Mattiu 3:12 - Tedim Bible Revision 2017

¹² Amah in a khut ah anzapna tawi-in a ante zap a, a taksate khawmin a ansal sungah koih dinga, a ansite ahihleh a mit ngei lo mei sungah a khul ding hi,” ci-in thu a hilh hi.

Tedim Bible

¹² A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Mattiu 3:12 Iomraidhean Croise

JOB (Job) 21:18

Huih in a letkhiat buhkungte, le huihpi in a mutkhiat buhsi bangin amaute bawl ngei ahi hiam?

Late 1:4

Migilote ahihleh tua bang hi lo uh a, huih in a letkhiat anvai tawh kibang lel uh hi.

Late 35:5

Topaʼ vantungmiʼ hawlna tawh huih letkhiat ansite tawh amaute kibangsak in.

Isaiah 1:31

A thahat mipa pen patlom tawh kibang dinga, ama nasepna pen mei-ek suak ding hi. Kuamah in phelh zo loin amau tegel kaang tum khawm ding uh hi.

Isaiah 17:13

Tui lianpi a ging bangin minamte awng uh hi. Ahih hangin amah in amaute tai dinga, gamlapi pekah amaute tai khia ding uh hi. Mual tung a huih mai ah ansi leeng bang leh huihpi mai-a pingpei bangin leeng khia mang ding uh hi.

Isaiah 27:4

Leenggui lo tungah ka heh nawn kei hi. Ling le lingkungte hong om leh keimah kuan khia-in tuate ka hal tum ding hi.

Isaiah 28:28

Mi khatpeuh in antang cilvui ahi hiam? Hi lo hi; amah in cil paisuak ngitnget lo hi. A sakol tawh buhcilna pei a kihualsak ciangin amah in kitamvuisak lo hi.

Isaiah 30:24

Lo a kho bawngtalte le late in kawbia le tu-ka tawh a kitok sa an al ne ding uh hi.

Isaiah 41:16

Amaute na haih ding uh a, huih in amaute mut khia dinga, huihpi in amaute thehthang ding hi. Tua ciangin Topa’ hangin na lungdam ding uh a, Israel-teʼ Siangtho Paʼ hangin na minthang ding uh hi.

Isaiah 5:24

Tua ahih ciangin mei in buhkung keute kaang tum a, meikuang sungah lopa keute a kattum bangin amauteʼ zung pen muat gawp dinga, amauteʼ pakpalhte leivui bangin vanah leeng to ding hi. Bang hang hiam cih leh amaute in Vanglian Topa’ thu nialin Israel-teʼ Siangtho Paʼ thu a simmawh uh hi.

Isaiah 66:24

Amaute a ciah uh ciangin kei hong lehdo miteʼ luanghawmte en ding uh hi. Bang hang hiam cih leh amau a ne thante si ngei loin, amau a kihalna mei mit ngei lo dinga, amaute pen mi khempeuhʼ kih hi ding hi, a ci hi.

Jeremiah 15:7

Na gam sung khua kongpite ah huihpiʼ mut bangin note kong mut mang ding hi. Na tate uh ka beisak dinga, ka mite ka susia ding hi. Bang hang hiam cih leh na gitlohna uh le na om dan hoih lo panun na kiheikik kei uh hi.

Jeremiah 17:27

Ahih hangin ka thu nong ngaih kei uh a, Sabbath ni siangthosak loin, Jerusalem khua kongpite ah van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin kaang tum dinga, a mei a kiphelh zo kei ding hi,’ va ci in,” hong ci hi.

Jeremiah 4:11

Tua hun ciangin hih mite le Jerusalem khua mite kiangah, “A sa mahmah huih, sehnel gam a sang mun panin ka mite tungah hong nung dinga, tua huih pen anvaite a zapsiang dingin a nung huih bang hi lo hi.

Jeremiah 51:2

A zapsiang ding mi Babylon ah ka sawl dinga, amaute in tua gam a zapsiang ding uh hi. Gimna ni hong tun ciangin amah a sim dingin mun khempeuh panin hong pai ding uh a, gam sungah bangmah a omsak nawn kei ding uh hi.

Jeremiah 7:20

Tua ahih manin Topa in kong cih in ah: En in, ka hehna le ka thangpaihna hih munah ka bua dinga, mihingteʼ tung le ganhingteʼ tung, lo lai-a singkungte le leilak a singgahte tungah ka sung ding hi. Ka hehna mei bangin kuang dinga, kisumit lo ding hi.

Hosea 13:3

Tua ciangin amaute pen zingsang a kaai meii lum, a maimang pak daitui, ancilna panin huih in a letkhiat ansi, meikhu suahna-a a pai meikhu bangin a maimang ding uh hi.

Amos 9:9

Keimah in thu ka pia dinga, anhaihna ciang tawh an a kihaih mah bangin keimah in Israel mite ka lok niloh ding hi. A hoih loteng a kipaihkhiat theih nadingin minam dangte lakah ka haih ding hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

Mattiu 13:30

Anlak hun mateng a nam nihin tua ci om phot hen. Anlak hun ciangin anlate kiangah, “Tahumte bot masa unla, meikhuk ah khul dingin lomhen un. Ahi zongin taangte la-in ka ansal ah hong sung un,” ka ci ding hi,’ ci hi,” a ci hi.

Mattiu 13:41

Mihing Tapa in a vantung mite hong sawl dinga, ama ukna sungah a om migilote le mi a mawh nadingin a bawl mi khempeuh kaikhawmin

Mattiu 13:42

meikhuk pi sungah tua bang mite lawn ding uh a, tua lai ah amaute kapin a hagawi ding uh hi.

Mattiu 13:43

Tua hun ciangin Pasianʼ mite ahihleh a Pa uh Ukna sungah ni bangin a taang ding uh hi. Zak nading bil a neite in hih thu na za ta un.

Luka 3:16

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpi takin a lian zaw khat hong pai lai ding hi. Ama khedap khau a sutsak ding nangawnin kei ka kilawm zo nai kei hi. Amah in Kha Siangtho le mei sungah note hong phum ding hi.

Luka 3:17

A buh cil sate a zapsiang nadingin amah in a khut sungah lawhpi tawi a, a tak teng ansal sungah koihin, a si teng a mit ngei lo mei sungah a khul ding hi,” ci-in a gen hi.

Johan 15:2

Amah in gah a nei lo ka hiang khempeuh sat khia a, gah a nei hiangte ahihleh a gah semsem theih nadingin a puah hi.