Mattiu 26:53 - Tedim Bible Revision 2017

⁵³ Ka Pa kiangah ngen hi leng, vantung galkapte hon sawm le hon nih val, thakhat thu-in hong puak pah theih ding lamtak thei lo na hi hiam?

Tedim Bible

⁵³ Tu nangawnin ka Pa kiangah ngen leng vantungmi kuan sawm leh kuan nih sanga tamzaw ka kiangah hong sawl ding um lo na hi hiam?

Mattiu 26:53 Iomraidhean Croise

2 KUMPI NIHNATE 6:17

Tua ciangin Elisha in thu ngenin, “Topa aw, kong thum hi; amah in a muh theih nadingin ama mitte honsak in,” a ci hi. Tua ahih ciangin Topa in tangvalpaʼ mitte honsak a, tua ciangin amah in mu hi. En in, Elishaʼ kimkot mual tung khempeuh sakolte le meileengte tawh kidim hi.

Daniel 7:10

tua sung panin meikuang a hong leeng khia niloh hi. Ama nasem ding mihing tul za tampi om a, a mai ah mihing tul za sawm tampi a ding uh hi. Thukhenna ding hun kipan a, laibute a kiphen hi.

Mattiu 25:31

“Mihing Tapa a vantung mite tawh Kumpi-in hong pai khawm uh ciangin a kumpi tokhom tungah hong tu ding hi.

Mattiu 4:11

Tua ciangin Dawimangpa paikhia a, vantung mite hong pai-in Jesu huhin an a vak uh hi.

Marka 5:15

Jesu kiang a tun uh ciangin dawi tampi a vei ngei mipa zong a mu uh hi. Tua mipa hoihtakin om a, a lungsim pilin, puan silhin a om a muh uh ciangin lamdang sa-in lau mahmah uh hi.

Marka 5:9

Jesu in, “Na min bang ahi hiam?” ci-in a dong hi. Mipa in, “Kote tampi pha ka hih manun ka min pen A Honpi ahi hi,” ci-in a dawng hi.

Luka 8:30

Jesu in ama kiangah, “Na min bang ahi hiam?” ci-in a dot ciangin, ama sungah dawi tampi lut ahih manin, “A Honpi,” ci-in a dawng hi.

Johan 10:18

Kuamah in ka nuntakna hong laksak thei lo a, keima utthu tawh ka piak hizaw hi. Ka nuntakna piakkhiat theih nading le lakkik theih nading thu ka Pa in kei tungah a hong piak ahi hi,” a ci hi.

Johan 18:36

Tua ciangin Jesu in, “Keima ukna pen hih leitung gam hi lo hi. Keima ukna hih leitung gam hileh Jerusalem khua-a Jew mi ulianteʼ khut sungah hong kipiak loh nadingin ka nungzuite in a do ding uh hi. Tua ahih manin keima ukna pen hih leitung tawh kizom lo hi,” a ci hi.

2 THESALONIKA NIHNA 1:7

tu-a gimna a thuak note le kote tungah zong nopsakna hong pia ding hi. Vantung panin Topa Jesu le a vanglian a vantung mite, meikuang tawh hong kilat ciangin,

Juda 1:14

Tanglai pekin Adam pan khang sagihna Enok in zong hih thu mah na gen khol a, a genna ah, “En un, Topa, a mi siangtho honpite tawh hong pai dinga,