Mattiu 26:67 - Tedim Bible Revision 2017

⁶⁷ Tua ciangin amaute in a maitang cilphih uh a,

Tedim Bible

⁶⁷ Tua lai takin amau in Zeisu’ maitang cil tawh phih uh a, khut tumin a tum uh hi. Kimkhat in khutpeek-in a beeng uh hi.

Mattiu 26:67 Iomraidhean Croise

1 KUMPI MASATE 22:24

Tua ciangin Khenaanahʼ tapa Zedekiah a nai ah hong pai-in Mikaiah a paang bengin, “Nangʼ tungah thu a gen dingin Topaʼ kha in cikin kei hong nusia-in nang kiang hong tung ahi hiam?” a ci hi.

Isaiah 50:6

Hong satte, ka nung ka dawh a, ka khamul-in a hong kai mite, ka paang ka dawh hi. Maizumna le cilphihna panin ka maitang ka hei kei hi.

Isaiah 52:14

Mi tampite in amah lamdang sa uh hi. Mihing a bang nawn lo zah dongin nakpi takin a mai sia a, mihing a sun nawn lo zah dongin a mel a sia hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Jeremiah 20:2

Tua ciangin Pashhur in kamsang Jeremiah sat a, Benjamin Kongpi saknung gei, Topaʼ biakinn sungah kol a bulh hi.

Kah la 3:30

Guallelin bawlsiatna thuak ta lehang tua banga om lel ding ahi hi.

Kah la 3:45

Hih leitungah kote a kihhuai nahteh muat bangin na hong bawl hi.

Micah 5:1

Jerusalem khua mite aw, na kulh sung uh ah lut un. Eite hong ki-umcih a, Israel makai pa a hong sim uh ahi hi.

Gamlak-vakna 12:14

Ahih hangin Topa in Moses kiangah, “Tua numeiʼ maitang, a pa in cilphih leh tua numei ni sagih sung maizum ding hi lo ahi hiam? Giahphual pua lamah ni sagih sung kikhumcipsak in; tua khit ciangin amah hong kipaipihkik thei ding hi,” a ci hi.

Mattiu 26:68

“Nang Khris aw, kua in hong beeng ahi hiam, hong gen dih in,” a ci uh hi.

Mattiu 27:30

Tua ciangin cilphih uh a, a pumpeeng tawisak uh la-in a lutang a sat uh hi.

Mattiu 5:39

Ahi zongin note kiangah keʼn kong genin ah: A gilote na thukkik kei un. Mi khatpeuh in na paang taklam hong bet leh a lang khat zong na dawh lai zaw in.

Marka 10:34

Tua mite in amah simmawh bawlin, cilphihin, satin a that ding uh hi. Ni thum khit ciangin amah thokik ding hi,” a ci hi.

Marka 14:65

Tua ciangin mi pawl khat in cilphih uh a, a mai tunsakin beeng uh a, “Kua in hong beng ahi hiam, gen in,” a ci uh hi. Palikte in zong amah paipihin a beeng uh hi.

Marka 15:19

Tua ciangin pumpeeng tawh a lu satin cilphih uh a, a zahtak bawl kineihin a mai ah a kun uh hi.

Johan 18:22

Hih bangin Jesu a pau ciangin biakinn cing palikte khat in Jesu beeng a, “Bang hangin hih bangin siampi lianpen pa tungah kampau ngam na hi hiam?” a ci hi.

Johan 19:3

ama kiangah nehin, “Jew mite Kumpipa, na khansau tahen!” ci-in hopihin a khut uh tawh a beeng uh hi.

1 KORIN MASA 4:13

Zahpihna kam tawh hong kihopih ciangin kam khum tawh ka dawng uh hi. Miteʼ muhna ah tu ni ciang dong ninbulom le leivui them bang bek ka hi uh hi.

Thu-hilhkikna 25:9

upateʼ omin a sanggampaʼ zi ama kiangah pai to-in a khe panin a khedap kaih khiatsakin a maitang cilphih ding hi. Tua ciangin tua nu in, ‘A sanggampaʼ innkuan a zom to lo mipa hih bangin kibawl tahen,’ ci khia ding hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.