Mattiu 26:64 - Tedim Bible Revision 2017

⁶⁴ Tua ciangin Jesu in, “Nangmah in tua mah na ci khin hi. Ahi zongin note khempeuh kiangah ka hong genin ah: Vanglian paʼ tak lamah Mihing Tapa omin meii tungah a hong pai na mu ding uh hi,” a ci hi.

Tedim Bible

⁶⁴ Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Mattiu 26:64 Iomraidhean Croise

Late 110:1

Topa in ka to kumpipa tungah, “Na galte nangma khengakna-in ka bawl matengin ka tak lamah tu in,” a ci hi.

Isaiah 19:1

Egypt tawh kisai thu hih bangin gen hi: A manlang mahmah meii tungah Topa tuangin Egypt gamah a pai hi. Ama mai ah Egypt gam milimte lau-in liing ding uh a, Egypt miteʼ hanna bei ta ding hi.

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Mattiu 16:27

A Paʼ minthanna vang le a vantung mite tawh Mihing Tapa hong paikik dinga, mi khempeuh amauʼ gamtatna ciat tawh a kizui-in a thuk ding hi.

Mattiu 16:28

Hih lai-a a om mi pawl khatte a sih ma-in Mihing Tapa, Kumpi-in hong pai ding ahih lamtak phawk khial kei un,” a ci hi.

Mattiu 22:44

‘Topa in keima Topa tungah thu gen a: Na galte, na khe nuai ah ka koih matengin ka tak lamah na tu in,’ ci hi, ci-in thu na gen a, Khris pen ka Topa ci ahi hiam?

Mattiu 24:30

Tua ciangin Mihing Tapaʼ lim vantungah hong kilang ding hi. Tua ciangin leitung minam khempeuh dahin kap ding uh a, vangliatna le minthanna tawh meii lakah Mihing Tapa a hong pai a mu ding uh hi.

Mattiu 25:31

“Mihing Tapa a vantung mite tawh Kumpi-in hong pai khawm uh ciangin a kumpi tokhom tungah hong tu ding hi.

Mattiu 26:25

Jesu a lehhek pa Judas in, “Topa aw, kei ka hi hiam?” a cih ciangin, “Na ci khin hi,” ci-in Jesu in a dawng hi.

Mattiu 27:11

Tu-in gam ukpa Pilat mai ah Jesu kidingsak ahih manin amah in, “Nang, Jew miteʼ Kumpipa na hi hiam?” ci-in a dot ciangin Jesu in, “Nang zong tua mah nong ci hi,” ci-in a dawng hi.

Mattiu 28:18

Tua ciangin amaute mai ah Jesu hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Mattiu 8:20

Jesu in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihingʼ Tapa in a luptheih nading mun koi mahah nei lo hi,” ci-in a dawng hi.

Marka 14:62

Jesu in, “Ka hi hi; Vanglian Pasianʼ tak lamah Mihing Tapa omin meii lakah a hong pai na mu ding uh hi,” a ci hi.

Luka 21:27

Tua ciangin Mihing Tapa hong kilang dinga, minthanna le vangliatna tawh meii lakah hong pai ding hi.

Luka 22:69

Ahi zongin tu a kipanin a Vanglian Pasianʼ tak lamah Mihing Tapa tu ding hi,” ci-in a dawng hi.

Luka 22:70

Tua ciangin a vekpi-un, “Tua ahihleh Pasianʼ Tapa na hi hiam?” a cih uh ciangin, “Pasianʼ Tapa hi, nong ci uh hi,” ci-in a dawng hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Sawltak 1:11

“Galilee mite aw, bang hangin vantung lam enin ding niloh na hi uh hiam? Note kiang panin vantungah a kila to hih Jesu pen, vantungah a pai toh na muh uh bang teekteek mahin khatvei hong pai sukkik ding hi,” a ci uh hi.

ROM (Romans) 14:10

Tua ahihleh bang hangin na Khristian pihte uh tungah thu khen a, bang hangin simmawh bawl thei na hi uh hiam? Thukhenna a thuak dingin Pasianʼ mai ah eite khempeuh a ding ciat ding ihi hi.

1 THESALONIKA MASA 4:16

Pasianʼ thupiakna awging lianpi, vantungmi mangpaʼ thugenna le Pasianʼ peengkul hong ging dinga, vantung panin Topa mahmah hong pai suk ding hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Mangmuhna 1:7

En un, amah hong paita dinga, meiipi tawh hong tonkhawm ding hi. Teipi tawh amah a sunte a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van leng khia mang a, a tunna mel uh kithei lo hi.