khia leenggah lo nei pa tawh kibang hi.

Mattiu 22:2

“Vantung ki-ukna zia pen a tapa adingin mopawi a bawl kumpipaʼ gamtatzia tawh kibang hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Mattiu 25:1

“Tua hun ciangin vantung ki-ukna zia pen zi nei thak pa a uap dingin a meivak uh tawh a pai nungak sawmte tawh kibang ding hi.

Mattiu 25:14

“Inn panin khualzin dingin a paikhia mipa tawh zong kibang hi. Amah in a nasemte samin, a neihsa teng a nasemteʼ kep dingin a ap hi.

Mattiu 4:17

Tua hun a kipan Jesu in thuhilh ding kipan a, “Vantung ki-ukna hong nai ta ahih manin kisikin na om zia uh kheel un,” ci-in thu a hilh hi.

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Mattiu 5:10

Pasianʼ deihna bangin a gamtat manin bawlsiatna a thuak mite vantung ki-ukna sungah a omte ahih manin thupha ngah mi ahi uh hi.

Mattiu 5:3

“Kha thu lamah zawngkhal a kisate sungah vantung ki-ukna thu om ahih manin thupha ngah mi ahi uh hi.

Mattiu 6:10

Na ukna hun hong tung henla, vantung bangin leitungah zong na deih bangin kigamta hen.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

Marka 1:15

“A hunhoih hong tung ta a, Pasianʼ Uk ding hun hong kipan ta hi. Na mawhna uh kisikkik unla, hih Lungdamna Thuthak um un,” ci-in a hilh hi.

Marka 1:4

Tua mah bangin gam sungah Johan hong vak a, mawhna kisikin tui kiphum un; tua hileh na mawhna uh Pasian in hong maisak ding hi, ci-in thu a hilh hi.

Marka 6:12

Tua ahih ciangin amaute kuan khia uh a, mite a mawhna panun a kisik nadingun thu a hilh uh hi.

Luka 1:16

Amah in Israel mi tampi tak, amauʼ Topa Pasianʼ kiangah tunpihkik ding hi.

Luka 11:20

Noteʼ ngaihsut bang hi loin, keʼn Pasianʼ vangliatna tawh dawite hawl khia ka hih manin, note kiangah Pasianʼ Ukna hun hong tung ta ahihna phawk un.

Luka 13:3

Hi lo hi. Keʼn kong cih in ah, na mawhna panun na kisik kei uh leh amaute mah bangin note zong na si ding uh hi.

Luka 13:5

Hi lo hi. Keʼn kong cih in ah, na mawhna panun na kisikkik kei uh leh note zong amaute mah bangin na si ding uh hi,” a ci hi.

Luka 15:10

Tua mah bangin mawhnei mi khat a kisikkikna hangin Pasianʼ vantung mite lungdam mahmah uh hi,” a ci hi.

Luka 15:7

Tua mah bangin kisikkik ding a kisam lo mihoih sawm kua le kuate tungah lungdamna sangin mawhnei mi khat a kisikna hangin vantungah lungdamna lian zaw ding hi,” a ci hi.

Luka 16:30

Tua ciangin mihau pa in, ‘Pa Abraham aw, tua nong gen zong a kicing khin hi mah hi. Ahi zongin a si sa mi khat hingkikin amaute kiangah va paikik leh a mawhna panun ka naute kisik hamtang ding uh hi,’ a ci hi.

Luka 21:31

Tua mah bangin hih thute hong piang na muh uh ciangin Pasianʼ Ukna hun hong tung ta ding hi, ci-in na thei ding uh hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Luka 6:20

Tua ciangin Jesu in a nungzuite en a, “No mizawngte Pasianʼ Ukna sungah om na hih manun thupha ngah mi na hi uh hi.

Luka 9:2

Tua ciangin Pasianʼ Ukna thu a hilh ding le cinatnate a damsak dingin kuan khiasakin

Sawltak 11:18

Amaute in hih thu a zak uh ciangin mawhsakna thu gen nawn lo uh a, “Gentail mite zong kisikin a nuntak theih nadingun Pasian in hunhoih pia hi,” ci-in Pasian a phat uh hi.

Sawltak 17:30

Pasian in mihingteʼ theih loh hun lai-a a gamtatnate uh phamawh a sak loh hangin, tu-in mun khempeuh a om mi khempeuhte a gamtat siatna panun a kihei nadingun thu a hong pia khinzo hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesu Khris min tawh tui kiphum ciat un. Tua hileh Pasianʼ piakkhong Kha Siangtho na ngah ding uh hi.

Sawltak 20:21

Jew mi le Gentail mite a mawhna panun Pasianʼ lamah kihei-in i Topa Jesu a up nadingun thu ka gen khinzo hi.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

Sawltak 3:19

Tua ahih ciangin na mawhnate uh hong sawp siangsak theih nading, Topa kiang panin a hong pai lungsim nopna hun na ngah theih nading uh le note adingin a seh sa Jesu Khris a hong sawl theih nadingin na mawhna uh kisik unla, Pasian kiang zuan un.

2 KORIN NIHNA 7:10

Tua na dahna uh hotkhiatna ngah theih nadingin na lungsim uh na kheel nadingun Pasian in hong zang ahih manin dah nading bangmah om lo hi. Ahi zongin hih leitung dahna lelte in ahihleh sihna piangsak hi.

Kolose 1:13

Amah in khuamial vangliatna panin eite hong hon khia-in, a lungmuanhuaina mun, a it a Tapaʼ ukna sungah hong koih a,

2 TIMOTI NIHNA 2:25

thunem tawh a langteʼ hoih lohna a puah theite hi ding hi. Tua bang hileh Pasian in amaute kisiksak thei dinga, thuman thutak hong thei-in,

Hebru 6:1

Tua ahih manin Khris thu a kipat cilna lelte nusia-in a thuthuk zawte ngaihsutin nei ni. Bangmahin a kimang lo nasepnate nusiat ding, Pasian upna thu,

2 PETER NIHNA 3:9

Mi pawl khatteʼ ngaihsut bangin Topa in a kamciamna a hong tungsak hak hi zenzen lo hi. Note khat beek in siatna na thuakkhak ding uh deih loin na vekpi-un na kisik ding uh deih ahih manin hong pai nai lohna pen note hong khualna hizaw hi.

Mangmuhna 2:21

Tua numei a kisikkik nading hun ka piak hangin a paktatna panin kihei nuam lo hi.

Mangmuhna 2:5

Tua ahih manin na lampialna uh phawkin, na mawhna uh panin kihei unla, na gamtat ngeisa bangun gamtakik un. Na mawhna panun kihei-in na kisikkik kei uh leh note kiangah hong pai-in na meivakna uh ka hong lakkhiatsak ding hi.