Mattiu 27:42 - Tedim Bible Revision 2017

⁴² “Amah in midangte hon khia thei napi-in a mahmah kihon khia thei lo hi. Amah, Israel miteʼ Kumpi ahi hi. Tu-in singlamteh tung panin hong kum suk leh i um ding hi.

Tedim Bible

⁴² “Hih mipa in midangte a gup theih hangin ama pumpi kigum zo lo hi. Israel Kumpipa ahih takpi leh, tu mahmahin singlamteh tung pan hong kumsuk ta hen. Hong kum leh, ka um ding uh hi.

Mattiu 27:42 Iomraidhean Croise

Mattiu 2:2

“Jew miteʼ kumpi ding ahi naungek a hong suak pen koi lai ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi,” hong ci uh hi.

Mattiu 27:37

Tua ciangin amah a mawhsakna uh, “Hih pa, Jew miteʼ Kumpi Jesu ahi hi,” cihna lai gelhin ama lutang sanah a suang uh hi.

Mattiu 27:40

“Biakinn susia-in ni thum sungin a lamkik ding pa aw, nang le nang kihon khia in. Pasianʼ Tapa na hih takpi leh singlamteh tung panin hong kum suk in,” ci-in a zahko uh hi.

Mattiu 27:41

Tua bangmahin siampi liante in Thukham hilh siate le upate tawh zahko-in,

Marka 15:31

Tua bangmahin siampi liante le Thukham hilh siate in zong zahpih bawlin, “Midangte hon khia zo napi, amah le amah kihon khia zo lo!

Marka 15:32

Israel miteʼ kumpipa Khris tu-in singlamteh tung panin hong kum suk leh amah um ni!” a kici uh hi. Jesu tawh a kikhai khawm mi nihte in zong a simmawh bawl uh hi.

Luka 19:38

“Pasian in Topaʼ tangin a hong pai kumpipa, thupha pia tahen. Vantungah nopna om henla, Pasianʼ min thang tahen,” ci-in a awng uh hi.

Luka 23:35

Jew mi upate in Jesu zahko-in, “Amah in midangte hon khia hi. Pasian teel sa Khris ahih takpi leh amah le amah kihon khia tahen,” ci-in a simmawh bawl laitakun tua lai-a ding mite in a enen uh hi.

Luka 23:37

“Jew Miteʼ Kumpipa na hih takpi leh nang le nang kihon khia in,” a ci uh hi.

Johan 1:49

Tua ciangin Nethanel in, “Sia aw, nang, Pasianʼ Tapa na hi hi. Israel miteʼ Kumpi zong na hi hi,” a cih ciangin

Johan 12:13

Tua ahih manin amah a dawn dingin Jerusalem panin mihonpi pai khia-in nisuh hiangte tawi kawmin, “Pasian phat un! Pasian in Topaʼ min tawh hong pai pa thupha pia tahen! Pasian in Israel Kumpipa thupha pia tahen!” ci-in a kiko uh hi.

Johan 12:47

Ka thugenna za napi-in a zui lo mite tungah thu ka khen kei ding hi. Leitung mite mawhsakin thukhen dingin a hong pai ka hi kei a, a hon khia dingin a hong pai ka hizaw hi.

Johan 9:24

Tua ciangin a mittaw ngei pa mah samkik leuleu uh a, “Pasianʼ mai ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

Sawltak 4:14

Ahi zongin a kidamsak mipa pen Peter le Johan-te gei ah om gige ahih manin a nial nading uh thu mu zo lo uh hi.