Mattiu 27:3 - Tedim Bible Revision 2017

³ A lehhek pa Judas in Jesu a si dingin thu a kikhenna a muh ciangin kisikkik ahih manin siampi liante le upate kiangah a ngun peek sawm thumte va paipihkik a,

Tedim Bible

³ Tua lai takin a lehheekpa Judas in, Zeisu a sih nadingin thu a kikhen a theih ciangin kisikkik a, dangka sawmthum siampite leh upate kiangah va pia kik a;

Mattiu 27:3 Iomraidhean Croise

JOB (Job) 20:5

migiloteʼ nopsak hun a tom mahmahna thu, Pasian a don loteʼ lungdam hun a tom mahmahna thu thei lo na hi hiam?

Paikhiatna 21:32

Bawngtal in sila ahi pasal hitaleh numei hitaleh khat peuhpeuh a ki tawh a pik leh, a nei pa in amauʼ topaʼ tungah ngun shekel sawm thum pia dinga, bawngtal kidenglum ding hi.

Zekhariah 11:13

Tua ciangin Topa in kei kiangah, “Biakinn sumkoihna sungah tuate koih in,” hong ci hi. Tua ciangin kei zong, kei tawh kituakin tam a sak mahmah uh tua dangka sawm thum la-in biakinn sumkoihna sungah ka koih hi.

Johan 13:2

Jesu le a nungzuite nitak an ne-in a tukhawm uh hi. Tua hun laitakin dawimangpa in Simon Iskariotʼ tapa Judasʼ lungsim sungah Jesu lehhek nading ngaihsutna koih khinzo hi.

Johan 13:27

Judas in tua an a nek khit phetin ama sungah Satan hong lut pah hi. Tua ahih manin Jesu in ama kiangah, “Na hih ding peuhpeuh hih pak in,” a ci hi.

Johan 18:3

Tua ahih manin Judas zong, siampi liante le Farisi mite in a sawl galkap hon khat le biakinn cing palik pawl khat tawh hiam tawi-in lalcin leh meilah de-in tua huanah a hong pai uh hi.

Sawltak 1:18

(“Tu-in hih mipa in a gitloh gamtatna thamanin a ngah sum tawh amah in lo khat lei a, tua lo sungah kia-in a si hi. Amah kitamzan a, a sungkua khempeuh kitheh kek hi.

2 KORIN NIHNA 7:10

Tua na dahna uh hotkhiatna ngah theih nadingin na lungsim uh na kheel nadingun Pasian in hong zang ahih manin dah nading bangmah om lo hi. Ahi zongin hih leitung dahna lelte in ahihleh sihna piangsak hi.