Mattiu 27:5 - Tedim Bible Revision 2017

⁵ Tua ciangin amah in biakinn sungah a ngun peekte lawnin paikhia a, a mahmah a gui-awk hi.

Tedim Bible

⁵ Judas in biakna innpi sungah dangka paai a, mun dangah a pai khit ciangin a awklum hi.

Mattiu 27:5 Iomraidhean Croise

2 SAMUEL NIHNA 17:23

Ahithofel in ama thugen a kizuih loh a muh ciangin a la tutphah vawhin ama khuapi a inn ah nuak ciah hi. Tua ciangin amah in a innkuan vai hawmsak a, a man ciangin a mahmah gui-awk hi. Amah si a, a paʼ hanah kivui hi.

1 KUMPI MASATE 16:18

Ama hih sa a khialhna, Topaʼ muhna ah a siat gamtatna, Jeroboamʼ khekhap a totna le a hih sa a khialhna, Israel a khialhsakna hangin, a khuapi kila khinta hi, ci-in Zimri in a muh ciangin kumpipaʼ inn muanhuai sungah amah pai a, kumpipaʼ inn tawh amah mei-in kihalnelhin a si hi.

JOB (Job) 2:9

Tua ciangin a zi in, “Na upna khiam tuan lo ding na hi hiam? Pasian samsia inla si suk mai in,” a ci hi.

JOB (Job) 7:15

Tua ahih manin gui-awk ding ka ut zaw a, hih bang ka thuak sangin ka si nuam zaw hi.

Late 55:23

Ahih hangin Pasian aw, dum thuk penna munah amaute na lawn suk dinga, mi thatte le mi khemte pen amau nuntak ding zah lang hing lo ding uh hi. Ahih hangin keimah in nang kong muang ding hi.

Mattiu 26:61

“Hih mipa in, ‘Pasianʼ Biakinn susia-in ni thum sungin ka lamkik thei ding hi,’ ci hi,” a hong ci uh hi.

Mattiu 27:6

Ahi zongin siampite in tua ngun peekte tawm uh a, “Hih sumte pen mi thah nadingin a kipia sum ahih manin biakinn sumkholna ah koih dingin kilawm lo hi,” a ci uh hi.

Luka 1:21

Tua hun sungteng, mihonte in Zekhariah na ngak uh a, biakinn sungah sau veipi a om manin lamdang a sa uh hi.

Luka 1:9

Siampiteʼ hih ngei zel bangin biakna tau tungah, paknamtui kua in hal ding, ci-in ai a kisan ciangin Zekhariah in a ngah hi. Tua ahih manin Topaʼ biakinn sungah amah lut a,

Thukhente 9:54

Tua ciangin amah in ama hiam a tawisak tangvalpa nawh sapin ama kiangah, “Na namsau dok inla kei hong that in. Tua hikeileh mite in, ‘Numei khat in amah that hi,’ hong ci kha ding uh hi,” a ci hi. A tangvalpa in amah sun letin amah a si ta hi.