Mattiu 26:55 - Tedim Bible Revision 2017

⁵⁵ Tua ciangin Jesu in mihonte kiangah, “Gal le sa bangin hong ngaihsun a, keimah a man dingin namsau le molhtum tawh hong kuan na hi uh hiam? Nisimin biakinn sungah thu ka hilh niloh a, ahi zongin kei nong man kei uh hi.

Tedim Bible

⁵⁵ Tua lai takin Zeisu in, “Note in galgu mat bangin kei man dingin namsau leh molhtum tawi-in hong pai na hi uh hiam? Keimah in nisimin biakna innpi sungah tu a, thu ka hilh lai takin na hong man kei uh hi.

Mattiu 26:55 Iomraidhean Croise

Mattiu 21:23

Biakinn tual sungah Jesu lutkik a, thuhilhin a om laitakin siampi liante le upate ama kiangah hong pai uh a, “Hih nate kua thu tawh bawl a, na bawl nading kua in aana hong pia ahi hiam?” ci-in a dot uh ciangin

Mattiu 26:47

Tua bangin Jesu in thu a gen laitakin sawm le nihte sung panin Judas hong tung a, siampi liante le upate in a hong sawl, namsau le molhtum a tawi mihonpi tawh hong tonkhawm hi.

Marka 10:1

Tua lai panin Jesu ding khia-in Judea gam le Jordan Gun gal gam tengah a pai hi. Ama kiangah mihon tampi hong kikhawmkik uh a, a hilh ngeisa bangin amaute tungah thu a hilh hi.

Marka 12:35

Jesu in biakinn sungah thu a hilh laitakin, “Bang hangin Thukham hilh siate in Khris pen Davidʼ suan hi lel hi, ci thei uh ahi hiam?

Luka 19:47

Jesu in nisimin biakinn sungah thu a hilh hi. Siampi liante, Thukham hilh siate le upate in amah that nuam uh hi;

Luka 20:1

Ni khat, Jesu in biakinn tual sungah mite kiangah thu hilhin, Lungdamna Thu genin a om laitakin, siampi liante, Thukham hilh siate le upate hong pai khawm uh a,

Luka 4:20

Hih thu a kigelhna mun teng a sim khit ciangin a laibu khupin biakinn nasem pa tungah piakikin a tu hi. Kikhopna inn sungah a om mi khempeuh in limtakin amah a en uh hi.

Johan 7:14

Pawi kham hunsung alang bang a bei khit ciangin biakinn sungah Jesu lutin thuhilh ding a kipan hi.

Johan 7:28

Tua ahih manin biakinn sungah a gen mah bangin mi khempeuh zakin gen khia a, “Kei hong thei tel taktak a, ka hong pian khiatna mun a thei takpi mah na hi uh hiam? Keima thu tawh a hong pai tawm ka hi kei hi; kei a hong sawl a thuman pa a thei lo na hi uh hi.

Johan 8:2

Ahi zongin a zing ciang zingsang tungin biakinn ah paikik a, mihon tampi ama kiangah hong kikhawm uh ahih manin amaute tungah thuhilh ding a kipan hi.

Johan 8:20

Jesu in hih thute pen sumpi khiatna kuang a kikoihna biakinn dei sungah a gen hi a, ahi zongin ama hun tung nai lo ahih manin kuamah in amah man lo uh hi.