Mattiu 27:52 - Tedim Bible Revision 2017

⁵² Hankhukte zong kihong a, Pasianʼ mi a si sa tampite zong kithokiksak hi.

Tedim Bible

⁵² Hante kihong a, a sisa misiangthote’ luang tampi hong tho kik uh a,

Mattiu 27:52 Iomraidhean Croise

2 KUMPI NIHNATE 13:21

Tua ciangin amaute in misi khat a vui laitakun, amaute a sim dingin a hong pai mihon khat mu uh a, amau zong a misi uh Elishaʼ han sungah lawn uh hi. A misi in Elishaʼ guhte a sukkhak phetin hingkik a, tua ciangin ama khe-in a ding hi.

Isaiah 25:8

Amah in sihna beisak mang dinga, maitang khempeuh panin khitui nul ding hi. Leitung khempeuh panin ama mite a kizahkona la khia ding hi. Bang hang hiam cih leh Topa in hih thu gen khinzo hi.

Isaiah 26:19

Nangma mi a si sate hingkik ding uh a, amauʼ pumpi thokik ding hi. Han sungah a lum mite aw, tho-in lungdamin la sa un! Bang hang hiam cih leh zing daitui in leitung a nosakkik bangin sawtpi a a si sa mite Topa in hingkiksak ding hi.

Daniel 12:2

A si sa mi tampite in nuntakna a ngahkik ding uh hi. Pawl khatte nungta tawntung ding uh a, pawl khatte in a tawntung zumna le min siatna a ngah ding uh hi.

Hosea 13:14

Misi khua pan ka tan khia diam, sihna khut pan ka hon khia diam? Sihna aw, na gu koi ah om hiam. Misi khua aw, na suksiatna koi ah om hiam.

Johan 11:11

a nungzuite kiangah, “I lawmpa Lazaras ihmu zo hi. Ahi zongin amah a phong dingin ka pai ding hi,” a ci hi.

Sawltak 7:60

Tua ciangin amah kunin nakpi takin kiko a, “Topa aw, hih miteʼ mawhna na maisak in,” a cih khit ciangin a si ta hi.

1 KORIN MASA 11:30

Tua bang mawhna hangin note tampi tak cina-in na zawngkhal uh a, pawl khat zong na si uh hi.

1 KORIN MASA 15:20

Ahi zongin a thuman taktak ci lehang, a si sa mite zong hingkik takpi ding hi cih a kitel theih nadingin sihna panin Khris kihingkiksak khinzo hi.

1 KORIN MASA 15:51

Kuamah kim in a theih loh thusim khat na ngai un. Eite khempeuh a si khin ding ihi kei a, thakhat thu-in a kikhel vat ding ihi hi.

1 THESALONIKA MASA 4:14

Jesu si-in thokik hi, ci-in i up mah bangin Pasian in Jesu hong paipihkik ciangin amah umin a si mite zong hong tonpih ding hi, ci-in i um hi.

1 THESALONIKA MASA 5:10

Amah a hong paikik ciangin a hing ihi a, a si ihi zongin amah tawh i om khawm theih nadingin eite adingin amah a hong si ahi hi.