Mattiu 26:9 - Tedim Bible Revision 2017

⁹ Hih sathau kizuak leh sum tampi tak kikhawng dinga, mizawngte huhna-in kipia thei ding hi,” a ci uh hi.

Tedim Bible

⁹ Tua paknamtui man tampi-in zuakin mizawngte a kipia thei hi,” a ci uh hi.

Mattiu 26:9 Iomraidhean Croise

2 KUMPI NIHNATE 5:20

Pasianʼ mipa Elishaʼ nasem Gehazi in, “Ama hong puak nate sang loin ka topa in Syria mi hih Naaman ciahsak mawk hi. Topa a nungta ahih mah bangin, amah nungdelhin ama tung panin na khat peuhpeuh ka ngah ding hi,” a ci hi.

Mattiu 26:10

Ahi zongin Jesu in hih thu phawk ahih manin amaute kiangah, “Hih numei bang nuammawh na hi uh hiam? Kei tungah a kilawm mahmah in amah hong gamta hi.

Mattiu 26:8

Ahi zongin nungzuite in a muh uh ciangin heh uh a, “Bang hangin hih sathau namtui mawk beisak ahi hiam?

Marka 14:5

Kizuak le ngun peek za thum val kikhawng dinga, a sum mizawngte tungah kipia thei ding hi,” ci-in nakpi takin tua numei a mawhsak uh hi.

2 PETER NIHNA 2:15

Thuman lampi nusia-in gammang uh a, a man loin gamtatna tawh sum a ngah nuam Beorʼ tapa Balaamʼ gamtat bangin gamta uh hi.

1 SAMUEL MASA 15:21

Ahih hangin mite in a kinusiate, tuute le bawngtalte, suksiat dinga a ki-ap na hoih pente Gilgal ah Topa na Pasian piak dingin la uh hi,” a ci hi.

1 SAMUEL MASA 15:9

Ahih hangin Saul le mite in Agag le a hoih pen tuute, bawngtalte, gannote, tuunote le a hoih khempeuh khawi uh a, tuate that mangkhin lo uh hi. A kisimmawh bangmah a man lo khempeuh amaute in that mang uh hi.