Mattiu 26:61 - Tedim Bible Revision 2017

⁶¹ “Hih mipa in, ‘Pasianʼ Biakinn susia-in ni thum sungin ka lamkik thei ding hi,’ ci hi,” a hong ci uh hi.

Tedim Bible

⁶¹ “Hihpa in, ‘Keimah in Pasian biakna innpi ka susia ding a, ni thum khit ciangin ka lam kik zo ding hi,’ a ci hi,” ci-in teci a pang uh hi.

Mattiu 26:61 Iomraidhean Croise

Piancilna 19:9

Ahih hangin amaute in, “Tai khia in. Kote kiangah hong peem pak a, tu-in nang thukhen hong kineih ding na hi hiam? Tu-in amaute sangin nang kong siat bawl zaw ding uh hi,” a ci uh hi. Tua ciangin amaute in nakpi takin Lotʼ lam hong neh uh a, kongkhak a phukham zah dongin hong neh uh hi.

1 KUMPI MASATE 22:27

Tua ciangin, ‘Kumpipa in hih bangin ci hi: “Hih mipa thong sungah koih unla, lungnuamin kei kong ciahkik matengin anletui tawmno cik bek tawh vak un,” ci hi,’ va ci un,” a ci hi.

2 KUMPI NIHNATE 9:11

A topaʼ nasemte kiangah Jehu hong pusuah ciangin amaute in ama kiangah, “Thu khempeuh a hoih hiam? Bang hangin hih mihai pa nang kiangah hong pai ahi hiam?” a ci uh hi. Tua ciangin amah in amaute kiangah, “A mipa le a thugen na thei uh hi,” a ci hi.

Isaiah 49:7

Israel a honpa le ama Siangtho Pa ahi Topa in nakpi takin simmawhna a thuak, minamte in a muhdah, gam ukteʼ nasem pa tungah: “Nangmah a hong teel Israel-teʼ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai ah hong ding ding uh a, na mai ah uliante hong kun ding uh hi,” hong ci hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Mattiu 12:24

Ahi zongin Farisi mite in hih thu a zak uh ciangin, “Dawimangpa Beelzebul min tawh dawi a hawl khia hi lel hi,” a ci uh hi.

Mattiu 26:62

Tua ciangin siampi lianpen pa hong dingin, “Hih hong mawhsakna thu tawh kisai-in na gen ding om lo ahi hiam?” ci-in a dot hangin

Mattiu 26:71

Tua ciangin Peter zong inntual pua lamah a paikhiat leh numei dang khat mah in mu ahih manin a gei-a omte kiangah, “Nazareth khuami Jesu tawh hih mipa kikhawl hi,” a ci hi.

Mattiu 27:40

“Biakinn susia-in ni thum sungin a lamkik ding pa aw, nang le nang kihon khia in. Pasianʼ Tapa na hih takpi leh singlamteh tung panin hong kum suk in,” ci-in a zahko uh hi.

Mattiu 27:5

Tua ciangin amah in biakinn sungah a ngun peekte lawnin paikhia a, a mahmah a gui-awk hi.

Marka 14:58

“Mihingteʼ lam hih biakinn ka susia dinga, ni thum khit ciangin mihingteʼ lam ahi lo a dang khat ka lam ding hi,” a cihna ka za uh hi, ci-in hong gen uh hi.

Marka 15:29

Amah a va mu kha mi peuhpeuh in a lu uh singin zahpih bawl uh a, “A! Biakinn susia-in ni thum sungin a lamkik ding pa!

Luka 23:2

Tua lai panin amah mawh zon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, a mahmah zong Khris ahi kumpi khat ahihna a kigenna zong ka za uh hi,” a ci uh hi.

Johan 9:29

Pasian in Moses a hopihna thu ka thei uh a, hih mipa ahihleh koi lai panin hong piang ahi hiam cih nangawn ka thei kei uh hi,” a ci uh hi.

Sawltak 17:18

Epikuras thu ngaihsutzia le Stoik thu ngaihsutzia a um mite pawl khat, Paul tawh thu kinial uh a, “Hih mi kipilsak thu mawk gengen pa in bang gen nuam ahi hiam?” cih san uh a, pawl khat in, “Minam dangteʼ pasian thu a gen tawh kibang hi,” a ci uh hi. Paul in Jesu thu le a thawhkikna thu hilh ahih manin hih bangin a gen uh ahi hi.

Sawltak 18:13

Amaute in, “Hih mipa in ngeina om lopi-in mite in Pasian a biak nadingin zol ding hanciam hi,” a ci uh hi.

Sawltak 22:22

Paul in Gentail mite kiang a pai nading thu a gen matengin mite in limtakin a ngai uh hi. Ahi zongin tu-a thu a pulak ciangin a aw neihzah uh tawh mite kiko-in, “Leitungah hih bang mi omsak kei un! That un! A hing dingin kilawm lo!” ci-in a awng uh hi.