Mattiu 3:17 - Tedim Bible Revision 2017

¹⁷ Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

Tedim Bible

¹⁷ “Hih pa in ka lung hong damsak ka it ka Tapa ahi hi,” ci-in vantung panin aw khat a ging hi.

Mattiu 3:17 Iomraidhean Croise

Late 2:7

Topaʼ thukhenna tu-in kong gen ding hi: Amah in keima tungah, “Nang pen ka tapa na hi a, tu ni-in na Pa ka suak hi.

Isaiah 42:1

Keimah in ka huh, ka teel, ka lungkimna ka nasem pa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Isaiah 42:21

Topa pen a hon khia nuam mahmah Pasian hi a, ama thuhilhnate limtakin a kizuih ding a deih hi.

Siampi Laibu 15:15

Siampipa in tuate, khat khialhna hanga biak nading le a dang khat meihal biak nadingin pia dinga, a natui a paikhia mipa adingin siampipa in Topaʼ mai ah kilemna bawlsak ding hi.

Mattiu 12:18

“Keimah in ka teel sa ka nasem pa, ka it mahmah, ka lungkimna pa en un. Keima Kha ama tungah ka pia dinga, Gentail mite tungah upna man a pulak ding hi.

Mattiu 17:5

Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Marka 1:11

Vantung panin aw khat hong ging a, “Nang pen ka it mahmah ka Tapa na hi a, nang tungah ka lungkim mahmah hi,” a ci hi.

Marka 9:7

Meii hong kai-in a liim in amaute hong liah a, tua meii sung panin aw khat hong gingin, “Hih pa, ka it ka Tapa ahi hi; ama thu na ngai un,” a hong ci hi.

Luka 3:22

vakhu pumpi lim nei-in Kha Siangtho ama tungah hong kum suk hi. Tua laitakin vantung panin aw khat hong ging a, “Nang pen ka it ka Tapa na hi a, nangma tungah ka lungkim mahmah hi,” a ci hi.

Luka 9:35

Tua ciangin meii lakah aw khat hong ging a, “Hih pa, ka Teel sa ka Tapa ahi hi; ama thu na ngai un,” a ci hi.

Johan 5:20

Pa in a Tapa itin, ama sep teng mah lak a, mailam hunah zong hih sangin a lian zaw a sep ding lak lai ding ahih manin lamdang na sa mahmah ding uh hi.

Johan 5:37

Tua ban panin kei a hong sawl Pasian in zong keima adingin teci a pang hi. Note in Pasianʼ sawl paʼ thu um lo na hih manun Pasianʼ aw lah za ngei lo, a maitang lah mu ngei lo, na lungsim uh ah zong ama thu a ciing lo na hi uh hi.

Efesa 1:6

Ama it Tapa hangin hih bangin letsong hong pia ahih manin a vanglian ama hong hehpihna hangin Pasian phat ni.

Kolose 1:13

Amah in khuamial vangliatna panin eite hong hon khia-in, a lungmuanhuaina mun, a it a Tapaʼ ukna sungah hong koih a,

2 PETER NIHNA 1:17

Vanglian Minthang pa in, “Hih pen ka it ka Tapa hi a, ama tungah ka lung a kim mahmah hi,” ci-in genin, Pa Pasian in ama tungah minthanna vang le pahtawina a piak laitakin komau pumpi mahmah tawh a om ka hi uh hi.

1 JOHAN MASA 5:9

Mihingteʼ teci panna sang thei ihih leh Pasianʼ teci panna i san theih ding thupi zaw hi. Pasian in ama Tapaʼ thu tu-a bangin teci hong pang hi.

Mangmuhna 14:2

Tua laitakin tuizeu lianpi le vanging tawh a kibang a gingpha mahmah aw khat vantung panin a hong ging ka za hi. Tua awging pen harp lasakna a kitum a ging tawh kibang hi.